विद्यार्थी न्यायालयात जाण्याच्या तयारीत
म. टा. प्रतिनिधी, मुंबई
वैद्यकीय अभ्यासक्रमांसाठी सुरू असलेले प्रवेशप्रक्रिया पुन्हा एकदा चर्चेत आली आहे. या प्रक्रियेत अनेक विद्यार्थ्यांनी खोटी डोमिसाइल प्रमाणपत्र सादर करून दोन राज्यांत प्रवेशासाठी अर्ज केल्याचे स्पष्ट झाले आहे. वैद्यकीय शिक्षण व संशोधन संचालनालयाने (डीएमईआर) जाहीर केलेल्या यादीच्या माध्यमातून हा घोळ समोर आला आहे. याचा फटका राज्यातील विद्यार्थ्यांना बसणार असून त्यांनी यासंदर्भात मुंबई उच्च न्यायालयाच्या औरंगाबाद खंडपीठाकडे दाद मागितली आहे. त्यासंदर्भात सोमवारी सुनावणी असल्याचे कळते. दरम्यान, अशा ४०० विद्यार्थ्यांची नावे यादीतून काढून टाकण्यात आल्याचे स्पष्टीकरण डीएमईआरकडून देण्यात आले आहे.
वैद्यकीय अभ्यासक्रम प्रवेशप्रक्रियेत सुसूत्रता आणि पारदर्शकता यावी म्हणून देश पातळीवर ‘नीट’ परीक्षा सुरू करण्यात आली. त्यानुसार राज्यात डीएमईआर ही प्रवेशप्रक्रिया राबवित असून या अभ्यासक्रमांची पहिली यादी २५ जुलै रोजी जाहीर करण्यात येणार आहे. मात्र या प्रक्रियेत अनेक विद्यार्थ्यांनी खोटी डोमिसाइल प्रमाणपत्र सादर केली आहेत. राज्यातील रहिवासी असलेले विद्यार्थी राज्य कोट्यानुसार ८५ टक्के जागांवर अर्ज करू शकतात. तर उर्वारित १५ टक्के जागा या ऑल इंडिया रँकिंगच्या माध्यमातून भरल्या जातात. त्यानुसार वैद्यकीय अभ्यासक्रमांच्या प्रवेशासाठी प्रत्येक राज्याने विद्यार्थ्यांच्या नावाच्या याद्या वेबसाइटवर जाहीर केल्या आहेत. या याद्यांची पडताळणी केल्यावर दोन्ही राज्यात एकाच विद्यार्थ्याचे नाव राज्य कोट्यासाठी गेल्याचे उघड झाले आहे.
‘नीट’मुळे देशपातळीवर वैद्यकीय अभ्यासक्रमांना प्रवेश घेण्यासाठी संधी उपलब्ध झाली असून अनेक विद्यार्थी या संधीचा दुरुपयोग करताना दिसत आहेत. या घोटाळ्यामुळे राज्यातील विद्यार्थ्यांना त्याचा फटका बसणार असून अनेक पालकांनी या प्रकरणी वैद्यकीय शिक्षणमंत्री गिरीश महाजन यांच्याशी संपर्क साधला असल्याची माहिती पालकांकडून देण्यात आली आहे.
खोटे डोमिसाइल सर्टिफिकेट सादर केल्याने राज्यातील प्रवेशप्रक्रियेतून ४०० जणांची नावे वगळण्यात आली आहेत. मात्र या प्रकाराचा प्रवेशप्रक्रियेवर कोणताही परिणाम होणार नाही.
डॉ. प्रवीण शिनगारे, संचालक, डीएमईआर
म. टा. प्रतिनिधी, मुंबई
वैद्यकीय अभ्यासक्रमांसाठी सुरू असलेले प्रवेशप्रक्रिया पुन्हा एकदा चर्चेत आली आहे. या प्रक्रियेत अनेक विद्यार्थ्यांनी खोटी डोमिसाइल प्रमाणपत्र सादर करून दोन राज्यांत प्रवेशासाठी अर्ज केल्याचे स्पष्ट झाले आहे. वैद्यकीय शिक्षण व संशोधन संचालनालयाने (डीएमईआर) जाहीर केलेल्या यादीच्या माध्यमातून हा घोळ समोर आला आहे. याचा फटका राज्यातील विद्यार्थ्यांना बसणार असून त्यांनी यासंदर्भात मुंबई उच्च न्यायालयाच्या औरंगाबाद खंडपीठाकडे दाद मागितली आहे. त्यासंदर्भात सोमवारी सुनावणी असल्याचे कळते. दरम्यान, अशा ४०० विद्यार्थ्यांची नावे यादीतून काढून टाकण्यात आल्याचे स्पष्टीकरण डीएमईआरकडून देण्यात आले आहे.
वैद्यकीय अभ्यासक्रम प्रवेशप्रक्रियेत सुसूत्रता आणि पारदर्शकता यावी म्हणून देश पातळीवर ‘नीट’ परीक्षा सुरू करण्यात आली. त्यानुसार राज्यात डीएमईआर ही प्रवेशप्रक्रिया राबवित असून या अभ्यासक्रमांची पहिली यादी २५ जुलै रोजी जाहीर करण्यात येणार आहे. मात्र या प्रक्रियेत अनेक विद्यार्थ्यांनी खोटी डोमिसाइल प्रमाणपत्र सादर केली आहेत. राज्यातील रहिवासी असलेले विद्यार्थी राज्य कोट्यानुसार ८५ टक्के जागांवर अर्ज करू शकतात. तर उर्वारित १५ टक्के जागा या ऑल इंडिया रँकिंगच्या माध्यमातून भरल्या जातात. त्यानुसार वैद्यकीय अभ्यासक्रमांच्या प्रवेशासाठी प्रत्येक राज्याने विद्यार्थ्यांच्या नावाच्या याद्या वेबसाइटवर जाहीर केल्या आहेत. या याद्यांची पडताळणी केल्यावर दोन्ही राज्यात एकाच विद्यार्थ्याचे नाव राज्य कोट्यासाठी गेल्याचे उघड झाले आहे.
‘नीट’मुळे देशपातळीवर वैद्यकीय अभ्यासक्रमांना प्रवेश घेण्यासाठी संधी उपलब्ध झाली असून अनेक विद्यार्थी या संधीचा दुरुपयोग करताना दिसत आहेत. या घोटाळ्यामुळे राज्यातील विद्यार्थ्यांना त्याचा फटका बसणार असून अनेक पालकांनी या प्रकरणी वैद्यकीय शिक्षणमंत्री गिरीश महाजन यांच्याशी संपर्क साधला असल्याची माहिती पालकांकडून देण्यात आली आहे.
खोटे डोमिसाइल सर्टिफिकेट सादर केल्याने राज्यातील प्रवेशप्रक्रियेतून ४०० जणांची नावे वगळण्यात आली आहेत. मात्र या प्रकाराचा प्रवेशप्रक्रियेवर कोणताही परिणाम होणार नाही.
डॉ. प्रवीण शिनगारे, संचालक, डीएमईआर