म. टा. विशेष प्रतिनिधी, मुंबई
डॉ. पायल तडवी हिची हत्या करण्यात आल्याचा आरोप कुटुंबीयांनी केला असला तरीही वैद्यकीय शवविच्छेदन अहवालातील प्राथमिक निष्कर्षामध्ये तिने आत्महत्या केल्याचे दिसून येत असल्याचे जे.जे. रुग्णालयातील वैद्यकीय तज्ज्ञांनी सांगितले. शवविच्छेदन अहवालामध्ये डॉ. पायल हिच्या गळ्यावर गळफास घेतल्याची खूणा दिसत आहे मात्र, अंतिम निष्कर्षासाठी घेतलेल्या नमुन्यांचे रासायनिक पृथ्थकरण करण्यात येणार आहे. गळफास घेतल्याच्या खुणा व फास लावल्याच्या खुणा वेगळ्या प्रकारच्या असतात. त्यावरून हत्या की आत्महत्या याचा वैद्यकीय निष्कर्ष काढता येतो, असे जे. जे. रुग्णायलातील शवविच्छेदन विभागातील तज्ज्ञांनी नाव न सांगण्याच्या अटीवर सांगितले. अहवालात गळ्याभोवती चिकटलेल्या केसांचे नमुने घेण्यात आले आहेत. तसेच मृत्युपूर्वी काही लैंगिक अत्याचार झाले होते का, याच्या वैद्यकीय तपासणीसाठीही शारीरिक द्रव्ये, त्वचा याचे नमुने निरीक्षणासाठी घेण्यात आले आहेत.
मृतदेहाच्या रक्ताचे नमुनेही डीएनए चाचणीसाठी घेण्यात आले आहेत. त्यावरून कुटुंबाशी असणारे नातेही वैद्यकीयदृष्ट्या प्रस्थापित होण्यास मदत होईल. अंतिम व्हिसेरा अहवाल मिळण्यास काही दिवसांचा अवधी लागणार असल्याचे कळते.
डॉ. पायल तडवी हिची हत्या करण्यात आल्याचा आरोप कुटुंबीयांनी केला असला तरीही वैद्यकीय शवविच्छेदन अहवालातील प्राथमिक निष्कर्षामध्ये तिने आत्महत्या केल्याचे दिसून येत असल्याचे जे.जे. रुग्णालयातील वैद्यकीय तज्ज्ञांनी सांगितले. शवविच्छेदन अहवालामध्ये डॉ. पायल हिच्या गळ्यावर गळफास घेतल्याची खूणा दिसत आहे मात्र, अंतिम निष्कर्षासाठी घेतलेल्या नमुन्यांचे रासायनिक पृथ्थकरण करण्यात येणार आहे. गळफास घेतल्याच्या खुणा व फास लावल्याच्या खुणा वेगळ्या प्रकारच्या असतात. त्यावरून हत्या की आत्महत्या याचा वैद्यकीय निष्कर्ष काढता येतो, असे जे. जे. रुग्णायलातील शवविच्छेदन विभागातील तज्ज्ञांनी नाव न सांगण्याच्या अटीवर सांगितले. अहवालात गळ्याभोवती चिकटलेल्या केसांचे नमुने घेण्यात आले आहेत. तसेच मृत्युपूर्वी काही लैंगिक अत्याचार झाले होते का, याच्या वैद्यकीय तपासणीसाठीही शारीरिक द्रव्ये, त्वचा याचे नमुने निरीक्षणासाठी घेण्यात आले आहेत.
मृतदेहाच्या रक्ताचे नमुनेही डीएनए चाचणीसाठी घेण्यात आले आहेत. त्यावरून कुटुंबाशी असणारे नातेही वैद्यकीयदृष्ट्या प्रस्थापित होण्यास मदत होईल. अंतिम व्हिसेरा अहवाल मिळण्यास काही दिवसांचा अवधी लागणार असल्याचे कळते.