म. टा. खास प्रतिनिधी, मुंबई
डॉ. पायल तडवी हिच्या आत्महत्येस जबाबदार असल्याचा आरोप असलेल्या तिन्ही महिला डॉक्टरांना विशेष सत्र न्यायालयात बुधवारी हजर करण्यात आले. रुग्णालयात कुणालाच माझी जात माहीत नाही, असे पायलनेच तिच्या आईला सांगितले होते, असा दावा आरोपी डॉक्टरांच्या वकिलांनी न्यायालयात केला. त्यामुळे या गुन्ह्यात अॅट्रोसिटीचे कलम लागू शकत नाही, असे सांगून यामागे घरगुती वाद असण्याची शक्यता त्यांनी व्यक्त केली.
आग्रीपाडा पोलिसांनी डॉ. भक्ती मेहर, डॉ. हेमा आहुजा आणि डॉ. अंकिता खंडेलवाल यांना बुधवारी न्यायालयात हजर केल्यानंतर पोलिसांनी पुढील चौकशीसाठी त्यांच्या कोठडीची मागणी केली. डॉ. पायल तडवी हिने आत्महत्येपूर्वी चिठ्ठी लिहिली असावी आणि ती या तिघींनी गायब केल्याची शक्यता असल्याने याबाबत त्यांची चौकशी करायची असल्याचे पोलिसांनी सांगितले. या तिघींचे मोबाइल हस्तगत करण्यात आले असून त्यामधील व्हॉट्सअॅप चॅटचा डेटा मिळवायचा आहे. त्याचप्रमाणे पाटील हिच्या मृतदेहावर काही जखमा आढळून आल्याने त्याबाबतही तपास करण्यासाठी या तिघींची पोलिस कोठडी आवश्यक असल्याचे पोलिसांनी सांगितले.
आरोपी डॉक्टरांच्या वतीने वकील आबाद पोंडा यांनी न्यायालयात बाजू मांडली. ते म्हणाले पायलची जात आरोपी डॉक्टरांना माहीतच नाही. ज्यावेळी एखाद्याची हानी व्हावी म्हणून त्रास दिला जातो आणि त्यातून आत्महत्या केली जाते त्यावेळी आत्महत्येस प्रवृत्त केल्याचा गुन्हा दाखल होतो. मात्र या तिघींचा असा काहीच उद्देश नव्हता. तिला काम करायला लावणे म्हणजे त्रास देणे असे होत नसल्याचे पोंडा म्हणाले. जर पायलकडे काहीच पर्याय नव्हता तर तिने नोकरी सोडायला हवी होती किंवा वरिष्ठ अधिकाऱ्यांकडे तक्रार करायला हवी होती. पण तसे तिने केले नसल्याचा दावा त्यांनी न्यायालयात केला. आरोपींचे दुसरे वकील संदीप बाली म्हणाले, पायल हिचे नुकतेच लग्न झाले होते, तरीही ती पतीसोबत राहत नव्हती. यावरून यामागे काहीतरी घरगुती कारण असल्याची शक्यता आहे. गळफास घेतला त्यावेळी पायलच्या खोलीचा दरवाजा आतून बंद होता, त्यामुळे आतमध्ये कुणी असल्याची शक्यताच नसल्याचे ते म्हणाले. दोन्ही बाजूचे युक्तिवाद ऐकून अतिरिक्त सत्र न्यायाधीश आर. एम. सदरानी यांनी तिघींना ३१ मे पर्यंत पोलिस कोठडी सुनावली.
'आम्हाला न्याय मिळावा हीच अपेक्षा'
पायलच्या आत्महत्येस जबाबदार असलेल्या तिघींना पोलिसांनी अटक केली आहे. आता आम्हाला न्याय मिळावा हीच अपेक्षा असल्याची प्रतिक्रिया पायलची आई अबेदा तडवी यांनी दिली. पोलिसांनी याप्रकरणी निष्पक्ष तपास करून न्यायालयात पुरावे सादर करावेत, तरच आम्हाला न्याय मिळेल, असेही त्या म्हणाल्या.
डॉ. पायल तडवी हिच्या आत्महत्येस जबाबदार असल्याचा आरोप असलेल्या तिन्ही महिला डॉक्टरांना विशेष सत्र न्यायालयात बुधवारी हजर करण्यात आले. रुग्णालयात कुणालाच माझी जात माहीत नाही, असे पायलनेच तिच्या आईला सांगितले होते, असा दावा आरोपी डॉक्टरांच्या वकिलांनी न्यायालयात केला. त्यामुळे या गुन्ह्यात अॅट्रोसिटीचे कलम लागू शकत नाही, असे सांगून यामागे घरगुती वाद असण्याची शक्यता त्यांनी व्यक्त केली.
आग्रीपाडा पोलिसांनी डॉ. भक्ती मेहर, डॉ. हेमा आहुजा आणि डॉ. अंकिता खंडेलवाल यांना बुधवारी न्यायालयात हजर केल्यानंतर पोलिसांनी पुढील चौकशीसाठी त्यांच्या कोठडीची मागणी केली. डॉ. पायल तडवी हिने आत्महत्येपूर्वी चिठ्ठी लिहिली असावी आणि ती या तिघींनी गायब केल्याची शक्यता असल्याने याबाबत त्यांची चौकशी करायची असल्याचे पोलिसांनी सांगितले. या तिघींचे मोबाइल हस्तगत करण्यात आले असून त्यामधील व्हॉट्सअॅप चॅटचा डेटा मिळवायचा आहे. त्याचप्रमाणे पाटील हिच्या मृतदेहावर काही जखमा आढळून आल्याने त्याबाबतही तपास करण्यासाठी या तिघींची पोलिस कोठडी आवश्यक असल्याचे पोलिसांनी सांगितले.
आरोपी डॉक्टरांच्या वतीने वकील आबाद पोंडा यांनी न्यायालयात बाजू मांडली. ते म्हणाले पायलची जात आरोपी डॉक्टरांना माहीतच नाही. ज्यावेळी एखाद्याची हानी व्हावी म्हणून त्रास दिला जातो आणि त्यातून आत्महत्या केली जाते त्यावेळी आत्महत्येस प्रवृत्त केल्याचा गुन्हा दाखल होतो. मात्र या तिघींचा असा काहीच उद्देश नव्हता. तिला काम करायला लावणे म्हणजे त्रास देणे असे होत नसल्याचे पोंडा म्हणाले. जर पायलकडे काहीच पर्याय नव्हता तर तिने नोकरी सोडायला हवी होती किंवा वरिष्ठ अधिकाऱ्यांकडे तक्रार करायला हवी होती. पण तसे तिने केले नसल्याचा दावा त्यांनी न्यायालयात केला. आरोपींचे दुसरे वकील संदीप बाली म्हणाले, पायल हिचे नुकतेच लग्न झाले होते, तरीही ती पतीसोबत राहत नव्हती. यावरून यामागे काहीतरी घरगुती कारण असल्याची शक्यता आहे. गळफास घेतला त्यावेळी पायलच्या खोलीचा दरवाजा आतून बंद होता, त्यामुळे आतमध्ये कुणी असल्याची शक्यताच नसल्याचे ते म्हणाले. दोन्ही बाजूचे युक्तिवाद ऐकून अतिरिक्त सत्र न्यायाधीश आर. एम. सदरानी यांनी तिघींना ३१ मे पर्यंत पोलिस कोठडी सुनावली.
'आम्हाला न्याय मिळावा हीच अपेक्षा'
पायलच्या आत्महत्येस जबाबदार असलेल्या तिघींना पोलिसांनी अटक केली आहे. आता आम्हाला न्याय मिळावा हीच अपेक्षा असल्याची प्रतिक्रिया पायलची आई अबेदा तडवी यांनी दिली. पोलिसांनी याप्रकरणी निष्पक्ष तपास करून न्यायालयात पुरावे सादर करावेत, तरच आम्हाला न्याय मिळेल, असेही त्या म्हणाल्या.