म. टा. खास प्रतिनिधी, मुंबई
सर जे.जे. रुग्णालयात होळीदरम्यान विद्यार्थ्यांनी तोकडे कपडे घालून ते फाडल्याचा प्रकार घडल्याचे सांगण्यात येत असून, त्यामुळे वैद्यकीय कॉलेजच्या परिसरात विद्यार्थी-विद्यार्थिनींनी तोकडे कपडे घालू नयेत, असे निर्देश रुग्णालय प्रशासनाने जारी केले आहेत. हा निर्णय वैद्यकीय विद्यार्थिनींच्या प्रतिनिधी शिल्पा पाटील यांनी व्हॉट्सअॅपच्या माध्यमातून उघड केल्यानंतर त्याविषयी उलटसुलट चर्चा सुरू झाली आहे.
'होळी उत्सवाच्या वेळी रुग्णालयाच्या परिसरात दिंडी काढली जाते. ही दिंडीचा मुलींच्या वसतीगृहाजवळ समारोप होतो. त्यावेळी विद्यार्थी नृत्य करतात आणि त्यानंतर कपडे फाडतात. हा प्रकार भावी डॉक्टरांच्या वर्तणुकीला शोभणारा नाही. तसेच, मुलींच्या सुरक्षेसाठीही तो हितकारक नसल्याने सर्वच विद्यार्थ्यांना तोकड्या कपड्यांबाबतचे निर्देश देण्यात आले आहेत', असे जे.जे. समूह रुग्णालयाचे अधिष्ठाता डॉ. अजय चंदनवाले यांनी सांगितले.
'सध्या रुग्णालयात अस्तित्व हा महोत्सव सुरू आहे. कपडे फाडण्याच्या प्रकारावरून वाद उद्भवल्याने या उत्सवादरम्यानही कोणता अडथळा निर्माण होऊ नये यासाठी हा निर्णय घेतल्याची माहिती डॉ. चंदनवाले यांनी दिली. विद्यार्थ्यांना त्यांचे स्वातंत्र्य आहे, पण हा निर्णय शिस्तीचा भाग म्हणून घेण्यात आल्याचेही त्यांनी सांगितले.
विद्यार्थ्यांनी या निर्णयास विरोध दर्शवला आहे. मात्र, त्याबाबत लगेच कोणतीही प्रतिक्रिया देण्यास नकार दिला. यासंदर्भातील भूमिका अधिष्ठात्यांकडे मांडण्यात येईल, असेही विद्यार्थ्यांनी सांगितले. 'अस्तित्व' या महोत्सवादरम्यानही योग्य प्रकारचे कपडे घालावेत, कपड्यांचे भान राखावे, अशी सूचना देण्यात आली आहे. या सूचनांना सुरुवातीला विद्यार्थ्यांनी विरोध केला. त्यानंतर विद्यार्थ्यांनी जे.जे.तील प्राध्यापकांशी चर्चा करून वाद मिटवल्याचे कळते. सांस्कृतिक कार्यक्रमादरम्यान तोकडे कपडे घालू नयेत, मुलींनी दहा वाजता वसतीगृहात परत यावे, अशाही सूचना देण्यात आल्या आहेत. या सूचना संबधित हॉस्टेलप्रमुखांनी त्यांच्या भाषेत विद्यार्थिंनींना कळवल्याने त्यातून अभिप्रेत नसणारा अर्थ ध्वनित झाला आहे, असे डॉ. चंदनवाले यांनी स्पष्ट केले.
सर जे.जे. रुग्णालयात होळीदरम्यान विद्यार्थ्यांनी तोकडे कपडे घालून ते फाडल्याचा प्रकार घडल्याचे सांगण्यात येत असून, त्यामुळे वैद्यकीय कॉलेजच्या परिसरात विद्यार्थी-विद्यार्थिनींनी तोकडे कपडे घालू नयेत, असे निर्देश रुग्णालय प्रशासनाने जारी केले आहेत. हा निर्णय वैद्यकीय विद्यार्थिनींच्या प्रतिनिधी शिल्पा पाटील यांनी व्हॉट्सअॅपच्या माध्यमातून उघड केल्यानंतर त्याविषयी उलटसुलट चर्चा सुरू झाली आहे.
'होळी उत्सवाच्या वेळी रुग्णालयाच्या परिसरात दिंडी काढली जाते. ही दिंडीचा मुलींच्या वसतीगृहाजवळ समारोप होतो. त्यावेळी विद्यार्थी नृत्य करतात आणि त्यानंतर कपडे फाडतात. हा प्रकार भावी डॉक्टरांच्या वर्तणुकीला शोभणारा नाही. तसेच, मुलींच्या सुरक्षेसाठीही तो हितकारक नसल्याने सर्वच विद्यार्थ्यांना तोकड्या कपड्यांबाबतचे निर्देश देण्यात आले आहेत', असे जे.जे. समूह रुग्णालयाचे अधिष्ठाता डॉ. अजय चंदनवाले यांनी सांगितले.
'सध्या रुग्णालयात अस्तित्व हा महोत्सव सुरू आहे. कपडे फाडण्याच्या प्रकारावरून वाद उद्भवल्याने या उत्सवादरम्यानही कोणता अडथळा निर्माण होऊ नये यासाठी हा निर्णय घेतल्याची माहिती डॉ. चंदनवाले यांनी दिली. विद्यार्थ्यांना त्यांचे स्वातंत्र्य आहे, पण हा निर्णय शिस्तीचा भाग म्हणून घेण्यात आल्याचेही त्यांनी सांगितले.
विद्यार्थ्यांनी या निर्णयास विरोध दर्शवला आहे. मात्र, त्याबाबत लगेच कोणतीही प्रतिक्रिया देण्यास नकार दिला. यासंदर्भातील भूमिका अधिष्ठात्यांकडे मांडण्यात येईल, असेही विद्यार्थ्यांनी सांगितले. 'अस्तित्व' या महोत्सवादरम्यानही योग्य प्रकारचे कपडे घालावेत, कपड्यांचे भान राखावे, अशी सूचना देण्यात आली आहे. या सूचनांना सुरुवातीला विद्यार्थ्यांनी विरोध केला. त्यानंतर विद्यार्थ्यांनी जे.जे.तील प्राध्यापकांशी चर्चा करून वाद मिटवल्याचे कळते. सांस्कृतिक कार्यक्रमादरम्यान तोकडे कपडे घालू नयेत, मुलींनी दहा वाजता वसतीगृहात परत यावे, अशाही सूचना देण्यात आल्या आहेत. या सूचना संबधित हॉस्टेलप्रमुखांनी त्यांच्या भाषेत विद्यार्थिंनींना कळवल्याने त्यातून अभिप्रेत नसणारा अर्थ ध्वनित झाला आहे, असे डॉ. चंदनवाले यांनी स्पष्ट केले.