शौचालयांच्या कामात कंत्राटदारांचा खोडा

म. टा. विशेष प्रतिनिधी, मुंबई

केंद्र सरकारच्या स्वच्छ भारत अभियान अंतर्गत मुंबई हागणदारीमुक्त करण्यासाठी महापालिकेने प्रयत्न सुरू केले असले तरी या कामात कंत्राटदारांनी खोडा घातला आहे. मुंबईच्या विविध भागात सार्वजनिक शौचालये बांधण्यासाठी पालिकेने निविदा काढल्या. मात्र कंत्राटदारांनी शौचालय बांधणीचा दर चढा ठेवल्याने पालिकेने अंदाजित केलेल्या खर्चात कंत्राटदार मिळणे मुश्कील झाले आहे. परिणामी मुंबईच्या विविध भागांत २३ निविदांना प्रतिसाद मिळाला नाही. त्यामुळे या निविदा भरण्यासाठी आता १७ ऑक्टोबरपर्यंत मुदत वाढवण्यात आली आहे. दरम्यान, शौचालय बांधणीचा मुद्दा शुक्रवारी स्थायी समितीच्या बैठकीत चर्चेला आला तेव्हा सर्वपक्षीय नगरसेवकांनी पालिकेच्या या कारभारावर कडाडून हल्ला चढवला.

(निविदांना प्रतिसाद नाही...१५)