केंद्रीय यंत्रणांची पीडा लागली तरी शिवसेना घाबरणार नाही, एकनाथ शिंदेनी ठणकावलं

मुंबई : शिवसेना नेते आणि नगरविकास मंत्री एकनाथ शिंदे यांनी शिवसेनेच्या सभेत मार्गदर्शन केलं. एकनाथ शिंदे यांनी पाकिस्तान एकाच नावाला घाबरत होता, ते नाव म्हणजे बाळासाहेब ठाकरे हे होतं. कशाचीही पर्वा न करता बाळासाहेब ठाकरे भिडायचे. त्यामुळं दहशतवाद्यांच्या हिटलिस्टमध्ये ते पहिल्या स्थानावर होते. बाबरीच्या आंदोलनात प्रतीकात्मक कारसेवा नाही तर बाळासाहेब ठाकरेंनी शिवसैनिकांना सक्रिय आंदोलन करायला लावलं. बाळासाहेब ठाकरे एकमेव नेते होते ज्यांनी बाबरी माझ्या शिवसैनिकांनी पाडली असेल तर मला त्यांचा अभिमान आहे असं म्हटलं होतं, असं एकनाथ शिंदे यांनी म्हटलं.
Uddhav Thackeray: उद्धव ठाकरेंच्या सभेपूर्वी 'फायर आजी' कडाडल्या, म्हणाल्या...
बाबरी पडल्यानंतर मुंबई महाराष्ट्रात दंगली झाल्या. बाळासाहेब ठाकरेंनी एक आवाहन केलं आणि मुंबई शांत झाली, असं एकनाथ शिंदे म्हणाले. बाळासाहेबांनी जी अयोध्येची वाट दाखवली त्या वाटेनं उद्धव ठाकरे आणि आदित्य ठाकरे जात आहेत. आपण १० जून तारीख जाहीर केलेली आहे. आदित्य ठाकरे त्या दिवशी सीमोलंघन्न करतील. संजय राऊत मार्गदर्शक म्हणून सोबत असतील. आपण अयोध्येची वारी मजबुतीनं करुया. हिंदुस्थानला हिंदूची ताकद दाखवून देऊया.
नवहिंदूत्त्वाद्यांना आता राम आठवला. इतर लोकांसाठी राम हा राजकारणाचा विषय असू शकतो. अयोध्या इतरांसाठी राजकारणाचा विषय असू शकतो. आमच्यासाठी तो श्रद्धेचा विषय आहे, असं एकनाथ शिंदे म्हणाले.
'आम्ही केतकीला चोप दिला'; राष्ट्रवादीच्या महिला पदाधिकाऱ्यांनी घेतली शाईफेकीची जबाबदारी
उद्धव ठाकरेंच्या नेतृत्त्वात आपण सरकार चालवत आहोत. विकासाचा गाडा आपण पुढं नेत आहोत. सावरकरांनी हिंदुत्त्वाची व्याख्या सांगितली होती. उद्धव ठाकरे यांच्या नेतृत्त्वातील कामांचा फायदा सर्व धर्मियांना होत आहे. प्रत्येकाला काम आणि पोटाला अन्न देणारं आमचं हिंदुत्त्व आहे. भांडणं लावणारं आमचं हिंदुत्त्व नाही.इडा पीडा मागं लागली म्हणून शिवसेना घाबरणार नाही. आम्ही बाळासाहेब ठाकरेंचे सैनिक आहोत. आम्ही घाबरणार नाही. केंद्रीय यंत्रणा माग लागल्या तरी आम्ही घाबरणार नाही. विकासकामं हाच आमचा बाप आहे. विकासकामं पूर्ण होतील त्यावेळी महाराष्ट्राचा चेहरा मोहरा बदलेला असेल, असं एकनाथ शिंदे म्हणाले. आम्ही बाळासाहेब ठाकरे यांच्या नावानं समृद्धी महामार्ग करत आहोत, असं एकनाथ शिंदे म्हणाले.

शिवसेनेची जाहीर सभा लाईव्ह