म. टा. प्रतिनिधी, मुंबई
काल माझ्या जीभ आणि घशावर शस्त्रक्रिया झाली तरीसुद्धा मी आजच्या कार्यक्रमास आवर्जून हजर राहिलो. अन्यथा मी गिरीश महाजन यांच्यासोबत अमित शहा यांना भेटायला गेलो, अशा बातम्या आल्या असत्या अशी गुगली राष्ट्रवादी काँग्रेसचे अध्यक्ष शरद पवार यांनी टाकली. तसेच गेल्या ५२ वर्षांच्या कारकिर्दीत मी सीट कधीच बदलली नाही, असे भाष्य करीत काँग्रेसचे हर्षवर्धन पाटील यांच्या संभाव्य प्रवेशाबाबत पवारांनी चिमटा काढला. तर हर्षवर्धन यांचे व्यक्तिमत्व लुभावणारे असून, त्यांचे सर्व पक्षात मित्र आहेत. पण आम्हाला त्यांची पाच वर्षे उणीव जाणवली, असे मुख्यमंत्री देवेंद्र फडणवीस यांनी सांगितले.
काँग्रेसचे माजी मंत्री, इंदापूरचे माजी आमदार हर्षवर्धन पाटील यांच्या 'विधानगाथा' पुस्तकाचा प्रकाशन समारंभ मंगळवारी विधिमंडळाच्या मध्यवर्ती सभागृहात पार पडला. चार माजी मुख्यमंत्री आणि विद्यमान मुख्यमंत्र्यांच्या प्रमुख उपस्थितीत झालेल्या या प्रकाशन समारंभावर हर्षवर्धन पाटील यांच्या संभाव्य भाजप प्रवेशाच्या बातम्यांचे सावट होते. त्या प्रवेशाबाबत ज्येष्ठ नेत्यांनी कोपरखळ्या मारत प्रगल्भ राजकीय संस्कृतीचे दर्शन घडविले.
हर्षवर्धन, तुम्ही लवकरच या सभागृहात येणार आहात. घाबरू नका, तुमचा भाजप प्रवेश गिरीश महाजन व्यवस्थित पार पाडतील, असे सांगत काँग्रेसचे ज्येष्ठ नेते, माजी मुख्यमंत्री अशोकराव चव्हाण यांनी आपल्या भाषणात थेट हर्षवर्धन पाटील यांच्या संभाव्य पवित्र्यावर भाष्य केले. देवेंद्र फडणवीस यांनी ठरवले की ते करायचे तेच करतात, असे सूचक वक्तव्य माजी मुख्यमंत्री सुशिलकुमार शिंदे यांनी केले. हषर्वधन पाटील तुमचा पाच वर्षांचा आराम करण्याचा काळ नक्कीच संपुष्टात येईल, असा चिमटा माजी मुख्यमंत्री पृथ्वीराज चव्हाण यांनी काढला.
व्यासपीठावर यावेळी उभय सभागृहातील नेते, विरोधी पक्षनेते, विधानपरिषदेचे सभापती रामराजे नाईक निंबाळकर, विधानसभा अध्यक्ष हरिभाऊ बागडे, संसदीय कार्यमंत्री विनोद तावडे, राष्ट्रवादीचे ज्येष्ठ नेते छगन भुजबळ, दिलीप वळसे पाटील आदी हजर होते.
'निमंत्रणाचे फोटो व्हायरल झाले'
प्रकाशन समारंभाचे निमंत्रण द्यायला मुख्यमंत्री देवेंद्र फडणवीस यांच्याकडे गेलो होतो. त्याची छायाचित्रे व्हायरल झाली. त्यामुळे माझ्या पुस्तकाला प्रकाशनापूर्वी मोठी प्रसिद्धी मिळाली, असे हर्षवर्धन पाटील म्हणाले. भाजप प्रवेशाच्या बातम्यांचा उगम निमंत्रण देण्यात होता, असे त्यांचे म्हणणे होते. विधानगाथा पुस्तकात विधिमंडळ कामकाजाची पद्धत मनोरंजक पद्धतीने सांगण्यात आली आहे. या पुस्तकाचे प्रकाशक पुण्यातील काँग्रेसचे माजी आमदार उल्हास पवार आहेत.
काल माझ्या जीभ आणि घशावर शस्त्रक्रिया झाली तरीसुद्धा मी आजच्या कार्यक्रमास आवर्जून हजर राहिलो. अन्यथा मी गिरीश महाजन यांच्यासोबत अमित शहा यांना भेटायला गेलो, अशा बातम्या आल्या असत्या अशी गुगली राष्ट्रवादी काँग्रेसचे अध्यक्ष शरद पवार यांनी टाकली. तसेच गेल्या ५२ वर्षांच्या कारकिर्दीत मी सीट कधीच बदलली नाही, असे भाष्य करीत काँग्रेसचे हर्षवर्धन पाटील यांच्या संभाव्य प्रवेशाबाबत पवारांनी चिमटा काढला. तर हर्षवर्धन यांचे व्यक्तिमत्व लुभावणारे असून, त्यांचे सर्व पक्षात मित्र आहेत. पण आम्हाला त्यांची पाच वर्षे उणीव जाणवली, असे मुख्यमंत्री देवेंद्र फडणवीस यांनी सांगितले.
काँग्रेसचे माजी मंत्री, इंदापूरचे माजी आमदार हर्षवर्धन पाटील यांच्या 'विधानगाथा' पुस्तकाचा प्रकाशन समारंभ मंगळवारी विधिमंडळाच्या मध्यवर्ती सभागृहात पार पडला. चार माजी मुख्यमंत्री आणि विद्यमान मुख्यमंत्र्यांच्या प्रमुख उपस्थितीत झालेल्या या प्रकाशन समारंभावर हर्षवर्धन पाटील यांच्या संभाव्य भाजप प्रवेशाच्या बातम्यांचे सावट होते. त्या प्रवेशाबाबत ज्येष्ठ नेत्यांनी कोपरखळ्या मारत प्रगल्भ राजकीय संस्कृतीचे दर्शन घडविले.
हर्षवर्धन, तुम्ही लवकरच या सभागृहात येणार आहात. घाबरू नका, तुमचा भाजप प्रवेश गिरीश महाजन व्यवस्थित पार पाडतील, असे सांगत काँग्रेसचे ज्येष्ठ नेते, माजी मुख्यमंत्री अशोकराव चव्हाण यांनी आपल्या भाषणात थेट हर्षवर्धन पाटील यांच्या संभाव्य पवित्र्यावर भाष्य केले. देवेंद्र फडणवीस यांनी ठरवले की ते करायचे तेच करतात, असे सूचक वक्तव्य माजी मुख्यमंत्री सुशिलकुमार शिंदे यांनी केले. हषर्वधन पाटील तुमचा पाच वर्षांचा आराम करण्याचा काळ नक्कीच संपुष्टात येईल, असा चिमटा माजी मुख्यमंत्री पृथ्वीराज चव्हाण यांनी काढला.
व्यासपीठावर यावेळी उभय सभागृहातील नेते, विरोधी पक्षनेते, विधानपरिषदेचे सभापती रामराजे नाईक निंबाळकर, विधानसभा अध्यक्ष हरिभाऊ बागडे, संसदीय कार्यमंत्री विनोद तावडे, राष्ट्रवादीचे ज्येष्ठ नेते छगन भुजबळ, दिलीप वळसे पाटील आदी हजर होते.
'निमंत्रणाचे फोटो व्हायरल झाले'
प्रकाशन समारंभाचे निमंत्रण द्यायला मुख्यमंत्री देवेंद्र फडणवीस यांच्याकडे गेलो होतो. त्याची छायाचित्रे व्हायरल झाली. त्यामुळे माझ्या पुस्तकाला प्रकाशनापूर्वी मोठी प्रसिद्धी मिळाली, असे हर्षवर्धन पाटील म्हणाले. भाजप प्रवेशाच्या बातम्यांचा उगम निमंत्रण देण्यात होता, असे त्यांचे म्हणणे होते. विधानगाथा पुस्तकात विधिमंडळ कामकाजाची पद्धत मनोरंजक पद्धतीने सांगण्यात आली आहे. या पुस्तकाचे प्रकाशक पुण्यातील काँग्रेसचे माजी आमदार उल्हास पवार आहेत.