म. टा. प्रतिनिधी, मुंबई
‘मटा कल्चरल क्लब’च्या सदस्यांसाठी येत्या मंगळवारी, १४ फेब्रुवारीला काव्य, अभिवाचन आणि रसिकांची दाद यातून रंगणारी इर्शाद ही काव्यमैफल आयोजित करण्यात आली आहे. ठाण्यातील गडकरी रंगायतन येथे रात्री साडेआठ वाजता येथे ही मैफल रंगणार आहे. कवी संदीप खरे आणि वैभव जोशी हे कविता, गाणी आणि गप्पा यांचा मेळ साधत रसिकांशी संवाद साधणार आहेत.
इर्शाद
ठाण्याच्या गडकरी रंगायतनमध्ये मंगळवार १४ फेब्रुवारीला रात्री ८.३० वाजता इर्शाद या अनोख्या मैफलीचे आयोजन करण्यात आले आहे. काही ऐकवलेले... काही ऐकवायचे राहिलेले... असा अनोखा काव्यानुभव यावेळी रसिकांना मिळेल. संदीप खरे आणि वैभव जोशी रसिकांशी गप्पा मारत कविता सादर करतील. नोंदणीसाठी ९१६७७११६४९ किंवा ९६७३६७०८३८ (दुपारी १२ ते सायं. ७) या क्रमांकावर संपर्क साधावा.
टाकाऊतून टिकाऊ
कल्पनाशक्तीला चालना देणारी टाकाऊतून टिकाऊ वस्तूंची कार्यशाळा रवींद्र नाट्यमंदिर, प्रभादेवी येथे आज दुपारी ३ ते ५ या वेळेत होईल. वर्तमानपत्रांचा वापर करून चमच्यांचा स्टँड, शोभिवंत वस्तू बनवण्याचे प्रशिक्षण या कार्यशाळेमध्ये देण्यात येईल. या कार्यशाळेसाठी कल्चर क्लबच्या सदस्यांसाठी २५० रुपये सवलत शुल्क आहे. वर्तमानपत्र सदस्यांना स्वतःच आणावी लागतील. नोंदणीसाठी ९१६७७११६४९ किंवा ९६७३६७०८३८ (दुपारी १२ ते सायं. ७) या क्रमांकावर संपर्क साधावा.
सदस्यत्वासाठी पेटीएम
कल्चर क्लबच्या सदस्यत्वासाठी पेटीएम सुविधेचा वापर करता येऊ शकतो. ४९९ रुपयांचे सदस्यत्व घेतल्यानंतर ४९९ रुपयांची कूपन कॅशबॅक स्वरूपात मिळतील. यामध्ये २०० रुपयांची दोन मूव्ही व्हॉऊचर्स आणि ९९ रुपयांचे वीज बिल व्हॉऊचर उपलब्ध होईल. ही ऑफर एका सदस्याला एकदाच घेता येईल. पेटीएमच्या माध्यमातून चित्रपटाचे तिकीट बूक करताना तसेच वीज बीज भरताना सदस्यांनी संबंधित कोड वापरावा. (www.paytm.com/movies) (www.paytm.com/electricity-bill-payment) पेटीएमची ऑफर फेब्रुवारीअखेरपर्यंतच उपलब्ध आहे. सदस्यांना मिळालेला कोड दोन महिन्यांसाठी वैध असेल.