अ‍ॅपशहर

'पाकिस्तानचे PM माझ्या घरी आले होते'

'माझ्या वडिलांच्या निधनानंतर काही आठवड्यांनी पाकिस्तानचे तत्कालीन पंतप्रधान युसूफ रझा गिलानी माझ्या घरी आले होते', असा आणखी एक गौप्यस्फोट मुंबईवरील २६/११ च्या हल्ल्याचा मास्टरमाइंड पाकिस्तानी-अमेरिकी दहशतवादी डेव्हिड कोलमन हेडलीने केला आहे.

Maharashtra Times 25 Mar 2016, 1:06 pm
मटा ऑनलाइन वृत्त । मुंबई
महाराष्ट्र टाइम्स.कॉम ex pm yousaf raza gilani visited my house in pak david headley
'पाकिस्तानचे PM माझ्या घरी आले होते'


'माझ्या वडिलांच्या निधनानंतर काही आठवड्यांनी पाकिस्तानचे तत्कालीन पंतप्रधान युसूफ रझा गिलानी माझ्या घरी आले होते', असा आणखी एक गौप्यस्फोट मुंबईवरील २६/११ च्या हल्ल्याचा मास्टरमाइंड पाकिस्तानी-अमेरिकी दहशतवादी डेव्हिड कोलमन हेडलीने केला आहे.

माझे वडील पाकिस्तान रेडिओचे महासंचालक म्हणून निवृत्त झाले होते. २५ डिसेंबर २००८ रोजी त्यांचं निधन झालं. त्यानंतर काही आठवड्यांनी गिलानी आमच्या पाकिस्तानातील घरी येऊन गेल्याचे त्याने पुढे स्पष्ट केले. 'माझे लष्कर-ए-तोयबाशी संबंध असल्याचं वडिलांना माहित होतं. मी स्वत:च त्यांना त्याबद्दल सांगितलं होतं. त्यावर त्यांनी आक्षेपही घेतला होता', असे एका प्रश्नाच्या उत्तरात हेडलीने सांगितले.

इशरतचं नाव NIAच्या सांगण्यावरून घेतलं नाही!

इशरत जहाँचं नाव एनआयएच्या सांगण्यावरून घेतल्याचा आरोप हेडलीने फेटाळून लावला. इशरतचं नाव घे, असं मला एनआयएने सांगितलेलं नव्हतं. ते असं का करतील? त्यांनी विचारलेल्या प्रश्नावर उत्तरात मी इशरतच्या नावाचा उल्लेख केला. अमेरिकेत तहव्वूर राणाच्या प्रकरणात चौकशीदरम्यान असा कोणताही प्रश्न विचारला गेला नाही. त्यामुळे तिथे इशरतचं नाव घेण्याचा प्रश्नच नव्हता, असेही त्याने पुढे स्पष्ट केले.

अमेरिकेतील ९/११ च्या हल्ल्याप्रकरणी माझी कधीही चौकशी झालेली नाही. मला पाकिस्तानात अटक झाली होती. माझी आधीची पत्नी फैजा हिने माझ्याविरोधात तक्रार दाखल केली होती, असेही हेडली म्हणाला.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज