मुंबई :
मुंबई महापालिकेच्या लोकमान्य टिळक महापालिका सर्वसाधारण रुग्णालयाने (लोटिमस रुग्णायल) मरणाच्या दारात असलेल्या एका रुग्णाला आठ तास अम्बु बॅगच्या श्वसनयंत्रणेवर ठेवल्याच्या वृत्तावर रुग्णालय प्रशासनाने खुलासा केला आहे. व्हेंटिलेटरमध्ये बिघाड झाल्याने जीवरक्षक उपाय म्हणून या रुग्णाला अंबुबॅग व्हेंटिलेशन करणे गरजेचे होते, असे रुग्णालयाने स्पष्ट केले आहे.
शकील अहमद नावाचा रुग्ण व्हेंटिलेटर अभावी अम्बु बॅगद्वारे उपचार घेत होता आणि त्याचे नातेवाईक रुग्णाच्या श्वसनासाठी त्या अम्बु बॅगेत आठ तास सतत मॅन्युअली हवा भरत होते, असं वृत्त मटा ऑनलाइनवर प्रकाशित झालं होतं. याबाबत रुग्णालय प्रशासनाची बाजू पुढे आली आहे. 'लोकमान्य टिळक रुग्णालयाचा ट्रॉमा वॉर्ड १४ खाटांचा असून तेथे ११ व्हेंटिलेटर आहेत. रुग्णालयात एकूण ९४ व्हेंटिलेटर आहेत. शकील अहमद हा रुग्ण गंभीर अवस्थेत असताना रुग्णालयात दाखल झाला, तेव्हा त्याच्यावर कॉट रिकामी नसतानाही ट्रॉलीवर उपचार करण्यात आले. टॅकिओस्टॉमी करून त्याला व्हेंटिलेटरवर ठेवण्यात आले. १७ ऑक्टोबर रोजी सकाळी वॉर्डमध्ये १८ पैकी ११ रुग्ण उपलब्ध असलेल्या ११ व्हेंटिलेटरवर होते. शकील अहमदच्या व्हेंटिलेटरमध्ये तांत्रिक बिघाड झाला आणि अन्य एकही व्हेंटिलेटर उपलब्ध नव्हते म्हणून त्याला अंबुबॅग व्हेंटिलेशनवर ठेवणे गरजेचे होते. त्याच्या नातेवाईंकांना तशी कल्पना देण्यात आली, पण त्यांनी संमती देण्यास नकार दिला. अखेर दुपारी ४.३० वाजता एक व्हेंटिलेटर रिकामा झाल्याने तो या रुग्णास दिला, असे रुग्णालयाच्या अधिष्ठाता डॉ. जयश्री मोंडकर यांनी स्पष्ट केले आहे.
मुंबई महापालिकेच्या लोकमान्य टिळक महापालिका सर्वसाधारण रुग्णालयाने (लोटिमस रुग्णायल) मरणाच्या दारात असलेल्या एका रुग्णाला आठ तास अम्बु बॅगच्या श्वसनयंत्रणेवर ठेवल्याच्या वृत्तावर रुग्णालय प्रशासनाने खुलासा केला आहे. व्हेंटिलेटरमध्ये बिघाड झाल्याने जीवरक्षक उपाय म्हणून या रुग्णाला अंबुबॅग व्हेंटिलेशन करणे गरजेचे होते, असे रुग्णालयाने स्पष्ट केले आहे.
शकील अहमद नावाचा रुग्ण व्हेंटिलेटर अभावी अम्बु बॅगद्वारे उपचार घेत होता आणि त्याचे नातेवाईक रुग्णाच्या श्वसनासाठी त्या अम्बु बॅगेत आठ तास सतत मॅन्युअली हवा भरत होते, असं वृत्त मटा ऑनलाइनवर प्रकाशित झालं होतं. याबाबत रुग्णालय प्रशासनाची बाजू पुढे आली आहे. 'लोकमान्य टिळक रुग्णालयाचा ट्रॉमा वॉर्ड १४ खाटांचा असून तेथे ११ व्हेंटिलेटर आहेत. रुग्णालयात एकूण ९४ व्हेंटिलेटर आहेत. शकील अहमद हा रुग्ण गंभीर अवस्थेत असताना रुग्णालयात दाखल झाला, तेव्हा त्याच्यावर कॉट रिकामी नसतानाही ट्रॉलीवर उपचार करण्यात आले. टॅकिओस्टॉमी करून त्याला व्हेंटिलेटरवर ठेवण्यात आले. १७ ऑक्टोबर रोजी सकाळी वॉर्डमध्ये १८ पैकी ११ रुग्ण उपलब्ध असलेल्या ११ व्हेंटिलेटरवर होते. शकील अहमदच्या व्हेंटिलेटरमध्ये तांत्रिक बिघाड झाला आणि अन्य एकही व्हेंटिलेटर उपलब्ध नव्हते म्हणून त्याला अंबुबॅग व्हेंटिलेशनवर ठेवणे गरजेचे होते. त्याच्या नातेवाईंकांना तशी कल्पना देण्यात आली, पण त्यांनी संमती देण्यास नकार दिला. अखेर दुपारी ४.३० वाजता एक व्हेंटिलेटर रिकामा झाल्याने तो या रुग्णास दिला, असे रुग्णालयाच्या अधिष्ठाता डॉ. जयश्री मोंडकर यांनी स्पष्ट केले आहे.