म. टा. विशेष प्रतिनिधी, मुंबई
केबल प्रणालीसाठी शनिवार, २९ डिसेंबरपासून लागू होणाऱ्या नवीन नियमावलीच्या अंमलबजावणीस 'ट्राय'कडून गुरुवारी एक महिन्याची मुदतवाढ देण्यात आली. मात्र, केबलचालकांचे आंदोलन चालूच राहणार आहे.
ट्रायच्या निर्णयामुळे पुढील एक महिना केबलचालक आत्ताचेच पॅकेज विकू शकतील. याच कालावधीत त्यांना मायग्रेशनची प्रक्रियाही सुरू करायची आहे. १ फेब्रुवारीपासून नव्या नियमावलीची कठोर अंमलबजावणी होईल असे 'ट्राय'ने प्रसिद्धी पत्रकात म्हटले आहे. ७ जानेवारीपर्यंत ३० टक्के, १४ जानेवारीपर्यंत ६० टक्के, २१ जानेवारीपर्यंत १०० टक्के ग्राहकांकडून नवीन नियमांनुसार चॅनेल निवडण्याची प्रक्रिया पूर्ण करून घ्यावी असेही 'ट्राय'ने आदेशात म्हटले आहे.
ग्राहकाला त्याच्या पसंतीचे चॅनेल पाहता यावे यासाठी 'ट्राय'ने केबलचालकांच्या कार्यप्रणालीत काही महत्त्वपूर्ण बदल प्रस्तावित केले आहेत. त्यानुसार ग्राहकांना १३० रुपयांमध्ये १०० फ्री टू एअर चॅनेल्स मिळतील. यावरील प्रत्येक चॅनेलसाठी ग्राहक पैसे भरून ते पाहू शकतो. यामध्ये ग्राहकाला स्वत:चे पॅकेज तयार करण्याची मुभा मिळणार आहे. त्यामुळे आमचे उत्पन्न घटेल, असा आक्षेप घेत केबलचालकांनी गुरुवार आणि शुक्रवारी टीव्ही बंद आंदोलन हाती घेतले. गुरुवारी मुंबई व काही भागांत केबल बंद होते. आज, शुक्रवारी दुपारी जांबोरी मैदानातून केबलचालकांचा मोर्चा निघेल.
केबल प्रणालीसाठी शनिवार, २९ डिसेंबरपासून लागू होणाऱ्या नवीन नियमावलीच्या अंमलबजावणीस 'ट्राय'कडून गुरुवारी एक महिन्याची मुदतवाढ देण्यात आली. मात्र, केबलचालकांचे आंदोलन चालूच राहणार आहे.
ट्रायच्या निर्णयामुळे पुढील एक महिना केबलचालक आत्ताचेच पॅकेज विकू शकतील. याच कालावधीत त्यांना मायग्रेशनची प्रक्रियाही सुरू करायची आहे. १ फेब्रुवारीपासून नव्या नियमावलीची कठोर अंमलबजावणी होईल असे 'ट्राय'ने प्रसिद्धी पत्रकात म्हटले आहे. ७ जानेवारीपर्यंत ३० टक्के, १४ जानेवारीपर्यंत ६० टक्के, २१ जानेवारीपर्यंत १०० टक्के ग्राहकांकडून नवीन नियमांनुसार चॅनेल निवडण्याची प्रक्रिया पूर्ण करून घ्यावी असेही 'ट्राय'ने आदेशात म्हटले आहे.
ग्राहकाला त्याच्या पसंतीचे चॅनेल पाहता यावे यासाठी 'ट्राय'ने केबलचालकांच्या कार्यप्रणालीत काही महत्त्वपूर्ण बदल प्रस्तावित केले आहेत. त्यानुसार ग्राहकांना १३० रुपयांमध्ये १०० फ्री टू एअर चॅनेल्स मिळतील. यावरील प्रत्येक चॅनेलसाठी ग्राहक पैसे भरून ते पाहू शकतो. यामध्ये ग्राहकाला स्वत:चे पॅकेज तयार करण्याची मुभा मिळणार आहे. त्यामुळे आमचे उत्पन्न घटेल, असा आक्षेप घेत केबलचालकांनी गुरुवार आणि शुक्रवारी टीव्ही बंद आंदोलन हाती घेतले. गुरुवारी मुंबई व काही भागांत केबल बंद होते. आज, शुक्रवारी दुपारी जांबोरी मैदानातून केबलचालकांचा मोर्चा निघेल.