म. टा. प्रतिनिधी, मुंबई
मुंबईतील एका व्यापाऱ्याला फेसबुकवरील मैत्री चांगलीच महागात पडली आहे. ग्रीक तरुणीने त्याला व्यापारासाठी भारतात येत असल्याचे सांगत, विमानतळावरील कस्टम अधिकाऱ्यांच्या तावडीतून सुटण्याच्या नावाखाली दोन लाखांचा गंडा घातला आहे. याप्रकरणी डॉ. दा. भा. मार्ग पोलिसांत चारजणांविरोधात तक्रार नोंदवण्यात आली आहे.
ग्रँट रोड परिसरात राहणाऱ्या या ३४ वर्षीय व्यापाऱ्याचे परळ येथे कपड्याचे दुकान आहे. मार्चमध्ये त्याची फेसबुकवर ग्रीसमधील मिशेल ग्रेसी या तरुणीशी ओळख झाली. कपड्याचा व्यापार करायचा असल्याने ती मुंबईत येत असल्याचे तिने व्यापाऱ्याला सांगितले होते. काही महिन्यांच्या संभाषणात तिने या व्यापाऱ्याचा विश्वास संपादन केला होता. त्यानुसार २३ सप्टेंबरला मिशेल ग्रीसहून दिल्लीला येणार असल्याचे तिने कळवले होते. त्यावेळी दिल्लीत मिशेलला परदेशातून मोठ्या प्रमाणात सोने आणि पैसे आणल्यामुळे पकडल्याचा फोन कस्टम अधिकारी राजेश कुमार यांनी त्याला केला. त्यानुसार व्यापाऱ्याने काही रक्कम मिशेलच्या खात्यात जमा केली. पुन्हा परदेशी नोटा जास्त असल्याचे सांगत कस्टम अधिकारी राकेश गोयल नावाने व्यापाऱ्याला फोन करून पैसे मागितले. त्यानंतर पासपोर्टवरील तारीख वाढवण्यासाठी पुन्हा दिलीप कुमार याने फोन केला. अशा पद्धतीने आरोपींनी व्यापाऱ्याकडून दोन लाख २२ हजार रुपये उकळले.
फसवणूक होत असल्याचे लक्षात आल्यानंतर इंटरनेटवरून व्यापाऱ्याने दिल्ली विमानतळावर चौकशी केली. त्यावेळी त्याची फसवणूक झाल्याचे सांगण्यात आले. त्यानुसार व्यापाऱ्याने शुक्रवारी डॉ. दा. भ. मार्ग पोलिस ठाण्यात राजेश कुमार, राकेश गोयल, दिलीप कुमार यांच्याविरोधात तक्रार नोंदवली. नागरिकांनी अशा प्रलोभनाला बळी पडू नये, असे आवाहन पोलिसांकडून करण्यात आले आहे. या प्रकरणाचा तपास पोलिस उपनिरीक्षक दत्ता जाधव करत आहेत.
मुंबईतील एका व्यापाऱ्याला फेसबुकवरील मैत्री चांगलीच महागात पडली आहे. ग्रीक तरुणीने त्याला व्यापारासाठी भारतात येत असल्याचे सांगत, विमानतळावरील कस्टम अधिकाऱ्यांच्या तावडीतून सुटण्याच्या नावाखाली दोन लाखांचा गंडा घातला आहे. याप्रकरणी डॉ. दा. भा. मार्ग पोलिसांत चारजणांविरोधात तक्रार नोंदवण्यात आली आहे.
ग्रँट रोड परिसरात राहणाऱ्या या ३४ वर्षीय व्यापाऱ्याचे परळ येथे कपड्याचे दुकान आहे. मार्चमध्ये त्याची फेसबुकवर ग्रीसमधील मिशेल ग्रेसी या तरुणीशी ओळख झाली. कपड्याचा व्यापार करायचा असल्याने ती मुंबईत येत असल्याचे तिने व्यापाऱ्याला सांगितले होते. काही महिन्यांच्या संभाषणात तिने या व्यापाऱ्याचा विश्वास संपादन केला होता. त्यानुसार २३ सप्टेंबरला मिशेल ग्रीसहून दिल्लीला येणार असल्याचे तिने कळवले होते. त्यावेळी दिल्लीत मिशेलला परदेशातून मोठ्या प्रमाणात सोने आणि पैसे आणल्यामुळे पकडल्याचा फोन कस्टम अधिकारी राजेश कुमार यांनी त्याला केला. त्यानुसार व्यापाऱ्याने काही रक्कम मिशेलच्या खात्यात जमा केली. पुन्हा परदेशी नोटा जास्त असल्याचे सांगत कस्टम अधिकारी राकेश गोयल नावाने व्यापाऱ्याला फोन करून पैसे मागितले. त्यानंतर पासपोर्टवरील तारीख वाढवण्यासाठी पुन्हा दिलीप कुमार याने फोन केला. अशा पद्धतीने आरोपींनी व्यापाऱ्याकडून दोन लाख २२ हजार रुपये उकळले.
फसवणूक होत असल्याचे लक्षात आल्यानंतर इंटरनेटवरून व्यापाऱ्याने दिल्ली विमानतळावर चौकशी केली. त्यावेळी त्याची फसवणूक झाल्याचे सांगण्यात आले. त्यानुसार व्यापाऱ्याने शुक्रवारी डॉ. दा. भ. मार्ग पोलिस ठाण्यात राजेश कुमार, राकेश गोयल, दिलीप कुमार यांच्याविरोधात तक्रार नोंदवली. नागरिकांनी अशा प्रलोभनाला बळी पडू नये, असे आवाहन पोलिसांकडून करण्यात आले आहे. या प्रकरणाचा तपास पोलिस उपनिरीक्षक दत्ता जाधव करत आहेत.