मटा ऑनलाइन वृत्त । मुंबई
राष्ट्रवादी काँग्रेसचे अध्यक्ष शरद पवार यांनी शेतकऱ्यांच्या आंदोलनाच्या पार्श्वभूमीवर पंतप्रधान नरेंद्र मोदी यांची भेट घेतली असताना, तसंच मुख्यमंत्र्यांनी शेतकरी कर्जमाफीचं सुतोवाच केलं असताना शेतकऱ्यांनी मात्र महाराष्ट्र नवनिर्माण सेनेचे अध्यक्ष राज ठाकरे यांची भेट घेतली आहे. राज यांनी शेतकरी आंदोलनाचं नेतृत्व करावं, असं साकडं शेतकऱ्यांनी घातलं आहे. पुणतांबे येथील शेतकऱ्यांनी आज राज ठाकरे यांची भेट घेतली आणि आपल्या समस्या त्यांनी मांडल्या.
शेतकरी आंदोलनाची सुरुवातच पुणतांब्यात झाली. तेथील शेतकऱ्यांनी आज कृष्णकुंजवर जाऊन ठाकरेंपुढे आपली व्यथा मांडली. मनसे नेते बाळा नांदगांवकर, अनिल शिदोरे, अविनाश अभ्यंकर तसेच पुणतांब्यातील शेतकरीबांधव मुरलीधर थोरात, बबनराव धनवटे, शांतीलाल भाटी, राजेश लुटे, गणेश जाधव आदी यावेळी उपस्थित होते.
बाळा नांदगांवकर यांनीह काही दिवसांपूर्वीच पुणतांब्यात जाऊन संपकरी शेतकऱ्यांची भेट घेतली होती. राज ठाकरेंनीही शेतकरी संपावर आपली भूमिका मांडली होती.
राष्ट्रवादी काँग्रेसचे अध्यक्ष शरद पवार यांनी शेतकऱ्यांच्या आंदोलनाच्या पार्श्वभूमीवर पंतप्रधान नरेंद्र मोदी यांची भेट घेतली असताना, तसंच मुख्यमंत्र्यांनी शेतकरी कर्जमाफीचं सुतोवाच केलं असताना शेतकऱ्यांनी मात्र महाराष्ट्र नवनिर्माण सेनेचे अध्यक्ष राज ठाकरे यांची भेट घेतली आहे. राज यांनी शेतकरी आंदोलनाचं नेतृत्व करावं, असं साकडं शेतकऱ्यांनी घातलं आहे. पुणतांबे येथील शेतकऱ्यांनी आज राज ठाकरे यांची भेट घेतली आणि आपल्या समस्या त्यांनी मांडल्या.
शेतकरी आंदोलनाची सुरुवातच पुणतांब्यात झाली. तेथील शेतकऱ्यांनी आज कृष्णकुंजवर जाऊन ठाकरेंपुढे आपली व्यथा मांडली. मनसे नेते बाळा नांदगांवकर, अनिल शिदोरे, अविनाश अभ्यंकर तसेच पुणतांब्यातील शेतकरीबांधव मुरलीधर थोरात, बबनराव धनवटे, शांतीलाल भाटी, राजेश लुटे, गणेश जाधव आदी यावेळी उपस्थित होते.
बाळा नांदगांवकर यांनीह काही दिवसांपूर्वीच पुणतांब्यात जाऊन संपकरी शेतकऱ्यांची भेट घेतली होती. राज ठाकरेंनीही शेतकरी संपावर आपली भूमिका मांडली होती.