बालवैज्ञानिक स्पर्धेची नावनोंदणी
शालेय विद्यार्थ्यांमधील संशोधनवृत्तीला चालना देऊन त्यांच्यात वैज्ञानिक दृष्टी विकसित व्हावी आणि पर्यावरणरक्षणाचे महत्त्व रुजावे, यासाठी मुंबई विज्ञान अध्यापक मंडळातर्फे दरवर्षी डॉ. होमी भाभा बालवैज्ञानिक स्पर्धा घेतली जाते. या स्पर्धेत सहभागी होण्यासाठी १ जुलैपासून नाव नोंदणी सुरू होणार आहे. अधिक माहितीसाठी www.msta.in या वेबसाइटला भेट द्यावी.
..
कन्नड अभ्यासक्रम
मुंबई कन्नड संघाच्यावतीने कन्नड प्रशस्तिपत्रक अभ्यासक्रमाचे आयोजन करण्यात आले आहे. कन्नड भाषा शिकण्याची इच्छा असणारे या अभ्यासक्रमासाठी नोंदणी करू शकतात. हा अभ्यासक्रम येत्या १५ जुलैपासून २, व्यंकटेश निवास, भाऊ दाजी मार्ग, माटुंगा येथे प्रत्येक रविवारी १० ते १२ य यावेळात होणार आहे. संपर्क - ९८१९८१६३८०, ०२२-२४०९९६९६.
..
'शहरी शेती'
गच्ची, बाल्कनी किंवा इमारतीच्या परिसरात किमान चार तास सूर्यप्रकाश उपलब्ध होणाऱ्या ठिकाणी भाजीपाला, फळे लागवडीचे तंत्र म्हणजेच 'शहरी शेती'. रविवार, १ जुलै रोजी सकाळी १०.३० ते दुपारी १.३० यावेळेत या 'शहरी शेती'चा ओळखवर्ग होणार आहे. दिलीप हेर्लेकर मार्गदर्शन करणार आहेत. अधिक माहितीसाठी संपर्क प्रदीप म्हात्रे, मराठी विज्ञान परिषद, वि. ना. पुरव मार्ग, शीव-चुनाभट्टी, मुंबई ४०००२२. दूरध्वनी (०२२) - २४०५ ४७१४/ २४०५ ७२६८.
..
विश्वनाथ लोध यांचे निधन
'गोवा मुक्ती संग्रामा'त मोलाचा सहभाग व 'संयुक्त महाराष्ट्राच्या चळवळी'त अग्रगण्य असलेले ज्येष्ठ स्वातंत्र्य सेनानी विश्वनाथ लोध (८६) यांचे वृद्धपकाळाने नुकतेच निधन झाले. त्यांच्या पश्चात पत्नी, ३ मुले, सुना, नातवंडे असा परिवार आहे.