मटा ऑनलाइन वृत्त । मुंबई
वादग्रस्त मुस्लिम धर्मप्रचारक झाकीर नाईक याचे वडील अब्दुल करीम नाईक यांचे रविवारी सकाळी निधन झाले. ते ८६ वर्षांचे होते. वडिलांच्या निधनानंतर झाकीर भारतात परतण्याची शक्यता होती. मात्र, अटकेच्या भीतीनं त्यानं भारतात येणं टाळल्याचं सूत्रांकडून समजतं.
व्यवसायाने डॅाक्टर असलेले अब्दुल करीम नाईक यांचा जन्म रत्नागिरी येथे झाला. नाईक हे बॉम्बे मानसोपचार सोसायटी या मानसोपचार क्षेत्रातील तज्ज्ञ डॉक्टरांच्या संस्थेचे १९९४ ते ९५ या कालावधीत अध्यक्ष होते. रविवारी पहाटे नाईक यांना ह्रदयविकाराचा झटका आला. त्यातच त्यांचं निधन झालं.
अब्दुल नाईक यांचा दफनविधी रे रोड रेल्वे स्थानकाजवळच्या नारियलवाडी स्मशानभूमीत झाला. झाकीर नाईक हे वडिलांच्या दफनविधीला उपस्थित राहतील, असं बोललं जात होतं. मात्र, ते आले नाहीत. 'अब्दुल करीम साहेबांचं निधन अचानक झाल्यानं झाकीर नाईक येऊ शकले नाहीत,' असं इस्लामिक रिसर्च फाऊंडेशनचे व्यवस्थापक मझूर शेख यांनी सांगितलं. झाकीर भारतात कधी परतणार आहेत याविषयी आपल्याला काहीही माहिती नसल्याचं शेख यांनी सांगितलं.
दहशतवादाला प्रोत्साहन देत असल्याचा आरोप झाकीर नाईक याच्यावर आहे. बांगलादेशात दहशतवादी हल्ला करणाऱ्या दहशतवाद्यांनी झाकीर नाईक याच्याकडूनच प्रेरणा घेतल्याची कबुली तपासात दिली होती. त्यानंतर भारतातील चौकशी यंत्रणांनी नाईकभोवती चौकशीचा फास आवळला आहे. तेव्हापासून नाईक फरार असून सध्या तो मलेशियात असल्याचं समजतं. नाईकच्या 'इस्लामिक रिसर्च फाऊंडेशन' या संस्थेला बेकायदा घोषित करण्याच्या हालचाली केंद्र सरकारनं सुरू केल्या आहेत.
वादग्रस्त मुस्लिम धर्मप्रचारक झाकीर नाईक याचे वडील अब्दुल करीम नाईक यांचे रविवारी सकाळी निधन झाले. ते ८६ वर्षांचे होते. वडिलांच्या निधनानंतर झाकीर भारतात परतण्याची शक्यता होती. मात्र, अटकेच्या भीतीनं त्यानं भारतात येणं टाळल्याचं सूत्रांकडून समजतं.
व्यवसायाने डॅाक्टर असलेले अब्दुल करीम नाईक यांचा जन्म रत्नागिरी येथे झाला. नाईक हे बॉम्बे मानसोपचार सोसायटी या मानसोपचार क्षेत्रातील तज्ज्ञ डॉक्टरांच्या संस्थेचे १९९४ ते ९५ या कालावधीत अध्यक्ष होते. रविवारी पहाटे नाईक यांना ह्रदयविकाराचा झटका आला. त्यातच त्यांचं निधन झालं.
अब्दुल नाईक यांचा दफनविधी रे रोड रेल्वे स्थानकाजवळच्या नारियलवाडी स्मशानभूमीत झाला. झाकीर नाईक हे वडिलांच्या दफनविधीला उपस्थित राहतील, असं बोललं जात होतं. मात्र, ते आले नाहीत. 'अब्दुल करीम साहेबांचं निधन अचानक झाल्यानं झाकीर नाईक येऊ शकले नाहीत,' असं इस्लामिक रिसर्च फाऊंडेशनचे व्यवस्थापक मझूर शेख यांनी सांगितलं. झाकीर भारतात कधी परतणार आहेत याविषयी आपल्याला काहीही माहिती नसल्याचं शेख यांनी सांगितलं.
दहशतवादाला प्रोत्साहन देत असल्याचा आरोप झाकीर नाईक याच्यावर आहे. बांगलादेशात दहशतवादी हल्ला करणाऱ्या दहशतवाद्यांनी झाकीर नाईक याच्याकडूनच प्रेरणा घेतल्याची कबुली तपासात दिली होती. त्यानंतर भारतातील चौकशी यंत्रणांनी नाईकभोवती चौकशीचा फास आवळला आहे. तेव्हापासून नाईक फरार असून सध्या तो मलेशियात असल्याचं समजतं. नाईकच्या 'इस्लामिक रिसर्च फाऊंडेशन' या संस्थेला बेकायदा घोषित करण्याच्या हालचाली केंद्र सरकारनं सुरू केल्या आहेत.