मुंबई :
मुंबईत पार्किंगचा विषय दिवसेंदिवस गंभीर रूप धारण करीत असून यातूनच वाहतूक पोलिस आणि स्थानिक रहिवाशी आपसांत भिडल्याची घटना बुधवारी परळ एस. टी. आगाराजवळ घडली. यावेळी पोलिस आणि रहिवाशी यांच्यात झालेल्या वादामुळे आणि रहिवाशांनी कारवाईला विरोध केल्यामुळे ११ रहिवाशांविरोधात गुन्हा दाखल करण्यात आला आहे. पोलिसांच्या या कारवाईमुळे या नागरिकांकडून प्रचंड संताप व्यक्त होत आहे.
परळ एसटी आगारानजीक असलेला जे. बी. भातनकर मार्ग हा वाहनासाठी एकदिशा मार्ग आहे आहे. सारथी बारपासून ते धनमील नाक्यापर्यंतच्या या मार्गावर रस्त्याच्या दोन्ही बाजूना एक-दोन मजल्याच्या चाळी आहेत. चाळीत राहणारे वर्षानुवर्षे रस्त्याच्या दोन्ही कडेला वाहने उभी करतात. यामुळे वाहतुककोंडी होत असल्यामुळे बुधवारी सकाळी दादर वाहतूक विभागाचे विशेष पथक या ठिकाणी नो पार्किंग झोन मध्ये उभ्या असलेल्या वाहनावर कारवाई करण्यासाठी गेले. यावेळी येथील रहिवाशांनी त्यांना कारवाई करण्यास विरोध केला. पोलिसांसोबत त्यांनी हुज्जत घातली. पोलिस कारवाईवर ठाम असल्याचे पाहून काहीजण विरोध करताना पोलिसांच्या अंगावर धावून गेले. दादर वाहतूक विभागाच्या पोलिस निरीक्षक सुजाता शेजाळे यांनी नागरिक आक्रमक होत असल्याचे पाहून पोलिसांची अतिरिक्त कुमक मागवली. दादर पोलिसांनी घटनास्थळी धाव घेत ११ जणांना ताब्यात घेतले. या सर्वांवर सरकारी कामात अडथळा निर्माण केल्याप्रकरणी गुन्हा दाखल करून त्यांना अटक करण्यात आली.
इंडिया बुल येथे मोफत वाहनतळा
आम्ही वर्षनुवर्षे या ठिकाणी राहतो आणि वाहने देखील पार्क करतो. परंतु हा परिसर नो पार्किंग झोन करण्यात आल्याने आम्ही वाहने कुठे पार्क करायची, असा सवाल येथील नागरिकांनी केला आहे. तर दुसरीकडे येथील रहिवासी तसेच दुकानदारांना इंडिया बुल येथे महानगरपालिकेकडून मोफत वाहनतळाची सुविधा कऱण्यात आलेली आहे. वाहतूक विभागाकडून याबाबतची पत्रके देखील त्यांना वाटण्यात आलेली आहेत. असे वाहतूक पोलिसांनी म्हटले आहे.
मुंबईत पार्किंगचा विषय दिवसेंदिवस गंभीर रूप धारण करीत असून यातूनच वाहतूक पोलिस आणि स्थानिक रहिवाशी आपसांत भिडल्याची घटना बुधवारी परळ एस. टी. आगाराजवळ घडली. यावेळी पोलिस आणि रहिवाशी यांच्यात झालेल्या वादामुळे आणि रहिवाशांनी कारवाईला विरोध केल्यामुळे ११ रहिवाशांविरोधात गुन्हा दाखल करण्यात आला आहे. पोलिसांच्या या कारवाईमुळे या नागरिकांकडून प्रचंड संताप व्यक्त होत आहे.
परळ एसटी आगारानजीक असलेला जे. बी. भातनकर मार्ग हा वाहनासाठी एकदिशा मार्ग आहे आहे. सारथी बारपासून ते धनमील नाक्यापर्यंतच्या या मार्गावर रस्त्याच्या दोन्ही बाजूना एक-दोन मजल्याच्या चाळी आहेत. चाळीत राहणारे वर्षानुवर्षे रस्त्याच्या दोन्ही कडेला वाहने उभी करतात. यामुळे वाहतुककोंडी होत असल्यामुळे बुधवारी सकाळी दादर वाहतूक विभागाचे विशेष पथक या ठिकाणी नो पार्किंग झोन मध्ये उभ्या असलेल्या वाहनावर कारवाई करण्यासाठी गेले. यावेळी येथील रहिवाशांनी त्यांना कारवाई करण्यास विरोध केला. पोलिसांसोबत त्यांनी हुज्जत घातली. पोलिस कारवाईवर ठाम असल्याचे पाहून काहीजण विरोध करताना पोलिसांच्या अंगावर धावून गेले. दादर वाहतूक विभागाच्या पोलिस निरीक्षक सुजाता शेजाळे यांनी नागरिक आक्रमक होत असल्याचे पाहून पोलिसांची अतिरिक्त कुमक मागवली. दादर पोलिसांनी घटनास्थळी धाव घेत ११ जणांना ताब्यात घेतले. या सर्वांवर सरकारी कामात अडथळा निर्माण केल्याप्रकरणी गुन्हा दाखल करून त्यांना अटक करण्यात आली.
इंडिया बुल येथे मोफत वाहनतळा
आम्ही वर्षनुवर्षे या ठिकाणी राहतो आणि वाहने देखील पार्क करतो. परंतु हा परिसर नो पार्किंग झोन करण्यात आल्याने आम्ही वाहने कुठे पार्क करायची, असा सवाल येथील नागरिकांनी केला आहे. तर दुसरीकडे येथील रहिवासी तसेच दुकानदारांना इंडिया बुल येथे महानगरपालिकेकडून मोफत वाहनतळाची सुविधा कऱण्यात आलेली आहे. वाहतूक विभागाकडून याबाबतची पत्रके देखील त्यांना वाटण्यात आलेली आहेत. असे वाहतूक पोलिसांनी म्हटले आहे.