म. टा. विशेष प्रतिनिधी, मुंबई
सायन रुग्णालयातील डॉक्टरांनी पत्नीच्या दोन्ही किडन्या काढून घेतल्या, त्यात पत्नीचे निधन झाले. किडनी रॅकेटमधील डॉक्टरच्या विरोधात तक्रार नोंदवून घेण्यासाठी तीन वर्षांपासून मुख्यमंत्री कार्यालयापासून पोलिस आयुक्तांपर्यंत खेटे घातले, पण पोलिसच पैसे घेऊन प्रकरण मिटवण्यासाठी दबाव आणत आहेत. मला पैसे नकोत, पत्नीची किडनी काढणाऱ्या डॉक्टरला अटक झाली पाहिजे… हे आर्जव आहे वडाळ्यातील तुळशीराम केदारे यांचे. सायन रुग्णालयाबाहेर ठिय्या देऊन बसलेले केदारे डोळ्यांत पाणी आणून हे सांगत होते.
सायन रुग्णालयातील डॉक्टरांनी फसवून पत्नी नंदा केदारे यांच्या दोन्ही किडन्या काढून घेतल्याची तक्रार तुळशीराम केदारे यांनी मुख्यमंत्री कार्यालय, पोलिस आयुक्त कार्यालय, पालिका प्रशासन, गृहमंत्रालयात केली आहे. पण, तक्रार नोंदवूनही दखल घेतली जात नाही, असे त्यांचे म्हणणे आहे. न्याय मिळण्यासाठी केदारे यांनी मंगळवारी सायन रुग्णालयाच्या बाहेर ठिय्या आंदोलन पुकारले. त्यावेळी मात्र पोलिस व रुग्णालय प्रशासनाची धावपळ उडाली. आंदोलन पुकारल्यावर रुग्णालय प्रशासनाने गुरुवारी त्यांची तक्रार ऐकून घेण्यासाठी बोलावले आहे.
पत्नी नंदा यांना मार्च २०१३मध्ये काही आजार झाल्याने दादर येथील खासगी रुग्णालयात नेले. त्यावेळी या रुग्णालयातील वॉर्डबॉयने त्यांना सायन रुग्णालयातील डॉक्टरकडे नेले. तपासण्या केल्या नंदा यांना टीबी झाल्याचे निदान झाले. पण, टीबीऐवजी डॉक्टरांनी थायरॉईडवर उपचार सुरू केले. पत्नीवर छोटी शस्त्रक्रिया करावी लागेल, असे सांगत डॉक्टरांनी दोन ते तीनवेळा त्यांना ऑपरेशन थिएटरमध्ये नेले. पण, तुळशीराम यांनी विरोध केल्यामुळे पुन्हा वॉर्डमध्ये आणले गेले. १६ एप्रिल २०१३ रोजी नंदा यांच्यावर शस्त्रक्रिया करून त्यांच्या दोन्ही किडन्या काढल्या. १७ तारखेला नंदा यांचे निधन झाले. अंत्यसंस्कार करण्यासाठी पोलिसांनी व रुग्णालय प्रशासनाने खूप घाई केली. माहितीच्या अधिकाराखाली अर्ज करूनही गोपनीयतेच्या नावाखाली तीन वर्षांपासून पोस्टमार्टेम अहवाल राखून ठेवला आहे, असा सर्व तपशील केदारे यांनी तक्रारीत नमूद केला आहे.
किडनी रॅकेट प्रकरणी संबंधित डॉक्टरांवर तक्रार नोंदवून घेण्यासाठी पोलिस स्टेशनमध्ये किमान पन्नास फेऱ्या मारल्या. संबंधित डॉक्टरचीही भेट घेतली पण ‘गुडविल’ घेऊन प्रकरण मिटवण्याचा सल्ला पोलिसांनीच दिला. डॉक्टरने पंधरा लाख रुपये देऊ केले पण डॉक्टरच्या विरोधात एफआयआर दाखल करण्याच्या मागणीवर आपण ठाम असल्याचे केदारे म्हणाले.
सायन रुग्णालयातील डॉक्टरांनी पत्नीच्या दोन्ही किडन्या काढून घेतल्या, त्यात पत्नीचे निधन झाले. किडनी रॅकेटमधील डॉक्टरच्या विरोधात तक्रार नोंदवून घेण्यासाठी तीन वर्षांपासून मुख्यमंत्री कार्यालयापासून पोलिस आयुक्तांपर्यंत खेटे घातले, पण पोलिसच पैसे घेऊन प्रकरण मिटवण्यासाठी दबाव आणत आहेत. मला पैसे नकोत, पत्नीची किडनी काढणाऱ्या डॉक्टरला अटक झाली पाहिजे… हे आर्जव आहे वडाळ्यातील तुळशीराम केदारे यांचे. सायन रुग्णालयाबाहेर ठिय्या देऊन बसलेले केदारे डोळ्यांत पाणी आणून हे सांगत होते.
सायन रुग्णालयातील डॉक्टरांनी फसवून पत्नी नंदा केदारे यांच्या दोन्ही किडन्या काढून घेतल्याची तक्रार तुळशीराम केदारे यांनी मुख्यमंत्री कार्यालय, पोलिस आयुक्त कार्यालय, पालिका प्रशासन, गृहमंत्रालयात केली आहे. पण, तक्रार नोंदवूनही दखल घेतली जात नाही, असे त्यांचे म्हणणे आहे. न्याय मिळण्यासाठी केदारे यांनी मंगळवारी सायन रुग्णालयाच्या बाहेर ठिय्या आंदोलन पुकारले. त्यावेळी मात्र पोलिस व रुग्णालय प्रशासनाची धावपळ उडाली. आंदोलन पुकारल्यावर रुग्णालय प्रशासनाने गुरुवारी त्यांची तक्रार ऐकून घेण्यासाठी बोलावले आहे.
पत्नी नंदा यांना मार्च २०१३मध्ये काही आजार झाल्याने दादर येथील खासगी रुग्णालयात नेले. त्यावेळी या रुग्णालयातील वॉर्डबॉयने त्यांना सायन रुग्णालयातील डॉक्टरकडे नेले. तपासण्या केल्या नंदा यांना टीबी झाल्याचे निदान झाले. पण, टीबीऐवजी डॉक्टरांनी थायरॉईडवर उपचार सुरू केले. पत्नीवर छोटी शस्त्रक्रिया करावी लागेल, असे सांगत डॉक्टरांनी दोन ते तीनवेळा त्यांना ऑपरेशन थिएटरमध्ये नेले. पण, तुळशीराम यांनी विरोध केल्यामुळे पुन्हा वॉर्डमध्ये आणले गेले. १६ एप्रिल २०१३ रोजी नंदा यांच्यावर शस्त्रक्रिया करून त्यांच्या दोन्ही किडन्या काढल्या. १७ तारखेला नंदा यांचे निधन झाले. अंत्यसंस्कार करण्यासाठी पोलिसांनी व रुग्णालय प्रशासनाने खूप घाई केली. माहितीच्या अधिकाराखाली अर्ज करूनही गोपनीयतेच्या नावाखाली तीन वर्षांपासून पोस्टमार्टेम अहवाल राखून ठेवला आहे, असा सर्व तपशील केदारे यांनी तक्रारीत नमूद केला आहे.
किडनी रॅकेट प्रकरणी संबंधित डॉक्टरांवर तक्रार नोंदवून घेण्यासाठी पोलिस स्टेशनमध्ये किमान पन्नास फेऱ्या मारल्या. संबंधित डॉक्टरचीही भेट घेतली पण ‘गुडविल’ घेऊन प्रकरण मिटवण्याचा सल्ला पोलिसांनीच दिला. डॉक्टरने पंधरा लाख रुपये देऊ केले पण डॉक्टरच्या विरोधात एफआयआर दाखल करण्याच्या मागणीवर आपण ठाम असल्याचे केदारे म्हणाले.