पोलिस निरीक्षकावर बलात्काराचा गुन्हा

म. टा. खास प्रतिनिधी, मुंबई

एका रशियन महिलेने पिंपरी चिंचवड येथे कार्यरत असलेल्या एका पोलिस निरीक्षकाविरुद्ध बलात्काराची तक्रार केली आहे. तिच्या तक्रारीवरून या पोलिस निरीक्षकाविरुद्ध चेंबूर पोलिस ठाण्यात गुन्हा दाखल करण्यात आला आहे.

सन २००४मध्ये मुंबईमध्ये आली असता पोलिस निरीक्षकाने तिला ताब्यात घेतले होते. काही ना काही कारणे सांगून या पोलिस निरीक्षकाने तिला वारंवार चौकशीसाठी बोलाविले. पासपोर्ट स्वतःच्या ताब्यात ठेवला आणि खोट्या कागदपत्रांच्या आधारे एक बनावट पासपोर्ट तयार केला. त्याआधारे अटक करण्याची धमकी देत या पोलिस निरीक्षकाने वारंवार बलात्कार केल्याचा आरोप रशियन महिलेने तक्रारीत केला आहे. तिच्या तक्रारीवरून चेंबूर पोलिस ठाण्यात गुन्हा दाखल करण्यात आला आहे. आपण या निरीक्षकापासून गर्भवती होते. मात्र, एका रेव्ह पार्टीत अंमली पदार्थांचे सेवन केल्यामुळे अर्भकाचा मृत्यू झाला. मात्र तिचे दफन करून पुरावा नष्ट केल्याचा आरोपही या महिलेने तक्रारीत केला आहे.