मटा ऑनलाइन वृत्त । मुंबई
अंधेरी पश्चिम येथील एका मेडिकल स्टोअरमध्ये आज सकाळी सहा वाजताच्या सुमारास लागलेल्या भीषण आगीत आठ जणांचा होरपळून मृत्यू तर एक जण गंभीर जखमी झाला आहे. मृतांमध्ये तीन महिला आणि पाच लहान मुलांचा समावेश आहे. दरम्यान, तासाभराच्या शर्थीच्या प्रयत्नांनंतर आग आटोक्यात आणण्यात यश आल्याची माहिती अग्निशमन दलाने दिली.
जुहू गल्लीतील दुमजली निगम मेस्त्री चाळीच्या तळमजल्यावर असलेल्या मेडिकल स्टोअरला ही आग लागली आणि काही क्षणांतच आगीचा भडका उडाला. वरच्या माळ्यावर राहणाऱ्या खान कुटुंबियांची ही चाळ होती. गाढ झोपेत असलेलं हे संपूर्ण कुटुंब आग्नितांडवात सापडलं. आग इतकी भीषण होती की खान कुटुंबियांना बाहेरही पडता आलं नाही. कुटुंबातील नऊही जण आगीत होरपळले. या सर्वांना कूपर रुग्णालयात दाखल करण्यात आले असता तिथे आठ जणांचा मृत्यू झाला तर गंभीररीत्या भाजलेल्या कुटुंबातील एका सदस्याची मृत्यूशी झुंज सुरू आहे.
आगीची माहिती मिळताच तीन फायर इंजिन व पाण्याच्या दोन टॅंकरसह अग्निशमन दलाचे जवान तातडीने घटनास्थळी दाखल झाले. त्यांनी तासाभरात आटोक्यात आणण्यात यश मिळवलं मात्र, जीवितहानी टाळता आली नाही.
मुंबई पोलिसांचे जनसंपर्क अधिकारी अशोक दुधे यांनी दिलेल्या माहितीनुसार, ही आग शॉर्ट सर्किटमुळे लागल्याचा प्राथमिक अंदाज आहे. आगीतील मृतांची नावे अद्याप कळू शकलेली नाहीत.
अंधेरी पश्चिम येथील एका मेडिकल स्टोअरमध्ये आज सकाळी सहा वाजताच्या सुमारास लागलेल्या भीषण आगीत आठ जणांचा होरपळून मृत्यू तर एक जण गंभीर जखमी झाला आहे. मृतांमध्ये तीन महिला आणि पाच लहान मुलांचा समावेश आहे. दरम्यान, तासाभराच्या शर्थीच्या प्रयत्नांनंतर आग आटोक्यात आणण्यात यश आल्याची माहिती अग्निशमन दलाने दिली.
जुहू गल्लीतील दुमजली निगम मेस्त्री चाळीच्या तळमजल्यावर असलेल्या मेडिकल स्टोअरला ही आग लागली आणि काही क्षणांतच आगीचा भडका उडाला. वरच्या माळ्यावर राहणाऱ्या खान कुटुंबियांची ही चाळ होती. गाढ झोपेत असलेलं हे संपूर्ण कुटुंब आग्नितांडवात सापडलं. आग इतकी भीषण होती की खान कुटुंबियांना बाहेरही पडता आलं नाही. कुटुंबातील नऊही जण आगीत होरपळले. या सर्वांना कूपर रुग्णालयात दाखल करण्यात आले असता तिथे आठ जणांचा मृत्यू झाला तर गंभीररीत्या भाजलेल्या कुटुंबातील एका सदस्याची मृत्यूशी झुंज सुरू आहे.
आगीची माहिती मिळताच तीन फायर इंजिन व पाण्याच्या दोन टॅंकरसह अग्निशमन दलाचे जवान तातडीने घटनास्थळी दाखल झाले. त्यांनी तासाभरात आटोक्यात आणण्यात यश मिळवलं मात्र, जीवितहानी टाळता आली नाही.
मुंबई पोलिसांचे जनसंपर्क अधिकारी अशोक दुधे यांनी दिलेल्या माहितीनुसार, ही आग शॉर्ट सर्किटमुळे लागल्याचा प्राथमिक अंदाज आहे. आगीतील मृतांची नावे अद्याप कळू शकलेली नाहीत.