मुंबई:
मुंबईत आगीच्या घटनांमध्ये दिवसेंदिवस वाढ होत आहे. पवईतील चांदिवली परिसरात एका इमारतीतील नेट मॅजिक कंपनीच्या तळमजल्याला आज भीषण आग लागली. घटनेची माहिती मिळताच अग्निशमन दलाच्या गाड्या घटनास्थळी पोहोचल्या. आग विझवण्याचे शर्थीचे प्रयत्न सुरू आहेत. दरम्यान, कंपनीतील जवळपास ७० ते ८० कामगारांना सुखरुप बाहेर काढण्यात आले आहे.
अंधेरी पूर्वेकडील चांदिवली जंक्शनजवळील साकिविहार रस्त्यावरील एका इमारतीत आग लागल्याची माहिती दूरध्वनीवरून मिळाली. तळमजला अधिक सहा मजली इमारत असल्याचे सांगण्यात आले. घटनेची माहिती मिळताच तात्काळ अग्निशमन दलाच्या आठ गाड्या, पाण्याचे टँकर आणि रुग्णवाहिका घटनास्थळी दाखल झाल्या. आग विझवण्याचे प्रयत्न सुरू असून, जवानांनी कंपनीतील ७०-८० कर्मचाऱ्यांना सुखरुप बाहेर काढले आहे. आगीत कोणतीही जीवितहानी झाली नाही, अशी माहिती अग्निशमन अधिकाऱ्यांनी दिली. दरम्यान, तळमजल्यावर असलेल्या वायर आणि ज्वलनशील पदार्थांमुळे आग पसरल्याचे सांगण्यात येत आहे. दुसरीकडे, चेंबुरमधील ठक्कर बाप्पा कॉलनीतील झोपडपट्टीतही आज आग लागली. या आगीत सात जण जखमी झाले आहेत. त्यांना राजावाडी रुग्णालयात दाखल करण्यात आले आहे.
मुंबईत आगीच्या घटनांमध्ये दिवसेंदिवस वाढ होत आहे. पवईतील चांदिवली परिसरात एका इमारतीतील नेट मॅजिक कंपनीच्या तळमजल्याला आज भीषण आग लागली. घटनेची माहिती मिळताच अग्निशमन दलाच्या गाड्या घटनास्थळी पोहोचल्या. आग विझवण्याचे शर्थीचे प्रयत्न सुरू आहेत. दरम्यान, कंपनीतील जवळपास ७० ते ८० कामगारांना सुखरुप बाहेर काढण्यात आले आहे.
अंधेरी पूर्वेकडील चांदिवली जंक्शनजवळील साकिविहार रस्त्यावरील एका इमारतीत आग लागल्याची माहिती दूरध्वनीवरून मिळाली. तळमजला अधिक सहा मजली इमारत असल्याचे सांगण्यात आले. घटनेची माहिती मिळताच तात्काळ अग्निशमन दलाच्या आठ गाड्या, पाण्याचे टँकर आणि रुग्णवाहिका घटनास्थळी दाखल झाल्या. आग विझवण्याचे प्रयत्न सुरू असून, जवानांनी कंपनीतील ७०-८० कर्मचाऱ्यांना सुखरुप बाहेर काढले आहे. आगीत कोणतीही जीवितहानी झाली नाही, अशी माहिती अग्निशमन अधिकाऱ्यांनी दिली. दरम्यान, तळमजल्यावर असलेल्या वायर आणि ज्वलनशील पदार्थांमुळे आग पसरल्याचे सांगण्यात येत आहे. दुसरीकडे, चेंबुरमधील ठक्कर बाप्पा कॉलनीतील झोपडपट्टीतही आज आग लागली. या आगीत सात जण जखमी झाले आहेत. त्यांना राजावाडी रुग्णालयात दाखल करण्यात आले आहे.