म. टा. प्रतिनिधी, मुंबई
राज्य जीएसटी मुख्यालयाचे वरील दोन मजले आगीत धगधगत असताना दोन कर्मचारी मात्र आधी तिरंग्यासाठी धावले. आगीशी सामना करीत त्यांनी आधी तिरंगा वाचवला
ही आग नवव्या माळ्यावर लागली. त्यांनतर ती दहाव्या माळ्यापर्यंत गेली. या दहाव्या माळ्याच्यावर गच्चीचा भाग आहे. सरकारी कार्यालय असल्याने गच्चीवर तिरंगा फडकत होता. आग आणखी पसरल्यास तिरंग्याला आच लागेल, असा विचार करीत प्रसंगावधान दाखल कुणाल जाधव यांनी गच्चीकडे धाव घेतली. संदीप शिंदे यांच्या सहकार्याने त्यांनी आधी तिरंगा खाली उतरवला.
ही आग लागली त्यावेळी नवव्या मजल्यापासून ते सर्वच मजल्यावरील कर्मचाऱ्यांची खाली येण्यासाठी धावपळ सुरू होती. कर्मचारी घाईघाईने खाली येत असल्याने जिन्यांमध्ये एकच गर्दी झाली. त्यावेळी कुणाल जाधव हे तळमजल्यावर होते. त्यांनी बाहेर येऊन आगीची स्थिती पाहली असता ती आग गच्चीवरील झेंड्यापासून जवळच असल्याचे त्यांच्या ध्यानात आले. यामुळे ते तडक धावत वर जाऊ लागले. सर्व जिने गर्दीने भरलेलेले होते. लिफ्ट बंद करण्यात आली होती. प्रत्येकजण खाली येण्यासाठी धडपड करीत असताना कुणाल मात्र धावत वर गेले. नवव्या माळ्यावर आगीचे लोळ होते. दहावा माळा धुरात वेढला होता. पण त्याची पर्वा न करता त्यांनी कुणाल व आठव्या माळ्यावर असलेले संदीप यांनी गच्ची गाठली व आधी तिरंगा खाली उतरवला. तिरंगा उतरवून खाली आल्यानंतर काहीवेळाने आगीचा धूर त्या झेंड्यापर्यंत गेला होता. तिरंगा वाचला, याचा आनंद त्यांनी पत्रकारांशी बोलताना व्यक्त केला.
राज्य जीएसटी मुख्यालयाचे वरील दोन मजले आगीत धगधगत असताना दोन कर्मचारी मात्र आधी तिरंग्यासाठी धावले. आगीशी सामना करीत त्यांनी आधी तिरंगा वाचवला
ही आग नवव्या माळ्यावर लागली. त्यांनतर ती दहाव्या माळ्यापर्यंत गेली. या दहाव्या माळ्याच्यावर गच्चीचा भाग आहे. सरकारी कार्यालय असल्याने गच्चीवर तिरंगा फडकत होता. आग आणखी पसरल्यास तिरंग्याला आच लागेल, असा विचार करीत प्रसंगावधान दाखल कुणाल जाधव यांनी गच्चीकडे धाव घेतली. संदीप शिंदे यांच्या सहकार्याने त्यांनी आधी तिरंगा खाली उतरवला.
ही आग लागली त्यावेळी नवव्या मजल्यापासून ते सर्वच मजल्यावरील कर्मचाऱ्यांची खाली येण्यासाठी धावपळ सुरू होती. कर्मचारी घाईघाईने खाली येत असल्याने जिन्यांमध्ये एकच गर्दी झाली. त्यावेळी कुणाल जाधव हे तळमजल्यावर होते. त्यांनी बाहेर येऊन आगीची स्थिती पाहली असता ती आग गच्चीवरील झेंड्यापासून जवळच असल्याचे त्यांच्या ध्यानात आले. यामुळे ते तडक धावत वर जाऊ लागले. सर्व जिने गर्दीने भरलेलेले होते. लिफ्ट बंद करण्यात आली होती. प्रत्येकजण खाली येण्यासाठी धडपड करीत असताना कुणाल मात्र धावत वर गेले. नवव्या माळ्यावर आगीचे लोळ होते. दहावा माळा धुरात वेढला होता. पण त्याची पर्वा न करता त्यांनी कुणाल व आठव्या माळ्यावर असलेले संदीप यांनी गच्ची गाठली व आधी तिरंगा खाली उतरवला. तिरंगा उतरवून खाली आल्यानंतर काहीवेळाने आगीचा धूर त्या झेंड्यापर्यंत गेला होता. तिरंगा वाचला, याचा आनंद त्यांनी पत्रकारांशी बोलताना व्यक्त केला.