म. टा. प्रतिनिधी, मुंबई
सरकार कोणत्याही पक्षाचे असो, सर्वसामान्यांना सरकारी कार्यालयात येणारा अनुभव फारसा चांगला नसतो. 'सरकारी काम आणि सहा महिने थांब' या म्हणीची प्रचिती नागरिकांना येत असते. आता सुमारे १७ लाख राज्य सरकारी कर्मचाऱ्यांची सुट्ट्यांची दिवाळी साजरी होणार आहे. उद्या बुधवारपासून सलग पाच दिवस राज्य सरकारी कार्यालये सुट्टीमुळे बंद राहणार आहेत.
राज्य सरकारच्या सामान्य प्रशासन विभागाने २०१८ सालच्या सार्वजनिक सुट्ट्यांची यादी जाहीर केली आहे. त्यात पूर्वी दिवाळी अमावस्या म्हणजे लक्ष्मीपूजन बुधवार ७ नोव्हेंबर २०१८, दिवाळी बलिप्रतिपदा गुरुवार ८ नोव्हेंबर २०१८ अशी सुट्टी जाहीर करण्यात आली होती. आता ९ नोव्हेंबर २०१८ रोजी भाऊबीज सणासाठी सुट्टी देण्याचा निर्णय सरकारने घेतला आहे. १० नोव्हेंबर रोजी दुसरा शनिवार तर ११ नोव्हेंबर २०१८ रोजी रविवार आहे. त्यामुळे सरकारी कर्मचाऱ्यांची यंदा सुट्ट्यांची दिवाळी आहे.
दिवाळी सुरू झाली की, मंत्रालयातील कर्मचाऱ्यांची उपस्थिती दुपारनंतर रोडावते. अनेकांना दीपोत्सव साजरा करण्यासाठी घरी जायचे असते. कार्यालयीन वेळेतही नजीकच्या बाजारपेठांमध्ये दिवाळीची खरेदी होत असते. अनेक सरकारी अधिकारी, कर्मचाऱ्यांना यंदा आपापल्या मूळ गावी दिवाळी साजरी करण्याची संधी सलग सुट्ट्यांमुळे मिळाली आहे.
थकबाकी पुढील महिन्यात
सुमारे १७ लाख राज्य सरकारी कर्मचाऱ्यांना जानेवारी २०१८ ते सप्टेंबर २०१८ या नऊ महिन्यांच्या तीन टक्के वाढीव महागाई भत्त्याची थकबाकी रक्कम ऑक्टोबर २०१८च्या वेतनात रोखीने देण्याचा निर्णय सरकारने घेतला होता. वाढीव महागाई भत्याची थकबाकी दिवाळी भेट असल्याचा गाजावाजा करण्यात आला तरी तांत्रिक अडचणीमुळे ही थकबाकी दिवाळीला मिळू शकली नाही. आता त्यासाठी नोव्हेंबर २०१८च्या वेतनाची वाट पाहावी लागणार आहे. तथापि, सुमारे साडेसहा लाख पेन्शनरांना मात्र, नऊ महिन्यांची थकबाकी रक्कम ऑक्टोबरच्या पेन्शनमध्येच मिळाली आहे. यामुळे सरकारी कर्मचारी व पेन्शनरांमध्ये 'कही खुशी कही गम' असा माहोल आहे.
सरकार कोणत्याही पक्षाचे असो, सर्वसामान्यांना सरकारी कार्यालयात येणारा अनुभव फारसा चांगला नसतो. 'सरकारी काम आणि सहा महिने थांब' या म्हणीची प्रचिती नागरिकांना येत असते. आता सुमारे १७ लाख राज्य सरकारी कर्मचाऱ्यांची सुट्ट्यांची दिवाळी साजरी होणार आहे. उद्या बुधवारपासून सलग पाच दिवस राज्य सरकारी कार्यालये सुट्टीमुळे बंद राहणार आहेत.
राज्य सरकारच्या सामान्य प्रशासन विभागाने २०१८ सालच्या सार्वजनिक सुट्ट्यांची यादी जाहीर केली आहे. त्यात पूर्वी दिवाळी अमावस्या म्हणजे लक्ष्मीपूजन बुधवार ७ नोव्हेंबर २०१८, दिवाळी बलिप्रतिपदा गुरुवार ८ नोव्हेंबर २०१८ अशी सुट्टी जाहीर करण्यात आली होती. आता ९ नोव्हेंबर २०१८ रोजी भाऊबीज सणासाठी सुट्टी देण्याचा निर्णय सरकारने घेतला आहे. १० नोव्हेंबर रोजी दुसरा शनिवार तर ११ नोव्हेंबर २०१८ रोजी रविवार आहे. त्यामुळे सरकारी कर्मचाऱ्यांची यंदा सुट्ट्यांची दिवाळी आहे.
दिवाळी सुरू झाली की, मंत्रालयातील कर्मचाऱ्यांची उपस्थिती दुपारनंतर रोडावते. अनेकांना दीपोत्सव साजरा करण्यासाठी घरी जायचे असते. कार्यालयीन वेळेतही नजीकच्या बाजारपेठांमध्ये दिवाळीची खरेदी होत असते. अनेक सरकारी अधिकारी, कर्मचाऱ्यांना यंदा आपापल्या मूळ गावी दिवाळी साजरी करण्याची संधी सलग सुट्ट्यांमुळे मिळाली आहे.
थकबाकी पुढील महिन्यात
सुमारे १७ लाख राज्य सरकारी कर्मचाऱ्यांना जानेवारी २०१८ ते सप्टेंबर २०१८ या नऊ महिन्यांच्या तीन टक्के वाढीव महागाई भत्त्याची थकबाकी रक्कम ऑक्टोबर २०१८च्या वेतनात रोखीने देण्याचा निर्णय सरकारने घेतला होता. वाढीव महागाई भत्याची थकबाकी दिवाळी भेट असल्याचा गाजावाजा करण्यात आला तरी तांत्रिक अडचणीमुळे ही थकबाकी दिवाळीला मिळू शकली नाही. आता त्यासाठी नोव्हेंबर २०१८च्या वेतनाची वाट पाहावी लागणार आहे. तथापि, सुमारे साडेसहा लाख पेन्शनरांना मात्र, नऊ महिन्यांची थकबाकी रक्कम ऑक्टोबरच्या पेन्शनमध्येच मिळाली आहे. यामुळे सरकारी कर्मचारी व पेन्शनरांमध्ये 'कही खुशी कही गम' असा माहोल आहे.