झोपडपट्टीत विजेची तार पडून पाच भाजले!

मटा ऑनलाइन वृत्त । मुंबई

वडाळ्यातील गणेश नगर झोपडपट्टीत उच्च दाबाची विजेची तार अंगावर पडल्याने पाचजण भाजले आहेत. त्यात दहा वर्षांच्या मुलीचाही समावेश आहे. जखमींना उपचारांसाठी केईम रुग्णालयात दाखल करण्यात आलं आहे.

गणेश नगर झोपडपट्टीतील आडवा बांध चाळीतील रूम नं. १९१, सॉल्टपेन रोड येथील घरावरून गेलेल्या उच्च दाबाच्या तारेला एका इसमाचा धक्का लागला. या धक्क्यामुळं स्पार्किंग होऊन वायर झोपडपट्टीवर पडली. त्यात इजाज अनीश अहमद अन्सारी (वय १९), सुनील शंकर थळे (वय ४२), शर्मिला सुनिल थळे (वय ३२), श्रावणी सुनिल थळे (वय १०) व प्रवीण बाळोजी वेटकुली (वय ३०) हे पाचजण जखमी झाले.