म. टा. प्रतिनिधी, मुंबई छत्रपती शिवाजी महाराज आंतरराष्ट्रीय विमानतळावर येणाऱ्या परदेशी पाहुण्यांसाठी विशेष 'जय हे' हा उत्सव सुरू झाला आहे. त्यांना मराठी संस्कृतीची ओळख करून देण्यासाठी हा उपक्रम 'मुंबई आंतरराष्ट्रीय विमानतळ लिमिटेड'ने आयोजित केला आहे. मुंबईच्या विमानतळावर छत्रपती शिवाजी महाराजांचे मोठे तैलचित्र आहे. त्याखाली त्यांची माहितीही देण्यात आली आहे. याच निमित्ताने 'पाऊलखुणा महाराष्ट्राच्या' नावे मराठी संस्कृतीची ओळख दिली जात आहे. याअंतर्गत कोकण, खान्देश, मराठवाडा, देश पठार व विदर्भ येथील संस्कृती सादर करण्यात आली आहे. या प्रत्येक भागातील पोशाख, तेथील खाद्यसंस्कृती, रीतीरिवाज, भौगोलिक वैशिष्ट्ये, नृत्यप्रकार आदी सादर करण्यात आले आहेत. याअंतर्गत प्रवाशांसाठी खास 'सेल्फी पॉइंट'देखील आहे. आंतरराष्ट्रीय संग्रहालयदिनानिमित्त आंतरराष्ट्रीय टर्मिनल म्हणून ओळख असलेल्या विमानतळाच्या टर्मिनल-२मध्ये सुरू झालेला हा उत्सव पुढील तीन महिने चालणार आहे.
विमानतळावर 'पाऊलखुणा महाराष्ट्राच्या'
म टा प्रतिनिधी, मुंबईछत्रपती शिवाजी महाराज आंतरराष्ट्रीय विमानतळावर येणाऱ्या परदेशी पाहुण्यांसाठी विशेष 'जय हे' हा उत्सव सुरू झाला आहे...
महाराष्ट्र टाइम्स.कॉम 1 Jul 2019, 4:00 am