म. टा. खास प्रतिनिधी, मुंबई:
शिवसेनेचे कांदिवलीतील उपविभागप्रमुख आणि माजी नगरसेवक अशोक सावंत (६२) यांची रविवारी रात्री ११च्या सुमारास आशानगर परिसरात हत्या करण्यात आली. याप्रकरणी दोघांना काही तासांतच अटक करण्यात पोलिसांना यश आले असून, तिघांचा शोध सुरू आहे. कामावरून कमी केल्याचा राग धरून हल्लेखोरांनी ही हत्या केल्याचे प्राथमिक चौकशीत निष्पन्न झाले आहे.
कांदिवली पूर्वेतील ठाकूर कॉम्प्लेक्स परिसरात सावंत यांचे निवासस्थान आहे. रविवारी रात्री मित्रासोबत दुचाकीवरून घरी परतत असताना घरापासून सुमारे २०० मीटरवर त्यांच्यावर हल्ला झाला. रिक्षातून आलेल्या हल्लेखोरांनी त्यांच्यावर १५ वार केले. जखमी आवस्थेत रुग्णालयात नेत असतानाच त्यांचे निधन झाले.
या घटनेची माहिती मिळताच समतानगर पोलिसांनी घटनास्थळी धाव घेत इमारतीच्या सीसीटीव्ही कॅमेऱ्यांच्या सहाय्याने तपास सुरू केला. त्यात रिक्षाचालक गणेश जोगदंडचा यात सहभाग असल्याचे स्पष्ट झाल्यावर त्याला दहिसरहून अटक करण्यात आली. जोगदंडच्या चौकशीतून त्याचा साथीदार सोहेल दोढियाचे नाव समोर आले. दोढिया घटनास्थळी उपस्थित नसला तरी त्यानेच मुख्य सूत्रधाराच्या वतीने सावंत यांच्या हत्येची सुपारी दिल्याचे स्पष्ट झाले आहे. याप्रकरणी आणखी दोघांना अटक करण्यात आली आहे.
सावंत यांच्याविरोधातही तक्रार
सावंत यांच्याकडून जिवास धोका असल्याची तक्रार एका आरोपीने पोलिस ठाण्यात नोंदविली होती, अशी माहिती मिळते. सावंत २००७ ते २०१२ या कालावधीत सलग दोन वेळा नगरसेवक म्हणून निवडून आले. त्यानंतर त्यांची कन्या प्राजक्ता सावंत नगरसेवक झाली. मात्र, पालिकेच्या गत निवडणुकीत दोघेही पराभूत झाले होते.
धमकीचे फोन
सावंत यांच्या हत्येमागे वैयक्तिक सूड असल्याचे सांगितले जात असले तरी पोलिस अन्य कारणांचाही शोध घेत आहे. केबल व्यवसायात असणाऱ्या सावंत यांना काही दिवसांपूर्वी खंडणीसाठी धमक्यांचे फोन आले होते. याप्रकरणी दोघांना अटक करण्यात आल्याचे परिमंडळ १२चे उपायुक्त डॉ. विनयकुमार राठोड यांनी सांगितले.
शिवसेनेचे कांदिवलीतील उपविभागप्रमुख आणि माजी नगरसेवक अशोक सावंत (६२) यांची रविवारी रात्री ११च्या सुमारास आशानगर परिसरात हत्या करण्यात आली. याप्रकरणी दोघांना काही तासांतच अटक करण्यात पोलिसांना यश आले असून, तिघांचा शोध सुरू आहे. कामावरून कमी केल्याचा राग धरून हल्लेखोरांनी ही हत्या केल्याचे प्राथमिक चौकशीत निष्पन्न झाले आहे.
कांदिवली पूर्वेतील ठाकूर कॉम्प्लेक्स परिसरात सावंत यांचे निवासस्थान आहे. रविवारी रात्री मित्रासोबत दुचाकीवरून घरी परतत असताना घरापासून सुमारे २०० मीटरवर त्यांच्यावर हल्ला झाला. रिक्षातून आलेल्या हल्लेखोरांनी त्यांच्यावर १५ वार केले. जखमी आवस्थेत रुग्णालयात नेत असतानाच त्यांचे निधन झाले.
या घटनेची माहिती मिळताच समतानगर पोलिसांनी घटनास्थळी धाव घेत इमारतीच्या सीसीटीव्ही कॅमेऱ्यांच्या सहाय्याने तपास सुरू केला. त्यात रिक्षाचालक गणेश जोगदंडचा यात सहभाग असल्याचे स्पष्ट झाल्यावर त्याला दहिसरहून अटक करण्यात आली. जोगदंडच्या चौकशीतून त्याचा साथीदार सोहेल दोढियाचे नाव समोर आले. दोढिया घटनास्थळी उपस्थित नसला तरी त्यानेच मुख्य सूत्रधाराच्या वतीने सावंत यांच्या हत्येची सुपारी दिल्याचे स्पष्ट झाले आहे. याप्रकरणी आणखी दोघांना अटक करण्यात आली आहे.
सावंत यांच्याविरोधातही तक्रार
सावंत यांच्याकडून जिवास धोका असल्याची तक्रार एका आरोपीने पोलिस ठाण्यात नोंदविली होती, अशी माहिती मिळते. सावंत २००७ ते २०१२ या कालावधीत सलग दोन वेळा नगरसेवक म्हणून निवडून आले. त्यानंतर त्यांची कन्या प्राजक्ता सावंत नगरसेवक झाली. मात्र, पालिकेच्या गत निवडणुकीत दोघेही पराभूत झाले होते.
धमकीचे फोन
सावंत यांच्या हत्येमागे वैयक्तिक सूड असल्याचे सांगितले जात असले तरी पोलिस अन्य कारणांचाही शोध घेत आहे. केबल व्यवसायात असणाऱ्या सावंत यांना काही दिवसांपूर्वी खंडणीसाठी धमक्यांचे फोन आले होते. याप्रकरणी दोघांना अटक करण्यात आल्याचे परिमंडळ १२चे उपायुक्त डॉ. विनयकुमार राठोड यांनी सांगितले.