मटा ऑनलाइन वृत्त । मुंबई
'स्वच्छता राखणं ही ठराविक लोकांची जबाबदारी नाही. ती प्रत्येकाची, आपल्या सर्वांची जबाबदारी आहे. दुसऱ्यांकडं बोट दाखवू नका. स्वत: मेहनत करा, मग दुसऱ्यांना उपदेश करा,' असा सल्ला मास्टर ब्लास्टर सचिन तेंडुलकर यानं आज मुंबईकरांना दिला.
'मुंबई फर्स्ट' आणि 'अपनालय' या संस्थेच्या वतीने मुंबई महापालिकेचा एम पूर्व विभाग विकसित केला जाणार आहे. या परिसरातील झोपडपट्टी 'अपनालय'नं दत्तक घेतली असून तिथं सर्व मुलभूत सेयीसुविधा पुरवल्या जाणार आहेत. शिक्षण, आरोग्य, मोकळ्या जागा, सुरक्षा, पाणी, गटारे अशा सर्व गोष्टींचा विकास केला जाणार आहे. महापालिकेच्या सहकार्यानं प्रायोगिक तत्वावर विकासाचं एक मॉडेल या विभागात राबवलं जाणार आहे.
'मिशन २४' असं या उपक्रमाचं नाव असून सचिनच्या हस्ते महापालिका मुख्यालयात आज या उपक्रमाचा शुभारंभ झाला. त्यावेळी सचिन तेंडुलकरनं प्रत्येकाला स्वच्छतेची जबाबदारी स्वीकारण्याचं आवाहन केलं. महापालिका आयुक्त अजॉय मेहता हेही यावेळी उपस्थित होते.
'स्वच्छता राखणं ही ठराविक लोकांची जबाबदारी नाही. ती प्रत्येकाची, आपल्या सर्वांची जबाबदारी आहे. दुसऱ्यांकडं बोट दाखवू नका. स्वत: मेहनत करा, मग दुसऱ्यांना उपदेश करा,' असा सल्ला मास्टर ब्लास्टर सचिन तेंडुलकर यानं आज मुंबईकरांना दिला.
'मुंबई फर्स्ट' आणि 'अपनालय' या संस्थेच्या वतीने मुंबई महापालिकेचा एम पूर्व विभाग विकसित केला जाणार आहे. या परिसरातील झोपडपट्टी 'अपनालय'नं दत्तक घेतली असून तिथं सर्व मुलभूत सेयीसुविधा पुरवल्या जाणार आहेत. शिक्षण, आरोग्य, मोकळ्या जागा, सुरक्षा, पाणी, गटारे अशा सर्व गोष्टींचा विकास केला जाणार आहे. महापालिकेच्या सहकार्यानं प्रायोगिक तत्वावर विकासाचं एक मॉडेल या विभागात राबवलं जाणार आहे.
'मिशन २४' असं या उपक्रमाचं नाव असून सचिनच्या हस्ते महापालिका मुख्यालयात आज या उपक्रमाचा शुभारंभ झाला. त्यावेळी सचिन तेंडुलकरनं प्रत्येकाला स्वच्छतेची जबाबदारी स्वीकारण्याचं आवाहन केलं. महापालिका आयुक्त अजॉय मेहता हेही यावेळी उपस्थित होते.