मुंबई: पंजाब महाराष्ट्र को-ऑपरेटिव्ह बँक (पीएमसी) घोटाळा प्रकरणी अटकेत असलेल्या तिघांची पोलिस कोठडी आझाद मैदान येथील एस्प्लानेड महानगर दंडाधिकारी न्यायालयाने आणखी दोन दिवसांसाठी म्हणजे १६ ऑक्टोबरपर्यंत वाढवली आहे.
पीएमसी बँकेचे माजी अध्यक्ष वरयाम सिंग आणि एचडीआयएल कंपनीचे संचालक राकेश वाधवान व सारंग वाधवान यांच्या पोलिस कोठडीची मुदत संपत असल्याने त्यांना आर्थिक गुन्हे शाखेने (इओडब्ल्यू) सोमवारी, १४ ऑक्टोबरला न्यायालयात हजर केले. तेव्हा, या घोटाळा प्रकरणाच्या तपासात दरदिवशी नवी माहिती हाती लागत असल्याने या प्रमुख आरोपींची आम्हाला आणखी सखोल चौकशी करायची आहे, असे इओडब्ल्यूच्या तपास अधिकाऱ्यांनी न्यायालयाला सांगितले. तसेच पोलिस कोठडी आणखी दोन दिवसांनी वाढवण्याची विनंती त्यांनी केली. त्यावेळी आरोपींच्या वकिलांनी म्हणणे मांडले की, कोठडी वाढवण्यास आमची हरकत नाही मात्र तपास यंत्रणेने तपासातील प्रगतीही न्यायालयाला दाखवायला हवी. अखेरीस न्यायालयाने तिघा आरोपींच्या पोलिस कोठडीत १६ ऑक्टोबरपर्यंत वाढ केली.
पीएमसी बँकेचे माजी अध्यक्ष वरयाम सिंग आणि एचडीआयएल कंपनीचे संचालक राकेश वाधवान व सारंग वाधवान यांच्या पोलिस कोठडीची मुदत संपत असल्याने त्यांना आर्थिक गुन्हे शाखेने (इओडब्ल्यू) सोमवारी, १४ ऑक्टोबरला न्यायालयात हजर केले. तेव्हा, या घोटाळा प्रकरणाच्या तपासात दरदिवशी नवी माहिती हाती लागत असल्याने या प्रमुख आरोपींची आम्हाला आणखी सखोल चौकशी करायची आहे, असे इओडब्ल्यूच्या तपास अधिकाऱ्यांनी न्यायालयाला सांगितले. तसेच पोलिस कोठडी आणखी दोन दिवसांनी वाढवण्याची विनंती त्यांनी केली. त्यावेळी आरोपींच्या वकिलांनी म्हणणे मांडले की, कोठडी वाढवण्यास आमची हरकत नाही मात्र तपास यंत्रणेने तपासातील प्रगतीही न्यायालयाला दाखवायला हवी. अखेरीस न्यायालयाने तिघा आरोपींच्या पोलिस कोठडीत १६ ऑक्टोबरपर्यंत वाढ केली.