मुंबई : 'स्पेशल २६' चित्रपटाप्रमाणे सीबीआय अधिकारी असल्याचे भासवून गोरेगाव येथील व्यापाऱ्याकडून पाच लाख रुपये उकळणाऱ्या चौघांना अटक करण्यात आली. या अधिकाऱ्यांची तोतयेगिरी व्यापारी आणि त्याच्या कर्मचाऱ्यांच्या वेळीच लक्षात आली आणि त्यांनी दोघांना पकडून ठेवले. तर रोख रक्कम घेऊन पळालेल्या इतर दोघांना गोरेगाव पोलिसांनी अटक केली असून, त्यांच्या फरार साथीदारांचा शोध सुरू आहे.
गोरेगाव येथील व्यापाऱ्याला व्यवसायासाठी पैशांची गरज होती. यासाठी त्याने आपल्याकडील जमा रक्कम तपासली असता, ती पुरेशी नव्हती. त्यामुळे त्याने कर्ज घेण्यासाठी प्रयत्न सुरू केले. यासाठी परिचयातील एका व्यक्तीने एका खासगी एजंटचा संपर्क दिला. व्यापाऱ्याने या एजंटला संपर्क करताच त्याने २५ लाख रुपये कर्ज मिळवून देतो आणि त्याबदल्यात पाच लाख रुपये द्यावे लागतील, असे सांगितले. यावर व्यापाऱ्याने तयारी दर्शवली आणि हा एजंट पाच लाख रुपये घेण्यासाठी व्यापाऱ्याच्या कार्यालयात आला. व्यापाऱ्याने पाच लाख रुपये देताच, अन्य तीन ते चार जण त्याठिकाणी आले. त्यांनी सीबीआयचे अधिकारी असल्याची ओळखपत्रे दाखवली. काळ्या रंगाच्या स्कॉर्पिओ कारमधून आलेल्या या सर्वांनी व्यापाऱ्याला धमकाविण्यास सुरुवात केली. इतकी मोठी रोख रक्कम आणली कुठून याचा हिशेब द्यावा लागेल. कारवाई टाळायची असेल, तर हे पाच लाख रुपये द्यावे लागतील, अशी धमकी देऊन हे सर्व जण निघू लागले.
त्यांच्या हालचाली आणि वागणुकीवरून व्यापाऱ्याला संशय आला. त्यावेळी लगबगीने कारमध्ये बसून जाण्याच्या प्रयत्नात असताना व्यापाऱ्याने आणि त्याच्या कर्मचाऱ्यांनी दोघांना पकडून ठेवले. तसेच व्यापाऱ्याने या घटनेची माहिती गोरेगाव पोलिसांना दिली. पोलिसांचे पथक त्याठिकाणी पोहोचले आणि दोघांना ताब्यात घेतले. या दोघांनी दिलेल्या माहितीनुसार आणखी दोघांना शोधून काढले. तर त्यांच्या इतर साथीदारांचा शोध सुरू असल्याचे पोलिसांनी सांगितले.
गोरेगाव येथील व्यापाऱ्याला व्यवसायासाठी पैशांची गरज होती. यासाठी त्याने आपल्याकडील जमा रक्कम तपासली असता, ती पुरेशी नव्हती. त्यामुळे त्याने कर्ज घेण्यासाठी प्रयत्न सुरू केले. यासाठी परिचयातील एका व्यक्तीने एका खासगी एजंटचा संपर्क दिला. व्यापाऱ्याने या एजंटला संपर्क करताच त्याने २५ लाख रुपये कर्ज मिळवून देतो आणि त्याबदल्यात पाच लाख रुपये द्यावे लागतील, असे सांगितले. यावर व्यापाऱ्याने तयारी दर्शवली आणि हा एजंट पाच लाख रुपये घेण्यासाठी व्यापाऱ्याच्या कार्यालयात आला. व्यापाऱ्याने पाच लाख रुपये देताच, अन्य तीन ते चार जण त्याठिकाणी आले. त्यांनी सीबीआयचे अधिकारी असल्याची ओळखपत्रे दाखवली. काळ्या रंगाच्या स्कॉर्पिओ कारमधून आलेल्या या सर्वांनी व्यापाऱ्याला धमकाविण्यास सुरुवात केली. इतकी मोठी रोख रक्कम आणली कुठून याचा हिशेब द्यावा लागेल. कारवाई टाळायची असेल, तर हे पाच लाख रुपये द्यावे लागतील, अशी धमकी देऊन हे सर्व जण निघू लागले.
त्यांच्या हालचाली आणि वागणुकीवरून व्यापाऱ्याला संशय आला. त्यावेळी लगबगीने कारमध्ये बसून जाण्याच्या प्रयत्नात असताना व्यापाऱ्याने आणि त्याच्या कर्मचाऱ्यांनी दोघांना पकडून ठेवले. तसेच व्यापाऱ्याने या घटनेची माहिती गोरेगाव पोलिसांना दिली. पोलिसांचे पथक त्याठिकाणी पोहोचले आणि दोघांना ताब्यात घेतले. या दोघांनी दिलेल्या माहितीनुसार आणखी दोघांना शोधून काढले. तर त्यांच्या इतर साथीदारांचा शोध सुरू असल्याचे पोलिसांनी सांगितले.