अ‍ॅपशहर

४ मराठी अधिकारी-सैनिकांचा शौर्य पदके देऊन गौरव

लष्कराच्या दक्षिण कमांडच्या शौर्य व सेवा पदकांचे गुरुवारी गेट वे ऑफ इंडिया येथे जाहीर कार्यक्रमात वितरण झाले. या कार्यक्रमात चार मराठी अधिकारी-सैनिकांना शौर्य आणि सेवा पदकं देऊन सन्मानित करण्यात आलं.

महाराष्ट्र टाइम्स.कॉम 20 Feb 2020, 10:31 pm
मुंबई: लष्कराच्या दक्षिण कमांडच्या शौर्य व सेवा पदकांचे गुरुवारी गेट वे ऑफ इंडिया येथे जाहीर कार्यक्रमात वितरण झाले. या कार्यक्रमात चार मराठी अधिकारी-सैनिकांना शौर्य आणि सेवा पदकं देऊन सन्मानित करण्यात आलं.
महाराष्ट्र टाइम्स.कॉम south command of indian army


दक्षिण कमांडच्या एकूण ५० पैकी २३ शौर्य पदकांचं आणि सेवा पदकांचं वितरण आज, दक्षिण कमांडचे प्रमुख लेफ्टनंट जनरल सी. पी. मोहंती यांच्या हत्ये करण्यात आले. शौर्य पुरस्कारांवर कमांडोजचा बोलबाला दिसून आला. जवळपास आठ पदके कमांडोजना प्रदान करण्यात आली. यावेळी चार मराठी अधिकारी-सैनिकांनाही पदकं देऊन गौरवलं.

भारताला 'कैद पोस्ट' जिंकून देणाऱ्या परमवीराची शौर्यगाथा
महाराष्ट्रातील ५४ पोलीस अधिकारी-कर्मचाऱ्यांना पुरस्कार जाहीर


कर्नल धनंजय भोसले यांना शौर्य सेना पदकानं सन्मानित करण्यात आलं. सियाचीन ग्लेशियरला अडकलेलं ध्रुव हेलिकॉप्टर यशस्वीरित्या दुरुस्त करून उड्डाण केल्याबद्दल त्यांना हा सन्मान देण्यात आला. मेजर जनरल नितीन इंदुरकर यांना विशेष सेवेबद्दल पदक देऊन गौरवण्यात आलं. ते मूळचे नागपूरचे आहेत. सर्जिकल स्ट्राइकवेळी जम्मूच्या १६ कोर मुख्यालयात ते तैनात होते. तर इंजिनीअर्स तुकडीतील लेफ्टनंट कर्नल शशिकांत वाघमोडे, सुभेदार पांडुरंग भोसले यांनाही पदकं देऊन सन्मानित करण्यात आलं.

हुतात्मा मेजर कौस्तुभ राणे यांना सेना पदक

बेळगावातील मराठा लाइट इन्फ्रंटी प्रशिक्षण केंद्राला दक्षिण कमांड प्रमुख विशेष पुरस्कार देण्यात आला. तर पुण्यात तैनात गोरखा रेजिमेंटला सांगली आणि कोल्हापुरातील पूरपरिस्थितीत विशेष कार्य केल्याबद्दल विशेष सेवा पुरस्कारानं गौरवलं गेलं.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज