२३ हजारांची फसवणूक, न केलेल्या गुन्ह्याचे बालंट
म. टा. प्रतिनिधी, मुंबई
स्वस्तातील ‘आयफोन’च्या इंटरनेटवरील जाहिरातीला भुलून त्यासाठी पैसे मोजणाऱ्या केंद्रीय औद्योगिक सुरक्षा बलाच्या (सीआयएसएफ) जवानाची फसगत तर झालीच, शिवाय ज्याला विश्वासाने सर्व ओळखपत्रे पाठवली, त्यानेच त्याद्वारे दुसऱ्यांची फसगत केल्याचा प्रकार उघडकीस आला आहे. या फसवणुकीच्या गुन्ह्याचा फासही त्या जवानाभोवतीच आवळला गेला, पण पोलिसांना याबाबतची सर्व माहिती पटवून दिल्यानंतर संबंधित जवानावरील बालंट टळले.
वाकोला परिसरात राहणारा सीआयएसएफच्या २५वर्षीय जवानाने एका वेबसाइटवरील ‘आयफोन’च्या विक्रीची जाहिरात पाहून अभिषेक श्रीघुले नावाच्या व्यक्तीशी संपर्क साधला. अभिषेकने आपण जालनात पोलिस शिपाई असल्याचे या जवानाला सांगितले. विश्वासाने या जवानानेही त्याची ओळख सांगितली. अभिषेकला विश्वास पटावा यासाठी जवानाने आपले वर्दीतील ओळखपत्र, पॅनकार्ड, आधार कार्ड अभिषेकला पाठवले. त्यानंतर दोघांमध्ये मोबाइलचा व्यवहार ठरला. त्यानुसार टप्प्याटप्प्याने अभिषेकने त्याच्याकडून २३ हजार रुपये उकळले. मात्र पैसे मोजूनही आयफोन मिळत नसल्याने आपली फसवणूक होत असल्याचे त्याच्या लक्षात आले. अभिषेकशी संपर्क साधण्याचा प्रयत्न केला असता, तोही होत नव्हता. त्यानंतर जवानाने अभिषेकविरोधात वाकोला पोलिस ठाण्यात लेखी तक्रार नोंदवली. दरम्यान, ३ नोव्हेंबर रोजी या जवानाला वरिष्ठ अधिकाऱ्यांनी बोलवून घेतले. वर्दीतील ओळपत्राच्या मदतीने अनेकांना फसवल्याचा आरोप या जवानावर ठेवण्यात आला. त्यावेळी त्याने वरिष्ठांना फसवणुकीची माहिती दिली व अभिषेकने आपल्या ओळखपत्राचा गैरवापर केल्याचे पटवून दिले. याप्रकरणी वाकोला पोलिस ठाण्यात गुन्हा नोंदवण्यात आला आहे.
म. टा. प्रतिनिधी, मुंबई
स्वस्तातील ‘आयफोन’च्या इंटरनेटवरील जाहिरातीला भुलून त्यासाठी पैसे मोजणाऱ्या केंद्रीय औद्योगिक सुरक्षा बलाच्या (सीआयएसएफ) जवानाची फसगत तर झालीच, शिवाय ज्याला विश्वासाने सर्व ओळखपत्रे पाठवली, त्यानेच त्याद्वारे दुसऱ्यांची फसगत केल्याचा प्रकार उघडकीस आला आहे. या फसवणुकीच्या गुन्ह्याचा फासही त्या जवानाभोवतीच आवळला गेला, पण पोलिसांना याबाबतची सर्व माहिती पटवून दिल्यानंतर संबंधित जवानावरील बालंट टळले.
वाकोला परिसरात राहणारा सीआयएसएफच्या २५वर्षीय जवानाने एका वेबसाइटवरील ‘आयफोन’च्या विक्रीची जाहिरात पाहून अभिषेक श्रीघुले नावाच्या व्यक्तीशी संपर्क साधला. अभिषेकने आपण जालनात पोलिस शिपाई असल्याचे या जवानाला सांगितले. विश्वासाने या जवानानेही त्याची ओळख सांगितली. अभिषेकला विश्वास पटावा यासाठी जवानाने आपले वर्दीतील ओळखपत्र, पॅनकार्ड, आधार कार्ड अभिषेकला पाठवले. त्यानंतर दोघांमध्ये मोबाइलचा व्यवहार ठरला. त्यानुसार टप्प्याटप्प्याने अभिषेकने त्याच्याकडून २३ हजार रुपये उकळले. मात्र पैसे मोजूनही आयफोन मिळत नसल्याने आपली फसवणूक होत असल्याचे त्याच्या लक्षात आले. अभिषेकशी संपर्क साधण्याचा प्रयत्न केला असता, तोही होत नव्हता. त्यानंतर जवानाने अभिषेकविरोधात वाकोला पोलिस ठाण्यात लेखी तक्रार नोंदवली. दरम्यान, ३ नोव्हेंबर रोजी या जवानाला वरिष्ठ अधिकाऱ्यांनी बोलवून घेतले. वर्दीतील ओळपत्राच्या मदतीने अनेकांना फसवल्याचा आरोप या जवानावर ठेवण्यात आला. त्यावेळी त्याने वरिष्ठांना फसवणुकीची माहिती दिली व अभिषेकने आपल्या ओळखपत्राचा गैरवापर केल्याचे पटवून दिले. याप्रकरणी वाकोला पोलिस ठाण्यात गुन्हा नोंदवण्यात आला आहे.