म. टा. प्रतिनिधी, मुंबई
मॅट्रिमोनियल साइटवर इच्छुक वर शोधत असाल, तर सावधान! मॅट्रिमोनियल साइटवरून विवाहेच्छूक तरुणींची माहिती काढून त्यांना लग्नाच्या भूलथापा देऊन फसवणूक करणारी टोळी सक्रिय झाली आहे. अशाच एका भामट्याने नुकताच मुंबई सेंट्रल परिसरात राहणाऱ्या ३१ वर्षीय तरुणीला तब्बल ४ लाखांचा गंडा घातला आहे. या प्रकरणी नागपाडा पोलिस ठाण्यात रंजन दाससह आठ जणांवर गुन्हा नोंदवण्यात आला आहे.
मुंबई सेंट्रलच्या जगजीवनराम रुग्णालय परिसरात राहणारी ३१ वर्षीय तरुणी एका खासगी नामांकित कंपनीत कामाला आहे. २७ जानेवारी २०१६रोजी एका मॅट्रिमोनियल साइटवर तिची रंजन दास याच्याशी ओळख झाली होती. काही दिवसांतच दोघांचे विचार जुळल्याने त्यांनी एकमेकांना आपले फोन नंबर दिले. आपला इंग्लडमध्ये व्यवसाय असून आपण तिथेच स्थायिक असल्याचे रंजन याने तरुणीला सांगितले. आपल्या आई-वडिलांसोबतही त्याने तरुणीचे बोलणे करून दिले. काही दिवसात रंजनने तरुणीचा विश्वास संपादन केला. त्यानंतर रंजनने आपण एक महागडी इलेक्ट्रॉनिक भेटवस्तू पाठवली असल्याचे तरुणीला सांगितले. ही भेटवस्तू विमानतळावरून घेण्यास सांगून आपण लवकरच मुंबईला येणार असल्याचेही त्याने सांगितले.
दरम्यान, एक दिवस आपण दिल्ली विमानतळावरून कस्टम अधिकारी बोलत असल्याचे सांगणारा फोन या तरुणीला आला. रंजन याने पाठवलेले सामान आपण ताब्यात घेतल्याचे सांगत, त्याची कस्टम ड्युटी भरण्यासाठी तरुणीजवळ पैशांची मागणी केली. कस्टम ड्युटी न भरल्यास रंजन दास किंवा तुमच्यावर कारवाई करण्यात येईल, असे सांगत रक्कम भरण्यासाठी एक खाते क्रमांकही फोन करणाऱ्याने दिला. तरुणीने या भेटवस्तूबाबत रंजन याला फोन करून खात्री करून घेतली. त्यावेळी आपण भारतात आल्यावर पैसे देऊ, असे त्याने सांगितले. त्यानुसार विविध कस्टम ड्युटींच्या नावाखाली तरुणीने टप्प्याटप्प्याने ४ लाख १९ हजार संबंधित खात्यात जमा केले. मात्र तरीही पैशाची मागणी थांबत नसल्यामुळे तरुणीने एअरपोर्ट अधिकाऱ्यांकडे खात्री केली. त्यावेळी अशी कोणतीही मागणी कस्टम अधिकाऱ्यांनी केली नसल्याचे सांगत तुमची फसवणूक होत असल्याचे त्यांनी सांगितले.
मॅट्रिमोनियल साइटवर इच्छुक वर शोधत असाल, तर सावधान! मॅट्रिमोनियल साइटवरून विवाहेच्छूक तरुणींची माहिती काढून त्यांना लग्नाच्या भूलथापा देऊन फसवणूक करणारी टोळी सक्रिय झाली आहे. अशाच एका भामट्याने नुकताच मुंबई सेंट्रल परिसरात राहणाऱ्या ३१ वर्षीय तरुणीला तब्बल ४ लाखांचा गंडा घातला आहे. या प्रकरणी नागपाडा पोलिस ठाण्यात रंजन दाससह आठ जणांवर गुन्हा नोंदवण्यात आला आहे.
मुंबई सेंट्रलच्या जगजीवनराम रुग्णालय परिसरात राहणारी ३१ वर्षीय तरुणी एका खासगी नामांकित कंपनीत कामाला आहे. २७ जानेवारी २०१६रोजी एका मॅट्रिमोनियल साइटवर तिची रंजन दास याच्याशी ओळख झाली होती. काही दिवसांतच दोघांचे विचार जुळल्याने त्यांनी एकमेकांना आपले फोन नंबर दिले. आपला इंग्लडमध्ये व्यवसाय असून आपण तिथेच स्थायिक असल्याचे रंजन याने तरुणीला सांगितले. आपल्या आई-वडिलांसोबतही त्याने तरुणीचे बोलणे करून दिले. काही दिवसात रंजनने तरुणीचा विश्वास संपादन केला. त्यानंतर रंजनने आपण एक महागडी इलेक्ट्रॉनिक भेटवस्तू पाठवली असल्याचे तरुणीला सांगितले. ही भेटवस्तू विमानतळावरून घेण्यास सांगून आपण लवकरच मुंबईला येणार असल्याचेही त्याने सांगितले.
दरम्यान, एक दिवस आपण दिल्ली विमानतळावरून कस्टम अधिकारी बोलत असल्याचे सांगणारा फोन या तरुणीला आला. रंजन याने पाठवलेले सामान आपण ताब्यात घेतल्याचे सांगत, त्याची कस्टम ड्युटी भरण्यासाठी तरुणीजवळ पैशांची मागणी केली. कस्टम ड्युटी न भरल्यास रंजन दास किंवा तुमच्यावर कारवाई करण्यात येईल, असे सांगत रक्कम भरण्यासाठी एक खाते क्रमांकही फोन करणाऱ्याने दिला. तरुणीने या भेटवस्तूबाबत रंजन याला फोन करून खात्री करून घेतली. त्यावेळी आपण भारतात आल्यावर पैसे देऊ, असे त्याने सांगितले. त्यानुसार विविध कस्टम ड्युटींच्या नावाखाली तरुणीने टप्प्याटप्प्याने ४ लाख १९ हजार संबंधित खात्यात जमा केले. मात्र तरीही पैशाची मागणी थांबत नसल्यामुळे तरुणीने एअरपोर्ट अधिकाऱ्यांकडे खात्री केली. त्यावेळी अशी कोणतीही मागणी कस्टम अधिकाऱ्यांनी केली नसल्याचे सांगत तुमची फसवणूक होत असल्याचे त्यांनी सांगितले.