म. टा. प्रतिनिधी, मुंबई
राष्ट्रीय अभ्यासक्रम आराखड्यानुसार दरवर्षी एका इयत्तेच्या अभ्यासक्रमात बदल होत असून त्यानुसार यंदाच्या शैक्षणिक वर्षी सहावीची नवीन पुस्तके बाजारात दाखल झाली आहेत. संपूर्ण रंगीत, आकर्षक मुखपृष्ठ, छायाचित्रे यांमुळे ही पुस्तके सध्या विद्यार्थ्यांसाठी आर्कषणाचे केंद्रबिंदू ठरत आहेत.
महाराष्ट्र राज्य पाठ्यपुस्तक निर्मिती व अभ्यासक्रम संशोधन मंडळातर्फे (बालभारती) गेल्या वर्षी पाचवीच्या अभ्यासक्रमात बदल केल्यानंतर यंदा सहावीच्या पुस्तकांत बदल करण्यात आला आहे. जुन्या लहान पुस्तकांऐवजी आता ए-वन आकारात ही पुस्तके छापण्यात आली आहेत. या अगोदर २००७ साली सहावीचे पुस्तक बदलण्यात आले होते. केंद्राने आखलेल्या अभ्यासक्रमाच्या आराखड्यानुसार हा अभ्यासक्रम तयार करण्यात येत आहे. विद्यार्थ्यांना सोपा आणि समजेल अशा प्रकारे हे पुस्तक बदलण्यात आले आहे. घोकंपट्टीला आळा घालून विद्यार्थ्यांच्या बुद्धीला चालना देणाऱ्या अभ्यासक्रमाची रचना करण्यात येत आहे. पुस्तकांचा वाढलेला आकार, पुस्तक छपाईसाठी वापरण्यात आलेले दोनऐवजी चार कलर, कागदाची जाडी आदी बदल केल्याची माहिती यानिमित्ताने बालभारतीचे संचालक सी. आर. बोरकर यांनी दिली.
नकाशे चुकविल्याचा आरोप
बालभारतीतर्फे नवीन छापलेल्या भूगोलाच्या पुस्तकातील नकाशांमधील अनेक जागा चुकविल्याचा आरोप भूगोल अध्यापक मंडळाचे अध्यक्ष प्रा. विद्याधर अमृते यांनी केला आहे. वेळोवेळी निवेदन देऊनही त्याच त्याच चुका करण्यात आल्याने त्यांनी नाराजी व्यक्त केली आहे. यासंदर्भात शिक्षणमंत्र्यांना निवेदन देणार असल्याची माहिती त्यांनी दिली.
नवीन बदलांमुळे वाढल्या किंमती
नवीन पुस्तकांच्या किंमती गेल्या वर्षीच्या तुलनेत वाढल्या आहेत. सहावीच्या पाठ्यपुस्तकाच्या संचाची किंमत गेल्यावर्षी ११७ रुपये होती. आता त्यासाठी पालकांना २८० रुपये मोजावे लागत आहेत.
राष्ट्रीय अभ्यासक्रम आराखड्यानुसार दरवर्षी एका इयत्तेच्या अभ्यासक्रमात बदल होत असून त्यानुसार यंदाच्या शैक्षणिक वर्षी सहावीची नवीन पुस्तके बाजारात दाखल झाली आहेत. संपूर्ण रंगीत, आकर्षक मुखपृष्ठ, छायाचित्रे यांमुळे ही पुस्तके सध्या विद्यार्थ्यांसाठी आर्कषणाचे केंद्रबिंदू ठरत आहेत.
महाराष्ट्र राज्य पाठ्यपुस्तक निर्मिती व अभ्यासक्रम संशोधन मंडळातर्फे (बालभारती) गेल्या वर्षी पाचवीच्या अभ्यासक्रमात बदल केल्यानंतर यंदा सहावीच्या पुस्तकांत बदल करण्यात आला आहे. जुन्या लहान पुस्तकांऐवजी आता ए-वन आकारात ही पुस्तके छापण्यात आली आहेत. या अगोदर २००७ साली सहावीचे पुस्तक बदलण्यात आले होते. केंद्राने आखलेल्या अभ्यासक्रमाच्या आराखड्यानुसार हा अभ्यासक्रम तयार करण्यात येत आहे. विद्यार्थ्यांना सोपा आणि समजेल अशा प्रकारे हे पुस्तक बदलण्यात आले आहे. घोकंपट्टीला आळा घालून विद्यार्थ्यांच्या बुद्धीला चालना देणाऱ्या अभ्यासक्रमाची रचना करण्यात येत आहे. पुस्तकांचा वाढलेला आकार, पुस्तक छपाईसाठी वापरण्यात आलेले दोनऐवजी चार कलर, कागदाची जाडी आदी बदल केल्याची माहिती यानिमित्ताने बालभारतीचे संचालक सी. आर. बोरकर यांनी दिली.
नकाशे चुकविल्याचा आरोप
बालभारतीतर्फे नवीन छापलेल्या भूगोलाच्या पुस्तकातील नकाशांमधील अनेक जागा चुकविल्याचा आरोप भूगोल अध्यापक मंडळाचे अध्यक्ष प्रा. विद्याधर अमृते यांनी केला आहे. वेळोवेळी निवेदन देऊनही त्याच त्याच चुका करण्यात आल्याने त्यांनी नाराजी व्यक्त केली आहे. यासंदर्भात शिक्षणमंत्र्यांना निवेदन देणार असल्याची माहिती त्यांनी दिली.
नवीन बदलांमुळे वाढल्या किंमती
नवीन पुस्तकांच्या किंमती गेल्या वर्षीच्या तुलनेत वाढल्या आहेत. सहावीच्या पाठ्यपुस्तकाच्या संचाची किंमत गेल्यावर्षी ११७ रुपये होती. आता त्यासाठी पालकांना २८० रुपये मोजावे लागत आहेत.