रमेश खोकराळे । मुंबई
वैशिष्ट्यपूर्ण गणेशमूर्ती, आकर्षक देखावा किंवा जत्रा यासारख्या कारणांमुळे दरवर्षी मुंबई, ठाणे, पुणे व त्यालगतच्या परिसरातील सार्वजनिक गणेशोत्सवांत भाविकांची मोठी गर्दी होते. त्याचबरोबर मंडळांची विविध प्रकारची जोखीमही वाढते. अशावेळी इच्छा असूनही महागड्या प्रीमियममुळे मंडळांना उत्सव काळात विमा काढता येत नाही. म्हणून 'ओरिएंटल इन्शुरन्स' या केंद्र सरकारच्या अखत्यारीतील विमा कंपनीने राज्यभरातील सर्व मंडळांसाठी स्वस्तात विमा योजना जाहीर केली आहे. त्याअंतर्गत मंडळांना अवघ्या तीन हजार रुपयांच्या एकरकमी प्रीमियममध्ये विविध सहा प्रकारांतील जोखमींसाठी सहा लाख रुपयांचा तसेच मंडळांच्या ५० कार्यकर्त्यांना अपघात विमा उपलब्ध होणार आहे.
महत्त्वाचे म्हणजे विम्यासाठी लागू असलेल्या जोखमींमध्ये नैसर्गिक आपत्तींबरोबरच बॉम्बस्फोट किंवा दहशतवादी हल्ला, घातपात यांचाही समावेश आहे. आग, भूकंप, घुसखोरी, लूट तसेच गणरायाची आभूषणे, दानपेटीतील रकमेची चोरी किंवा बाप्पाच्या प्रसादातून भाविकांना विषबाधा, भाविकांबाबतचे जनदायित्त्व तसेच कार्यकर्त्यांना अपघात झाल्यास 'सार्वजनिक श्री गणेशोत्सवाचे विमा छत्र' या विम्याअंतर्गत मंडळांना आर्थिक आधार मिळेल. अवघ्या तीन हजारांच्या एकरकमी प्रीमियममध्ये सहा प्रकारांतील जोखमींसाठी प्रत्येकी एक लाखापर्यंत तर पावणेतीन लाख रुपयांच्या प्रीमियममध्ये सहा प्रकारांतील जोखमींसाठी प्रत्येकी दोन कोटी रुपयांपर्यंतचा विमा उपलब्ध आहे. त्याशिवाय वेगवेगळ्या प्रीमियमनुसार वेगवेगळ्या रकमेचा विमाही उपलब्ध आहे. विम्याचे क्षेत्र मुख्य प्रवेशद्वारापासून मंडपापर्यंत मर्यादित असेल. नोंदणीकृत मंडळांना 5 सप्टेंबर ते विसर्जनाच्या दुसऱ्या दिवसापर्यंत (कमाल २३ दिवस) या कालावधीसाठी हे विमा कवच मिळू शकेल. आयआरएम इन्शुरन्स ब्रोकर्स या योजनेत ओरिएंटलसाठी समन्वयाची भूमिका बजावत आहे, असे ओरिएंटलचे सचिन खानविलकर यांनी 'मटा'ला सांगितले. या योजनेची माहिती व लाभ घेण्यासाठी मंडळांनी ९८०२०७१९८३ (आसावरी देसाई), ९५९४०६२२६० (श्रीकांत बडद) किंवा ०२२-४३२१५८०० या क्रमांकावर संपर्क साधावा, असे आवाहन ओरिएंटलने केले आहे.
'गणेशगल्ली'चा सहा कोटींचा विमा
'मुंबईचा राजा' लालबाग सार्वजनिक गणेशोत्सव मंडळ (गणेशगल्ली) या उत्सवात दरवर्षी भाविकांची मोठी गर्दी होते. त्यामुळे या मंडळानेही ओरिएंटलच्या या योजनेअंतर्गत एकूण सहा कोटी रुपयांचा विमा काढण्याचे ठरवले आहे. या मंडळाचे सरचिटणीस स्वप्नील परब यांनी 'मटा'ला ही माहिती दिली.
वैशिष्ट्यपूर्ण गणेशमूर्ती, आकर्षक देखावा किंवा जत्रा यासारख्या कारणांमुळे दरवर्षी मुंबई, ठाणे, पुणे व त्यालगतच्या परिसरातील सार्वजनिक गणेशोत्सवांत भाविकांची मोठी गर्दी होते. त्याचबरोबर मंडळांची विविध प्रकारची जोखीमही वाढते. अशावेळी इच्छा असूनही महागड्या प्रीमियममुळे मंडळांना उत्सव काळात विमा काढता येत नाही. म्हणून 'ओरिएंटल इन्शुरन्स' या केंद्र सरकारच्या अखत्यारीतील विमा कंपनीने राज्यभरातील सर्व मंडळांसाठी स्वस्तात विमा योजना जाहीर केली आहे. त्याअंतर्गत मंडळांना अवघ्या तीन हजार रुपयांच्या एकरकमी प्रीमियममध्ये विविध सहा प्रकारांतील जोखमींसाठी सहा लाख रुपयांचा तसेच मंडळांच्या ५० कार्यकर्त्यांना अपघात विमा उपलब्ध होणार आहे.
महत्त्वाचे म्हणजे विम्यासाठी लागू असलेल्या जोखमींमध्ये नैसर्गिक आपत्तींबरोबरच बॉम्बस्फोट किंवा दहशतवादी हल्ला, घातपात यांचाही समावेश आहे. आग, भूकंप, घुसखोरी, लूट तसेच गणरायाची आभूषणे, दानपेटीतील रकमेची चोरी किंवा बाप्पाच्या प्रसादातून भाविकांना विषबाधा, भाविकांबाबतचे जनदायित्त्व तसेच कार्यकर्त्यांना अपघात झाल्यास 'सार्वजनिक श्री गणेशोत्सवाचे विमा छत्र' या विम्याअंतर्गत मंडळांना आर्थिक आधार मिळेल. अवघ्या तीन हजारांच्या एकरकमी प्रीमियममध्ये सहा प्रकारांतील जोखमींसाठी प्रत्येकी एक लाखापर्यंत तर पावणेतीन लाख रुपयांच्या प्रीमियममध्ये सहा प्रकारांतील जोखमींसाठी प्रत्येकी दोन कोटी रुपयांपर्यंतचा विमा उपलब्ध आहे. त्याशिवाय वेगवेगळ्या प्रीमियमनुसार वेगवेगळ्या रकमेचा विमाही उपलब्ध आहे. विम्याचे क्षेत्र मुख्य प्रवेशद्वारापासून मंडपापर्यंत मर्यादित असेल. नोंदणीकृत मंडळांना 5 सप्टेंबर ते विसर्जनाच्या दुसऱ्या दिवसापर्यंत (कमाल २३ दिवस) या कालावधीसाठी हे विमा कवच मिळू शकेल. आयआरएम इन्शुरन्स ब्रोकर्स या योजनेत ओरिएंटलसाठी समन्वयाची भूमिका बजावत आहे, असे ओरिएंटलचे सचिन खानविलकर यांनी 'मटा'ला सांगितले. या योजनेची माहिती व लाभ घेण्यासाठी मंडळांनी ९८०२०७१९८३ (आसावरी देसाई), ९५९४०६२२६० (श्रीकांत बडद) किंवा ०२२-४३२१५८०० या क्रमांकावर संपर्क साधावा, असे आवाहन ओरिएंटलने केले आहे.
'गणेशगल्ली'चा सहा कोटींचा विमा
'मुंबईचा राजा' लालबाग सार्वजनिक गणेशोत्सव मंडळ (गणेशगल्ली) या उत्सवात दरवर्षी भाविकांची मोठी गर्दी होते. त्यामुळे या मंडळानेही ओरिएंटलच्या या योजनेअंतर्गत एकूण सहा कोटी रुपयांचा विमा काढण्याचे ठरवले आहे. या मंडळाचे सरचिटणीस स्वप्नील परब यांनी 'मटा'ला ही माहिती दिली.