म. टा. प्रतिनिधी, मुंबई
अवघ्या तीन दिवसांनी घरोघरी गणरायाचे थाटामाटात आगमन झाल्यानंतर, महिलावर्गाची गौराई पूजनासाठीची तयारी सुरू होईल. मात्र, गौरीपूजनावर देखील करोनाचे सावट असल्याने आतापासूनच गौरींच्या मूर्ती आणि साहित्यांची खरेदी सुरू करण्यात आली आहे. विक्रेत्यांनीही विक्रीसाठी ऑनलाइन मार्ग निवडला आहे. गौरींच्या मुखवट्यांपासून साडी, तयार हात, दागिने आणि इतर साहित्याची ऑनलाइन विक्री केली जात आहे.
गेल्या काही वर्षात गौरी-गणपती उत्सवाचे स्वरूप बदलू लागले आहे. प्रत्येक जण आपापल्या परीने नवीन रूप देण्याचा प्रयत्न करत असतात. दरवर्षी लालबाग-परळ परिसरात गौरीचे मुखवटे, साडी, तयार हात, दागिने आणि इतर साहित्यासाठी झुंबड उडते. गौरीच्या सजावटीसाठी महिलांमध्ये चुरस पाहायला मिळते. इतरांपेक्षा आपल्या गौरीची सजावट कशी आकर्षक दिसेल, यावर महिला जास्त भर देतात. मात्र, यावर्षी गौरीपूजन देखील अगदी साधेपणाने करावे लागणार असल्याने बाजारपेठा देखील नेहमीप्रमाणे गजबजलेल्या दिसत नाहीत. त्यामुळे महिलावर्ग साहित्यांच्या शोधात असल्याचे दिसून येत आहे. तर, करोनामुळे व्यवसायावर परिणाम झाल्यामुळे छोट्या-मोठ्या विक्रेत्यांनी देखील ऑनलाइन मार्ग निवडला आहे. विशेष म्हणजे, लालबाग विभागातील काही विक्रेत्यांनी एकत्र येऊन श्रद्धा आर्ट्स नावाची वेबसाइट तयार केली आहे. केवळ मुंबईतच नाहीतर राज्यभर गौरीपूजनाच्या सामानाची विक्री केली जाणार असल्याचे कळते आहे.
महिलांचा चांगला प्रतिसाद
महिलांच्या पसंतीस पडतील अशा पेशवाई, मस्तानी, ब्राह्मणी अशा विविध प्रकारातील नऊवारी साड्या उपलब्ध करण्यात आल्या आहेत. साधारण ५०० रुपयांपासून या साड्या, एक ते दीड हजार रुपयांपर्यंत मुखवटे उपलब्ध आहेत. या ऑनलाइन विक्रीला महिलांचा देखील चांगला प्रतिसाद मिळत असल्याचे अनेक विक्रेत्यांचे म्हणणे आहे. तर, घरबसल्या आवडीनुसार सजावटीचे सामान निवडता येत असल्याने महिलावर्गामध्ये आनंदाचे वातवरण आहे. 'यंदा उत्सव साधेपणाने साजरा करण्याचे ठरले असले तरी, गौरीचा साज आकर्षक असावा यासाठी कुटुंबातील सर्वच महिला आग्रही आहेत. सर्व सामान ऑनलाइन मिळत असल्याने नेहमीची धावपळ कमी झाली आहे.' अशी प्रतिक्रिया अनघा सावंत यांनी दिली.
अवघ्या तीन दिवसांनी घरोघरी गणरायाचे थाटामाटात आगमन झाल्यानंतर, महिलावर्गाची गौराई पूजनासाठीची तयारी सुरू होईल. मात्र, गौरीपूजनावर देखील करोनाचे सावट असल्याने आतापासूनच गौरींच्या मूर्ती आणि साहित्यांची खरेदी सुरू करण्यात आली आहे. विक्रेत्यांनीही विक्रीसाठी ऑनलाइन मार्ग निवडला आहे. गौरींच्या मुखवट्यांपासून साडी, तयार हात, दागिने आणि इतर साहित्याची ऑनलाइन विक्री केली जात आहे.
गेल्या काही वर्षात गौरी-गणपती उत्सवाचे स्वरूप बदलू लागले आहे. प्रत्येक जण आपापल्या परीने नवीन रूप देण्याचा प्रयत्न करत असतात. दरवर्षी लालबाग-परळ परिसरात गौरीचे मुखवटे, साडी, तयार हात, दागिने आणि इतर साहित्यासाठी झुंबड उडते. गौरीच्या सजावटीसाठी महिलांमध्ये चुरस पाहायला मिळते. इतरांपेक्षा आपल्या गौरीची सजावट कशी आकर्षक दिसेल, यावर महिला जास्त भर देतात. मात्र, यावर्षी गौरीपूजन देखील अगदी साधेपणाने करावे लागणार असल्याने बाजारपेठा देखील नेहमीप्रमाणे गजबजलेल्या दिसत नाहीत. त्यामुळे महिलावर्ग साहित्यांच्या शोधात असल्याचे दिसून येत आहे. तर, करोनामुळे व्यवसायावर परिणाम झाल्यामुळे छोट्या-मोठ्या विक्रेत्यांनी देखील ऑनलाइन मार्ग निवडला आहे. विशेष म्हणजे, लालबाग विभागातील काही विक्रेत्यांनी एकत्र येऊन श्रद्धा आर्ट्स नावाची वेबसाइट तयार केली आहे. केवळ मुंबईतच नाहीतर राज्यभर गौरीपूजनाच्या सामानाची विक्री केली जाणार असल्याचे कळते आहे.
महिलांचा चांगला प्रतिसाद
महिलांच्या पसंतीस पडतील अशा पेशवाई, मस्तानी, ब्राह्मणी अशा विविध प्रकारातील नऊवारी साड्या उपलब्ध करण्यात आल्या आहेत. साधारण ५०० रुपयांपासून या साड्या, एक ते दीड हजार रुपयांपर्यंत मुखवटे उपलब्ध आहेत. या ऑनलाइन विक्रीला महिलांचा देखील चांगला प्रतिसाद मिळत असल्याचे अनेक विक्रेत्यांचे म्हणणे आहे. तर, घरबसल्या आवडीनुसार सजावटीचे सामान निवडता येत असल्याने महिलावर्गामध्ये आनंदाचे वातवरण आहे. 'यंदा उत्सव साधेपणाने साजरा करण्याचे ठरले असले तरी, गौरीचा साज आकर्षक असावा यासाठी कुटुंबातील सर्वच महिला आग्रही आहेत. सर्व सामान ऑनलाइन मिळत असल्याने नेहमीची धावपळ कमी झाली आहे.' अशी प्रतिक्रिया अनघा सावंत यांनी दिली.