म. टा. विशेष प्रतिनिधी, मुंबई
जम्मू-काश्मीरचे विभाजन आणि 'कलम ३७०' रद्द करण्यावरून देशभरात चिंतेचे ढग निर्माण झाले असताना गणेशोत्सव मंडळांनाही दक्षतेच्या सूचना देण्यात आल्या आहेत. मुंबईतील गणेशोत्सव काळात लाखोंच्या संख्येने लोक विविध मंडळांच्या गणपतींचे दर्शन घेण्यासाठी येतात. गर्दीच्या नियोजनासाठी गणेशोत्सव मंडळाचे कार्यकर्ते सज्ज असतातच. मात्र, यंदा या सज्जतेला अधिक चोख मार्गदर्शन लाभणार आहे. पोलिसांच्या बॉम्बशोधक व नाशकपथकांच्या माध्यमातून या कार्यकर्त्यांना विशेष प्रशिक्षण देण्यात येणार आहे.
सार्वजनिक गणेशोत्सव समन्वय समितीतर्फे बुधवारी मार्गदर्शन पुस्तिकेचे प्रकाशन करण्यात आले. संशयास्पद वस्तू आढळून आल्यास पोलिसांशी तत्काळ संपर्क साधावा, दर्शनासाठी येणाऱ्या भाविकांच्या हातातील वस्तूंची पाहणी करण्यात यावी, मंडप, मूर्तीच्या खाली, कोपऱ्यांमध्ये सतर्कपणे पाहणी करावी, अशा सूचना या पुस्तिकेमध्ये करण्यात आल्या आहेत. दरवर्षी याच सूचनांचे कार्यकर्त्यांकडून पालन करण्यात येते. मात्र, रेड अॅलर्टच्या पार्श्वभूमीवर यंदा प्रत्यक्ष पोलिसांकडून प्रशिक्षण दिले जाणार आहे. महिन्याभरापूर्वी त्याविषयी मागणी करण्यात आली होती, अशी माहिती सार्वजनिक गणेशोत्सव समन्वय समितीचे अध्यक्ष अॅड. नरेश दहिबावकर यांनी दिली. मंडळातील सुमारे दहा कार्यकर्त्यांना हे प्रशिक्षण दिले जाईल. तीन ते चार पोलिस ठाण्यांच्या अंतर्गत येणाऱ्या मंडळांना एकाचवेळी ही माहिती दिली जाईल. यासंदर्भात शनिवारी बैठकीचेही आयोजन करण्यात आले आहे.
बॉम्बशोधक व नाशक पथकाच्या माध्यमातून स्फोटके, स्फोटक पदार्थ काय असतात, ती कशा पद्धतीने ठेवली जातात, मंडळांच्या पातळीवर कोणती काळजी घेता येऊ शकते याची माहिती पुरवण्यात येईल, असे अतिरिक्त पोलिस आयुक्त ज्ञानेश्वर चव्हाण यांनी सांगितले. दहीहंडी आणि गणेशोत्सवासह नवरात्रौत्सवातही या मार्गदर्शनाचा उपयोग कार्यकर्त्यांना होऊ शकतो. मंडळांमधील काही कार्यकर्त्यांना प्रशिक्षण मिळाले की मग ते कार्यकर्ते आपल्या मंडळातील इतर स्वयंसेवक, कार्यकर्त्यांनाही प्रशिक्षित करू शकतात. मुंबई पोलिसांनी यासंदर्भात काही लघुपट तयार केले आहेत. ते या प्रशिक्षणाच्या वेळी दाखवण्यात येणार आहेत. हे लघुपट नंतर मंडळेही दाखवू शकतात. त्यामुळे नागरिकांमध्ये जागरुकता निर्माण होईल. यासाठी दोन ते तीन टीम तयार करण्यात आल्या असून, शनिवारपासून या प्रशिक्षणाला सुरुवात होण्याची शक्यता आहे, असा अंदाज चव्हाण यांनी वर्तवला. पोलिस ठाण्यांचे हॉल, शांतता समिती, मोहल्ला समिती यांच्या बैठका ज्या हॉलमध्ये होतात तिथे हे मार्गदर्शन सत्र चालेल. मुंबईतील सुमारे सात ते आठ हजार मंडळातील कार्यकर्त्यांना हे प्रशिक्षण देऊन दक्ष राहण्यासाठी तयार करण्यात येणार आहे.
जम्मू-काश्मीरचे विभाजन आणि 'कलम ३७०' रद्द करण्यावरून देशभरात चिंतेचे ढग निर्माण झाले असताना गणेशोत्सव मंडळांनाही दक्षतेच्या सूचना देण्यात आल्या आहेत. मुंबईतील गणेशोत्सव काळात लाखोंच्या संख्येने लोक विविध मंडळांच्या गणपतींचे दर्शन घेण्यासाठी येतात. गर्दीच्या नियोजनासाठी गणेशोत्सव मंडळाचे कार्यकर्ते सज्ज असतातच. मात्र, यंदा या सज्जतेला अधिक चोख मार्गदर्शन लाभणार आहे. पोलिसांच्या बॉम्बशोधक व नाशकपथकांच्या माध्यमातून या कार्यकर्त्यांना विशेष प्रशिक्षण देण्यात येणार आहे.
सार्वजनिक गणेशोत्सव समन्वय समितीतर्फे बुधवारी मार्गदर्शन पुस्तिकेचे प्रकाशन करण्यात आले. संशयास्पद वस्तू आढळून आल्यास पोलिसांशी तत्काळ संपर्क साधावा, दर्शनासाठी येणाऱ्या भाविकांच्या हातातील वस्तूंची पाहणी करण्यात यावी, मंडप, मूर्तीच्या खाली, कोपऱ्यांमध्ये सतर्कपणे पाहणी करावी, अशा सूचना या पुस्तिकेमध्ये करण्यात आल्या आहेत. दरवर्षी याच सूचनांचे कार्यकर्त्यांकडून पालन करण्यात येते. मात्र, रेड अॅलर्टच्या पार्श्वभूमीवर यंदा प्रत्यक्ष पोलिसांकडून प्रशिक्षण दिले जाणार आहे. महिन्याभरापूर्वी त्याविषयी मागणी करण्यात आली होती, अशी माहिती सार्वजनिक गणेशोत्सव समन्वय समितीचे अध्यक्ष अॅड. नरेश दहिबावकर यांनी दिली. मंडळातील सुमारे दहा कार्यकर्त्यांना हे प्रशिक्षण दिले जाईल. तीन ते चार पोलिस ठाण्यांच्या अंतर्गत येणाऱ्या मंडळांना एकाचवेळी ही माहिती दिली जाईल. यासंदर्भात शनिवारी बैठकीचेही आयोजन करण्यात आले आहे.
बॉम्बशोधक व नाशक पथकाच्या माध्यमातून स्फोटके, स्फोटक पदार्थ काय असतात, ती कशा पद्धतीने ठेवली जातात, मंडळांच्या पातळीवर कोणती काळजी घेता येऊ शकते याची माहिती पुरवण्यात येईल, असे अतिरिक्त पोलिस आयुक्त ज्ञानेश्वर चव्हाण यांनी सांगितले. दहीहंडी आणि गणेशोत्सवासह नवरात्रौत्सवातही या मार्गदर्शनाचा उपयोग कार्यकर्त्यांना होऊ शकतो. मंडळांमधील काही कार्यकर्त्यांना प्रशिक्षण मिळाले की मग ते कार्यकर्ते आपल्या मंडळातील इतर स्वयंसेवक, कार्यकर्त्यांनाही प्रशिक्षित करू शकतात. मुंबई पोलिसांनी यासंदर्भात काही लघुपट तयार केले आहेत. ते या प्रशिक्षणाच्या वेळी दाखवण्यात येणार आहेत. हे लघुपट नंतर मंडळेही दाखवू शकतात. त्यामुळे नागरिकांमध्ये जागरुकता निर्माण होईल. यासाठी दोन ते तीन टीम तयार करण्यात आल्या असून, शनिवारपासून या प्रशिक्षणाला सुरुवात होण्याची शक्यता आहे, असा अंदाज चव्हाण यांनी वर्तवला. पोलिस ठाण्यांचे हॉल, शांतता समिती, मोहल्ला समिती यांच्या बैठका ज्या हॉलमध्ये होतात तिथे हे मार्गदर्शन सत्र चालेल. मुंबईतील सुमारे सात ते आठ हजार मंडळातील कार्यकर्त्यांना हे प्रशिक्षण देऊन दक्ष राहण्यासाठी तयार करण्यात येणार आहे.