खास प्रतिनिधी, मुंबई
एल्फिन्स्टन रोड पुलावरील दुर्घटनेने खडबडून जागे झालेल्या रेल्वे मंत्रालयाने मुंबईकरांच्या दुर्लक्षित मागण्यांकडे अखेरीस लक्ष देण्यास सुरुवात केली आहे. सुरक्षित प्रवास देण्यासाठी पादचारी पूल, सरकते जिने, लिफ्ट तसेच वातानुकूलित लोकल वाढविण्यासह विविध प्रकल्पांची पेरणी त्यात केली आहे. नव्या वर्षात त्यातील अनेक प्रकल्प पूर्ण करण्याचे नियोजन रेल्वेने केले आहे.
पश्चिम, मध्य, हार्बर मार्गावरील ३० स्थानकांमधील पादचारी पुलांची उभारणी मुंबई रेल्वे विकास महामंडळातर्फे (एमआरव्हीसी) केली जाणार असून त्यातील काही पुलांसाठी एक वर्ष तर काहींसाठी १८ महिन्यांचा कालावधी ठरविण्यात आला आहे. महामंडळातर्फे बांधल्या जाणाऱ्या पुलांसाठी ९२ कोटी रु.खर्च अपेक्षित आहे. लष्कराच्या बॉम्बे सॅपर्स इंजिनीअरिंग ग्रुपतर्फे परळ-एल्फिन्स्टन रोड जोड, आंबिवली, करी रोड इथले पादचारी पूल जानेवारी अखेरपर्यंत सेवेत येणार आहेत.
२४५ कोटींचा प्रकल्प
पश्चिम रेल्वेतर्फे सुमारे २४५ कोटी रुपये खर्चून चर्चगेट ते विरारपर्यंत १२ नवीन पादचारी पूल उभारण्यात येणार असून १७ पुलांची पुनर्बांधणी होणार आहे. त्यात मुंबई पालिकेच्या सहाय्याने सात आणि रेल्वेतर्फे २९ अशा एकूण ३६ पुलांसाठी निधी राखीव ठेवण्यात आला आहे.
पश्चिम रेल्वे
मरीन लाइन्स, चर्नी रोड, ग्रँट रोड, मुंबई सेंट्रल (दोन), सांताक्रूझ, अंधेरी, गोरेगाव, नायगाव, वसई, नालासोपारा, ग्रँट रोड, महालक्ष्मी, माहीम, विलेपार्ले, जोगेश्वरी.
मध्य आणि हार्बर
दादर, मुलुंड, विक्रोळी, टिटवाळा, आटगाव, उल्हासनगर, कसारा, आंबिवली, वासिंद, वडाळा, गोवंडी, टिळकनगर, करी रोड, चिंचपोकळी.
३१८ एटीव्हीएम मशिन्स
मध्य रेल्वेवर पुढील वर्षात नवीन ३१८ एटीव्हीएम मशिन्स येतील. एका वर्षात ६६ सरकते जिने बसविण्याचे लक्ष्य ठेवण्यात आले आहे. ज्येष्ठ नागरिक, दिव्यांग प्रवाशांसाठी ३३ लिफ्टचाही समावेश करण्यात आला आहे. पादचारी पूल नागपूर, पुणे, सोलापूर, भुसावळ येथेही बांधले जाणार आहेत.
डब्यांमध्ये सीसीटीव्ही
पश्चिम आणि मध्य रेल्वेवर पुढील कालावधीत सेवेत येणाऱ्या लोकलमध्ये सीसीटीव्ही कॅमेऱ्यांचे जाळे बसविण्यात येणार आहे. महिलांच्या डब्यात आपत्कालीन स्थितीत मदतीसाठी टॉकबॅक यंत्रणाही अंतर्भूत होणार आहे.
सप्टेंबरमध्ये नवीन एसी लोकल!
पश्चिम रेल्वेवर डिसेंबरमध्ये पहिली एसी लोकल सुरू झाली. प्रवाशांच्या सूचनेनुसार त्यात बदल केले जाणार असून ही नवीन लोकल सप्टेंबरमध्ये सामील होण्याची घोषणा करण्यात आली आहे. या लोकलमध्ये सीसीटीव्ही कॅमेऱ्यांसह फर्स्ट क्लासप्रमाणे आसने असतील.
०००००००००००००००
एल्फिन्स्टन रोड पुलावरील दुर्घटनेने खडबडून जागे झालेल्या रेल्वे मंत्रालयाने मुंबईकरांच्या दुर्लक्षित मागण्यांकडे अखेरीस लक्ष देण्यास सुरुवात केली आहे. सुरक्षित प्रवास देण्यासाठी पादचारी पूल, सरकते जिने, लिफ्ट तसेच वातानुकूलित लोकल वाढविण्यासह विविध प्रकल्पांची पेरणी त्यात केली आहे. नव्या वर्षात त्यातील अनेक प्रकल्प पूर्ण करण्याचे नियोजन रेल्वेने केले आहे.
पश्चिम, मध्य, हार्बर मार्गावरील ३० स्थानकांमधील पादचारी पुलांची उभारणी मुंबई रेल्वे विकास महामंडळातर्फे (एमआरव्हीसी) केली जाणार असून त्यातील काही पुलांसाठी एक वर्ष तर काहींसाठी १८ महिन्यांचा कालावधी ठरविण्यात आला आहे. महामंडळातर्फे बांधल्या जाणाऱ्या पुलांसाठी ९२ कोटी रु.खर्च अपेक्षित आहे. लष्कराच्या बॉम्बे सॅपर्स इंजिनीअरिंग ग्रुपतर्फे परळ-एल्फिन्स्टन रोड जोड, आंबिवली, करी रोड इथले पादचारी पूल जानेवारी अखेरपर्यंत सेवेत येणार आहेत.
२४५ कोटींचा प्रकल्प
पश्चिम रेल्वेतर्फे सुमारे २४५ कोटी रुपये खर्चून चर्चगेट ते विरारपर्यंत १२ नवीन पादचारी पूल उभारण्यात येणार असून १७ पुलांची पुनर्बांधणी होणार आहे. त्यात मुंबई पालिकेच्या सहाय्याने सात आणि रेल्वेतर्फे २९ अशा एकूण ३६ पुलांसाठी निधी राखीव ठेवण्यात आला आहे.
पश्चिम रेल्वे
मरीन लाइन्स, चर्नी रोड, ग्रँट रोड, मुंबई सेंट्रल (दोन), सांताक्रूझ, अंधेरी, गोरेगाव, नायगाव, वसई, नालासोपारा, ग्रँट रोड, महालक्ष्मी, माहीम, विलेपार्ले, जोगेश्वरी.
मध्य आणि हार्बर
दादर, मुलुंड, विक्रोळी, टिटवाळा, आटगाव, उल्हासनगर, कसारा, आंबिवली, वासिंद, वडाळा, गोवंडी, टिळकनगर, करी रोड, चिंचपोकळी.
३१८ एटीव्हीएम मशिन्स
मध्य रेल्वेवर पुढील वर्षात नवीन ३१८ एटीव्हीएम मशिन्स येतील. एका वर्षात ६६ सरकते जिने बसविण्याचे लक्ष्य ठेवण्यात आले आहे. ज्येष्ठ नागरिक, दिव्यांग प्रवाशांसाठी ३३ लिफ्टचाही समावेश करण्यात आला आहे. पादचारी पूल नागपूर, पुणे, सोलापूर, भुसावळ येथेही बांधले जाणार आहेत.
डब्यांमध्ये सीसीटीव्ही
पश्चिम आणि मध्य रेल्वेवर पुढील कालावधीत सेवेत येणाऱ्या लोकलमध्ये सीसीटीव्ही कॅमेऱ्यांचे जाळे बसविण्यात येणार आहे. महिलांच्या डब्यात आपत्कालीन स्थितीत मदतीसाठी टॉकबॅक यंत्रणाही अंतर्भूत होणार आहे.
सप्टेंबरमध्ये नवीन एसी लोकल!
पश्चिम रेल्वेवर डिसेंबरमध्ये पहिली एसी लोकल सुरू झाली. प्रवाशांच्या सूचनेनुसार त्यात बदल केले जाणार असून ही नवीन लोकल सप्टेंबरमध्ये सामील होण्याची घोषणा करण्यात आली आहे. या लोकलमध्ये सीसीटीव्ही कॅमेऱ्यांसह फर्स्ट क्लासप्रमाणे आसने असतील.
०००००००००००००००