म. टा. खास प्रतिनिधी, मुंबई
मध्य रेल्वेच्या सीएसएमटी स्थानकात गर्दीचा फायदा घेत तरुणीच्या विनयभंगाचा प्रयत्न करणाऱ्या एकाला पकडण्यात ही तरुणी व तिच्या मैत्रिणीने दाखवलेल्या प्रसंगावधानामुळे यश आल्याची घटना सोमवारी घडली. विनयभंगाचा प्रयत्न करून पळून गेलेल्या टोळक्यातील अन्य सदस्यांचा शोध घेतला जात आहे.
सीएसएमटी येथून पनवेलच्या दिशेने जाणारी हार्बर लोकल पकडण्यासाठी प्लॅटफॉर्म क्रमांक दोनवर दोघी मैत्रिणी सायंकाळी साडेसहा वाजण्याच्या सुमारास पोहोचल्या. तेथील लोकल प्लॅटफॉर्म क्रमांक एकवर येत असल्याची घोषणा झाल्यावर या दोघीही त्या प्लॅटफॉर्मवर येण्यास वळल्या. यावेळी प्रचंड गर्दी असल्याने तरुणींच्या मागे असलेल्या टोळक्यातील दोघांनी एका तरुणीच्या विनयभंगाचा प्रयत्न केला. ते पाहून तिच्या मैत्रिणीने पोलिसांना मदतीसाठी बोलावले. या तरुणीने धाडसाने टोळक्यातील एका तरुणाचा हात पकडला. मात्र गर्दीचा फायदा घेउन त्याच्यासह अन्य तिघे पळून गेले. मात्र चौथ्या तरुणाची मानगूट पकडण्यात पोलिस यशस्वी ठरले.
या तरुणास सीएसएमटी रेल्वे पोलिस ठाण्यात नेण्यात आले. तिथे त्याने अन्य आरोपींना ओळखत नसल्याचे प्रारंभी सांगितले. मात्र पोलिस खाक्या मिळताच त्याने कबुली दिली. त्याच्याविरोधात गुन्हा नोंदवण्यात आला असून अन्य तिघांचा शोध सुरू आहे.
मध्य रेल्वेच्या सीएसएमटी स्थानकात गर्दीचा फायदा घेत तरुणीच्या विनयभंगाचा प्रयत्न करणाऱ्या एकाला पकडण्यात ही तरुणी व तिच्या मैत्रिणीने दाखवलेल्या प्रसंगावधानामुळे यश आल्याची घटना सोमवारी घडली. विनयभंगाचा प्रयत्न करून पळून गेलेल्या टोळक्यातील अन्य सदस्यांचा शोध घेतला जात आहे.
सीएसएमटी येथून पनवेलच्या दिशेने जाणारी हार्बर लोकल पकडण्यासाठी प्लॅटफॉर्म क्रमांक दोनवर दोघी मैत्रिणी सायंकाळी साडेसहा वाजण्याच्या सुमारास पोहोचल्या. तेथील लोकल प्लॅटफॉर्म क्रमांक एकवर येत असल्याची घोषणा झाल्यावर या दोघीही त्या प्लॅटफॉर्मवर येण्यास वळल्या. यावेळी प्रचंड गर्दी असल्याने तरुणींच्या मागे असलेल्या टोळक्यातील दोघांनी एका तरुणीच्या विनयभंगाचा प्रयत्न केला. ते पाहून तिच्या मैत्रिणीने पोलिसांना मदतीसाठी बोलावले. या तरुणीने धाडसाने टोळक्यातील एका तरुणाचा हात पकडला. मात्र गर्दीचा फायदा घेउन त्याच्यासह अन्य तिघे पळून गेले. मात्र चौथ्या तरुणाची मानगूट पकडण्यात पोलिस यशस्वी ठरले.
या तरुणास सीएसएमटी रेल्वे पोलिस ठाण्यात नेण्यात आले. तिथे त्याने अन्य आरोपींना ओळखत नसल्याचे प्रारंभी सांगितले. मात्र पोलिस खाक्या मिळताच त्याने कबुली दिली. त्याच्याविरोधात गुन्हा नोंदवण्यात आला असून अन्य तिघांचा शोध सुरू आहे.