मटा ऑनलाइन वृत्त | मुंबई
कथ्थक नृत्याच्या माध्यमातून तब्बल सहा दशकांहून अधिक काळ नटराजाची आराधना करणाऱ्या ज्येष्ठ नृत्यांगना सितारा देवी यांना गुगलनं एका खास डुडलद्वारे अभिवादन केलंय. सितारा देवी यांच्या जयंतीनिमित्त गुगलनं त्यांचं डुडल साकारलंय.
कोलकातामधील प्रसिद्ध नर्तक सुखदेव महाराज यांच्या घराण्यात ८ नोव्हेंबर १९२० रोजी सितारा देवींचा जन्म झाला. वयाच्या ११व्या वर्षापासूनच सितारा देवी कथ्थकचे स्वतंत्र कार्यक्रम करू लागल्या. लहान वयात सितारा देवींची कथ्थक नृत्यावर मिळविलेली हुकूमत पाहून खुद्द रवींद्रनाथ टागोरही भारावून गेले होते. त्यांनी सितारा देवी यांना ‘नृत्यसम्राज्ञी’ अशी उपाधी दिली. संगीत नाटक अकादमी, कालिदास सन्मान यांसारख्या प्रतिष्ठेच्या पुरस्कारांनी त्यांच्या नृत्यसेवेचा गौरव करण्यात आला होता. १९७३मध्ये त्यांना पद्म पुरस्कार जाहीर झाला होता. मात्र, त्यांनी तो नाकारला होता. आपल्याला 'भारतरत्न' मिळावं अशी त्यांची अपेक्षा होती.
संपूर्ण आयुष्य नृत्यसेवेसाठी समर्पित करणाऱ्या सितारा देवींनी अनेक चित्रपटांमध्येही कामही केलं होतं. बॉलिवूडच्या अनेक अभिनेत्रींना नृत्याचं प्रशिक्षण दिलं. मधुबाला, रेखा, माला सिन्हा आणि काजोल यांसारख्या अभिनेत्रींनी त्यांच्याकडून कथ्थकचे धडे गिरवले. वयाच्या ९४व्या वर्षी मुंबईतील जसलोक रुग्णालयात उपचारादरम्यान त्यांचं निधन झालं.
कथ्थक नृत्याच्या माध्यमातून तब्बल सहा दशकांहून अधिक काळ नटराजाची आराधना करणाऱ्या ज्येष्ठ नृत्यांगना सितारा देवी यांना गुगलनं एका खास डुडलद्वारे अभिवादन केलंय. सितारा देवी यांच्या जयंतीनिमित्त गुगलनं त्यांचं डुडल साकारलंय.
कोलकातामधील प्रसिद्ध नर्तक सुखदेव महाराज यांच्या घराण्यात ८ नोव्हेंबर १९२० रोजी सितारा देवींचा जन्म झाला. वयाच्या ११व्या वर्षापासूनच सितारा देवी कथ्थकचे स्वतंत्र कार्यक्रम करू लागल्या. लहान वयात सितारा देवींची कथ्थक नृत्यावर मिळविलेली हुकूमत पाहून खुद्द रवींद्रनाथ टागोरही भारावून गेले होते. त्यांनी सितारा देवी यांना ‘नृत्यसम्राज्ञी’ अशी उपाधी दिली. संगीत नाटक अकादमी, कालिदास सन्मान यांसारख्या प्रतिष्ठेच्या पुरस्कारांनी त्यांच्या नृत्यसेवेचा गौरव करण्यात आला होता. १९७३मध्ये त्यांना पद्म पुरस्कार जाहीर झाला होता. मात्र, त्यांनी तो नाकारला होता. आपल्याला 'भारतरत्न' मिळावं अशी त्यांची अपेक्षा होती.
संपूर्ण आयुष्य नृत्यसेवेसाठी समर्पित करणाऱ्या सितारा देवींनी अनेक चित्रपटांमध्येही कामही केलं होतं. बॉलिवूडच्या अनेक अभिनेत्रींना नृत्याचं प्रशिक्षण दिलं. मधुबाला, रेखा, माला सिन्हा आणि काजोल यांसारख्या अभिनेत्रींनी त्यांच्याकडून कथ्थकचे धडे गिरवले. वयाच्या ९४व्या वर्षी मुंबईतील जसलोक रुग्णालयात उपचारादरम्यान त्यांचं निधन झालं.