मुंबई: मुख्यमंत्री एकनाथ शिंदे हे शनिवारी आपल्या गटाचे ४० आमदार आणि अपक्षांसह गुवाहाटीला रवाना होत आहेत. कामाख्या देवीचे दर्शन घेण्यासाठी हा दौरा आयोजित करण्यात आला आहे. सकाळी ९.३० वाजता शिंदे गटाचे आमदार मुख्यमंत्र्यांसह गुवाहाटीच्या दिशेने रवाना होतील. यानिमित्ताने मुंबई विमानतळावर दाखल होत असलेल्या शिंदे गटाच्या आमदारांमध्ये सध्या चांगलाच उत्साह दिसत आहे. गेल्या काही दिवसांमधील मुख्यमंत्री एकनाथ शिंदे यांचे धार्मिक दौरे हे सातत्याने चर्चेचा विषय ठरत आहेत. अलीकडेच त्यांनी नाशिकमध्ये एका ज्योतिषाला हात दाखवून भविष्य जाणून घेतल्याची चर्चा होती. त्यानंतर आता शिंदे गटाचे आमदार शहाजीबापू पाटील यांनी आणखी एक गौप्यस्फोट केला आहे.
शिंदे गटातील 'हे' पाच आमदार गुवाहाटीला जाणार नाहीत; नक्की काय घडलं?
शिंदे गटाचे सर्व आमदार आणि खासदार हे गुवाहाटीला जाणार असल्याचे सांगण्यात येत होते. मात्र, नव्याने समोर आलेल्या माहितीनुसार, शिंदे गटाचे पाच आमदार हे गुवाहाटीला कामाख्या देवीच्या दर्शनाला जाणार नसल्याचे स्पष्ट झाले आहे. यामध्ये चंद्रकांत पाटील, अब्दुल सत्तार, गुलाबराव पाटील, तानाजी सावंत, महेंद्र दळवी आणि संजय गायकवाड यांचा समावेश आहे. मतदारसंघातील पूर्वनियोजित कामांमुळे आपण गुवाहाटीला जाणार नसल्याचे संबंधित आमदारांनी स्पष्ट केले आहे.
मुख्यंत्र्यांनी मिरगावमध्ये हात दाखवून भविष्य पाहिल्याची चर्चा
मुख्यमंत्री एकनाथ शिंदे दोन दिवसांपूर्वी शिर्डीला साईबाबांच्या दर्शनाला गेले होते. त्यानंतर मुख्यमंत्र्यांच्या शासकीय दौऱ्यानुसार ते मुंबईकडे रवाना होणार होते. मात्र अचानक त्यांचा ताफा नाशिक जिल्ह्यातील सिन्नर तालुक्यातील मिरगावच्या दिशेने रवाना झाला. या कार्यक्रमाबद्दल अत्यंत गोपनीयता बाळगण्यात आली होती. याठिकाणी एकनाथ शिंदे यांनी एका ज्योतिषाला भेटून भविष्य जाणून घेतल्याची चर्चा आहे. यावरुन महाराष्ट्राच्या राजकीय वर्तुळात बरीच चर्चाही झाली होती.
राष्ट्रवादी काँग्रेसचे सर्वेसर्वा शरद पवार यांनी या मुद्द्यावरुन मुख्यमंत्री एकनाथ शिंदे यांना टोलाही लगावला होता.दैनंदिन काम सोडून देवदर्शन करणे आणि ज्योतिषाला हात दाखवणे, ही म्हणजे आत्मविश्वासा धक्का बसल्याची लक्षणे आहेत. जेव्हा आत्मविश्वास डळमळीत होतो तेव्हा लोक अशा गोष्टींकडे वळतात, अशी टिप्पणी शरद पवार यांनी केली होती.
शिंदे गटातील 'हे' पाच आमदार गुवाहाटीला जाणार नाहीत; नक्की काय घडलं?
शिंदे गटाचे सर्व आमदार आणि खासदार हे गुवाहाटीला जाणार असल्याचे सांगण्यात येत होते. मात्र, नव्याने समोर आलेल्या माहितीनुसार, शिंदे गटाचे पाच आमदार हे गुवाहाटीला कामाख्या देवीच्या दर्शनाला जाणार नसल्याचे स्पष्ट झाले आहे. यामध्ये चंद्रकांत पाटील, अब्दुल सत्तार, गुलाबराव पाटील, तानाजी सावंत, महेंद्र दळवी आणि संजय गायकवाड यांचा समावेश आहे. मतदारसंघातील पूर्वनियोजित कामांमुळे आपण गुवाहाटीला जाणार नसल्याचे संबंधित आमदारांनी स्पष्ट केले आहे.
मुख्यंत्र्यांनी मिरगावमध्ये हात दाखवून भविष्य पाहिल्याची चर्चा
मुख्यमंत्री एकनाथ शिंदे दोन दिवसांपूर्वी शिर्डीला साईबाबांच्या दर्शनाला गेले होते. त्यानंतर मुख्यमंत्र्यांच्या शासकीय दौऱ्यानुसार ते मुंबईकडे रवाना होणार होते. मात्र अचानक त्यांचा ताफा नाशिक जिल्ह्यातील सिन्नर तालुक्यातील मिरगावच्या दिशेने रवाना झाला. या कार्यक्रमाबद्दल अत्यंत गोपनीयता बाळगण्यात आली होती. याठिकाणी एकनाथ शिंदे यांनी एका ज्योतिषाला भेटून भविष्य जाणून घेतल्याची चर्चा आहे. यावरुन महाराष्ट्राच्या राजकीय वर्तुळात बरीच चर्चाही झाली होती.
राष्ट्रवादी काँग्रेसचे सर्वेसर्वा शरद पवार यांनी या मुद्द्यावरुन मुख्यमंत्री एकनाथ शिंदे यांना टोलाही लगावला होता.दैनंदिन काम सोडून देवदर्शन करणे आणि ज्योतिषाला हात दाखवणे, ही म्हणजे आत्मविश्वासा धक्का बसल्याची लक्षणे आहेत. जेव्हा आत्मविश्वास डळमळीत होतो तेव्हा लोक अशा गोष्टींकडे वळतात, अशी टिप्पणी शरद पवार यांनी केली होती.