म. टा. विशेष प्रतिनिधी, मुंबई
मुस्लीम समाजातील तिहेरी तलाकच्या प्रश्नावर आधारित मराठी चित्रपट ‘हलाल’च्या प्रदर्शनाचा मार्ग गुरुवारी मोकळा झाला. या चित्रपटाच्या प्रदर्शनाला स्थगिती देण्यास मुंबई उच्च न्यायालयाने नकार दिल्याने आज, शुक्रवारी तो प्रदर्शित होणार आहे.
या चित्रपटाविरोधात एक फौजदारी जनहित याचिका करण्यात आली आहे. शिवाजी लोटण-पाटील दिग्दर्शित ‘हलाल’ चित्रपटात मुस्लीम समाजाचे चुकीचे चित्रण करण्यात आले आहे. अभ्यास न करता आणि कुराणातील खऱ्या बाबी न तपासताच चुकीच्या माहितीच्या आधारे हा चित्रपट तयार करण्यात आला आहे, असा आरोप याचिकेत करण्यात आला आहे. याविषयी न्या. भूषण गवई व न्या. संदीप शिंदे यांच्या खंडपीठासमोर प्राथमिक सुनावणी झाली असता याचिकादारांतर्फे चित्रपटाच्या प्रदर्शना स्थगिती देण्याची विनंती करण्यात आली. मात्र, खंडपीठाने स्थगिती देण्यास नकार दिला.
मुस्लीम समाजातील तिहेरी तलाकच्या प्रश्नावर आधारित मराठी चित्रपट ‘हलाल’च्या प्रदर्शनाचा मार्ग गुरुवारी मोकळा झाला. या चित्रपटाच्या प्रदर्शनाला स्थगिती देण्यास मुंबई उच्च न्यायालयाने नकार दिल्याने आज, शुक्रवारी तो प्रदर्शित होणार आहे.
या चित्रपटाविरोधात एक फौजदारी जनहित याचिका करण्यात आली आहे. शिवाजी लोटण-पाटील दिग्दर्शित ‘हलाल’ चित्रपटात मुस्लीम समाजाचे चुकीचे चित्रण करण्यात आले आहे. अभ्यास न करता आणि कुराणातील खऱ्या बाबी न तपासताच चुकीच्या माहितीच्या आधारे हा चित्रपट तयार करण्यात आला आहे, असा आरोप याचिकेत करण्यात आला आहे. याविषयी न्या. भूषण गवई व न्या. संदीप शिंदे यांच्या खंडपीठासमोर प्राथमिक सुनावणी झाली असता याचिकादारांतर्फे चित्रपटाच्या प्रदर्शना स्थगिती देण्याची विनंती करण्यात आली. मात्र, खंडपीठाने स्थगिती देण्यास नकार दिला.