…आणि हनुमान मंदिर वाचले!
शिवडीतील कलेश्वरनाथ हनुमान मंदिराला पालिकेने अखेर ‘अ’ दर्जा दिला आहे. त्यामुळे मंदिरावरील कारवाई थांबवून कागदोपत्री पुराव्याच्या आधारे मंदिराला मान्यता देण्यात आली आहे.
Maharashtra Times 15 Apr 2017, 4:00 am
म. टा. खास प्रतिनिधी, मुंबई
शिवडीतील कलेश्वरनाथ हनुमान मंदिराला पालिकेने अखेर ‘अ’ दर्जा दिला आहे. त्यामुळे मंदिरावरील कारवाई थांबवून कागदोपत्री पुराव्याच्या आधारे मंदिराला मान्यता देण्यात आली आहे.
कलेश्वरनाथ हनुमान मंदिर १९४० साली बांधले असून पालिकेने काही दिवसांपूर्वी ते अवैध ठरवून पाडण्याची नोटीस दिली होती. त्यामुळे शिवडी भागात तणावाचे वातावरण पसरले होते. मंदिराला मान्यता देण्याबाबत परळ येथील एफ दक्षिण कार्यालयात झालेल्या सुनावणीत सादर केलेल्या कागदपत्रांच्या आधारे हनुमान मंदिराचे ‘अ’ वर्गात वर्गीकरण करण्यात आले आहे. राज्य सरकारच्या ५ मे २०११ रोजीच्या निर्णयानुसार हे मंदिर नियमित करण्याबाबत योग्य ती कारवाई करण्यात येईल, असे येथील शिवसेनेचे नगरसेवक सचिन पडवळ यांना एफ-दक्षिण विभागाचे सहाय्यक आयुक्त विश्वास मोटे यांनी पत्राद्वारे कळवले आहे.
पवईच्या हनुमान मंदिरही वाचणार?
पवई आयआयटीसमोरील रस्त्याच्या मधोमध जुने हनुमान मंदिर असल्याचा दावा करत पालिकेने हनुमान जयंतीच्या दिवशी हे मंदिर पाडण्याची कारवाई करण्याचे निश्चित केले होते. मात्र मंदिर ट्रस्ट आणि भाविकांकडून विरोध झाल्याने कारवाई झाली नाही. मंदिराच्या अधिकृततेबाबतचा कायदेशीर दावा उच्च न्यायालयात सुरू आहे. यासंबंधी महापौरांच्या दालनात बैठक झाली. मंदिराच्या अधिकृततेबाबत कागदपत्रे सादर करण्यात आल्याचे कळते. यामुळे या मंदिरावरील पाडकामाची कारवाईही टळण्याची शक्यता आहे.
शिवडीतील कलेश्वरनाथ हनुमान मंदिराला पालिकेने अखेर ‘अ’ दर्जा दिला आहे. त्यामुळे मंदिरावरील कारवाई थांबवून कागदोपत्री पुराव्याच्या आधारे मंदिराला मान्यता देण्यात आली आहे.
कलेश्वरनाथ हनुमान मंदिर १९४० साली बांधले असून पालिकेने काही दिवसांपूर्वी ते अवैध ठरवून पाडण्याची नोटीस दिली होती. त्यामुळे शिवडी भागात तणावाचे वातावरण पसरले होते. मंदिराला मान्यता देण्याबाबत परळ येथील एफ दक्षिण कार्यालयात झालेल्या सुनावणीत सादर केलेल्या कागदपत्रांच्या आधारे हनुमान मंदिराचे ‘अ’ वर्गात वर्गीकरण करण्यात आले आहे. राज्य सरकारच्या ५ मे २०११ रोजीच्या निर्णयानुसार हे मंदिर नियमित करण्याबाबत योग्य ती कारवाई करण्यात येईल, असे येथील शिवसेनेचे नगरसेवक सचिन पडवळ यांना एफ-दक्षिण विभागाचे सहाय्यक आयुक्त विश्वास मोटे यांनी पत्राद्वारे कळवले आहे.
पवईच्या हनुमान मंदिरही वाचणार?
पवई आयआयटीसमोरील रस्त्याच्या मधोमध जुने हनुमान मंदिर असल्याचा दावा करत पालिकेने हनुमान जयंतीच्या दिवशी हे मंदिर पाडण्याची कारवाई करण्याचे निश्चित केले होते. मात्र मंदिर ट्रस्ट आणि भाविकांकडून विरोध झाल्याने कारवाई झाली नाही. मंदिराच्या अधिकृततेबाबतचा कायदेशीर दावा उच्च न्यायालयात सुरू आहे. यासंबंधी महापौरांच्या दालनात बैठक झाली. मंदिराच्या अधिकृततेबाबत कागदपत्रे सादर करण्यात आल्याचे कळते. यामुळे या मंदिरावरील पाडकामाची कारवाईही टळण्याची शक्यता आहे.