- महेश चेमटे, मुंबई:
हार्बर मार्गावरील प्रवाशांना कोंदट लोकलपासून मुक्ती मिळवून देण्यासाठी रेट्रोफिटेड अर्थात जुन्या लोकल हद्दपार करून त्या जागी नवीन हवेशीर लोकल दाखल करण्याचा निर्णय मध्य रेल्वेने घेतला आहे. मे अखेरीस हार्बर मार्गावर जुन्या लोकलऐवजी सिमेन्स कंपनीच्या लोकल चालवण्यात येणार असल्याने प्रवास सुसह्य व वेगवानही होणार आहे.
मध्य रेल्वेसाठी १० बम्बार्डिअर लोकल रेल्वे बोर्डाने मंजूर केल्या आहेत. चेन्नईस्थित इंटिग्रल कोच फॅक्टरीमध्ये (आयसीएफ) या लोकलच्या बांधणीचे काम वेगाने होत आहे. यापैकी नवीन तीन बम्बार्डिअर लोकल मध्य रेल्वेच्या ताफ्यात आल्या असून, येत्या आठवडाभरात आणखी एक लोकल मध्य रेल्वेला मिळणार आहे. बम्बार्डिअर लोकल मध्य रेल्वेवरील सीएसटी-कल्याण अशा मुख्य मार्गावर चालवून, येथील सिमेन्स बनावटीच्या लोकल हार्बर मार्गावर वळवण्यात येतील, अशी माहिती रेल्वेच्या वरिष्ठ अधिकाऱ्यांनी दिली.
छत्रपती शिवाजी महाराज टर्मिनस ते वाशी/पनवेल मार्गावर तपकिरी (चॉकलेटी) रंगाच्या लोकल धावत आहेत. या लोकलची बांधणी जुन्या पद्धतीची असल्याने या लोकलमध्ये हवा खेळती राहत नाही. आसनांचा आकारही कमी असल्याने या लोकलमधून उभे राहून प्रवास करणेही त्रासदायक ठरते. या लोकलचा ताशी वेग ६० ते ८० किमी आहे. सिमेन्स लोकलची बांधणी आधुनिक पद्धतीने असल्यामुळे खिडक्या आणि दरवाजे मोठ्या आकाराचे आहेत. त्याचबरोबर या लोकलमध्ये हवा खेळती राहते. सगळ्यात महत्त्वाचे म्हणजे या लोकल ताशी ८० ते १०० किमी वेगाने धावत असल्यामुळे हार्बर मार्गावरील प्रवाशांची हवेशीर आणि वेगवान प्रवासाची मागणीही पूर्ण होणार आहे.
फेऱ्या वाढवण्याचाही प्रयत्न
मध्य रेल्वेवर मार्चअखेर एक वातानुकूलित लोकल दाखल होईल. मुख्य मार्गावरील एक लोकल कमी करून त्या जागेवर एसी लोकल सुरू करण्यात येणार आहे. यामुळे आणखी एक रेक उपलब्ध होणार आहे. सद्यस्थितीत मध्य रेल्वेच्या ताफ्यात ११३ सिमेन्स, २४ बम्बार्डिअर आणि १२ रेट्रोफिटेड रेक आहेत. १० लोकलच्या समावेशामुळे मध्य रेल्वेवरील बम्बार्डिअर लोकलची संख्या ३४ होणार आहे. सध्या हार्बर मार्गावर ८ रेट्रो रेक धावत आहेत. दिवसभरात एक रेक साधारणपणे १० फेऱ्या पूर्ण करतात. हार्बर मार्गावर सिमेन्स बनावटीचे रेक दाखल केल्यानंतर दोन स्थानकांमधील अंतर कमी वेळात पार करणे शक्य होईल. यामुळे वेळापत्रकाची चाचपणी करून फेऱ्या वाढवण्याचे नियोजन असल्याचे रेल्वेच्या वरिष्ठ अधिकाऱ्यांनी सांगितले.
हार्बर मार्गावरील प्रवाशांना कोंदट लोकलपासून मुक्ती मिळवून देण्यासाठी रेट्रोफिटेड अर्थात जुन्या लोकल हद्दपार करून त्या जागी नवीन हवेशीर लोकल दाखल करण्याचा निर्णय मध्य रेल्वेने घेतला आहे. मे अखेरीस हार्बर मार्गावर जुन्या लोकलऐवजी सिमेन्स कंपनीच्या लोकल चालवण्यात येणार असल्याने प्रवास सुसह्य व वेगवानही होणार आहे.
मध्य रेल्वेसाठी १० बम्बार्डिअर लोकल रेल्वे बोर्डाने मंजूर केल्या आहेत. चेन्नईस्थित इंटिग्रल कोच फॅक्टरीमध्ये (आयसीएफ) या लोकलच्या बांधणीचे काम वेगाने होत आहे. यापैकी नवीन तीन बम्बार्डिअर लोकल मध्य रेल्वेच्या ताफ्यात आल्या असून, येत्या आठवडाभरात आणखी एक लोकल मध्य रेल्वेला मिळणार आहे. बम्बार्डिअर लोकल मध्य रेल्वेवरील सीएसटी-कल्याण अशा मुख्य मार्गावर चालवून, येथील सिमेन्स बनावटीच्या लोकल हार्बर मार्गावर वळवण्यात येतील, अशी माहिती रेल्वेच्या वरिष्ठ अधिकाऱ्यांनी दिली.
छत्रपती शिवाजी महाराज टर्मिनस ते वाशी/पनवेल मार्गावर तपकिरी (चॉकलेटी) रंगाच्या लोकल धावत आहेत. या लोकलची बांधणी जुन्या पद्धतीची असल्याने या लोकलमध्ये हवा खेळती राहत नाही. आसनांचा आकारही कमी असल्याने या लोकलमधून उभे राहून प्रवास करणेही त्रासदायक ठरते. या लोकलचा ताशी वेग ६० ते ८० किमी आहे. सिमेन्स लोकलची बांधणी आधुनिक पद्धतीने असल्यामुळे खिडक्या आणि दरवाजे मोठ्या आकाराचे आहेत. त्याचबरोबर या लोकलमध्ये हवा खेळती राहते. सगळ्यात महत्त्वाचे म्हणजे या लोकल ताशी ८० ते १०० किमी वेगाने धावत असल्यामुळे हार्बर मार्गावरील प्रवाशांची हवेशीर आणि वेगवान प्रवासाची मागणीही पूर्ण होणार आहे.
फेऱ्या वाढवण्याचाही प्रयत्न
मध्य रेल्वेवर मार्चअखेर एक वातानुकूलित लोकल दाखल होईल. मुख्य मार्गावरील एक लोकल कमी करून त्या जागेवर एसी लोकल सुरू करण्यात येणार आहे. यामुळे आणखी एक रेक उपलब्ध होणार आहे. सद्यस्थितीत मध्य रेल्वेच्या ताफ्यात ११३ सिमेन्स, २४ बम्बार्डिअर आणि १२ रेट्रोफिटेड रेक आहेत. १० लोकलच्या समावेशामुळे मध्य रेल्वेवरील बम्बार्डिअर लोकलची संख्या ३४ होणार आहे. सध्या हार्बर मार्गावर ८ रेट्रो रेक धावत आहेत. दिवसभरात एक रेक साधारणपणे १० फेऱ्या पूर्ण करतात. हार्बर मार्गावर सिमेन्स बनावटीचे रेक दाखल केल्यानंतर दोन स्थानकांमधील अंतर कमी वेळात पार करणे शक्य होईल. यामुळे वेळापत्रकाची चाचपणी करून फेऱ्या वाढवण्याचे नियोजन असल्याचे रेल्वेच्या वरिष्ठ अधिकाऱ्यांनी सांगितले.