मुंबई: चेंबुर येथे सिग्नल यंत्रणेत बिघाड झाल्याने हार्बर मार्गावरील अप आणि डाऊन मार्गावरील रेल्वे वाहतूक विस्कळीत झाली आहे. ऐन गर्दीच्यावेळीच लोकलचा खोळंबा झाल्याने प्रवाशांना मनस्तापाला सामोरे जावे लागत आहे.
सकाळी पावणे सातच्या सुमारास चेंबुर येथे सिग्नलमध्ये बिघाड झाली. त्यामुळे वाशीवरून छत्रपती शिवाजी टर्मिनस आणि पनवेलकडे जाणाऱ्या लोकलचा खोळंबा झाला. हार्बरमार्गावरील वाहतूक सुमारे अर्धा तास उशिराने धावत असल्याचं सूत्रांनी सांगितलं. दरम्यान, सिग्नलमधील बिघाड दुरुस्त करण्याचं काम सुरू असल्याचं मध्य रेल्वेनं स्पष्ट केलं. दरम्यान, आठवड्याच्या सुरुवातीलाच लोकलचं रडगाणं सुरू झाल्याने चाकरमान्यांना मनस्ताप सहन करावा लागत आहे. हार्बर मार्गावरील अनेक स्थानकांवर प्रवाशांची प्रचंड गर्दी झाली आहे. प्रवाशांच्या सोयीसाठी बेस्टनेही जादा बसेस न सोडल्यानं प्रवासी संताप व्यक्त करत आहेत.
सकाळी पावणे सातच्या सुमारास चेंबुर येथे सिग्नलमध्ये बिघाड झाली. त्यामुळे वाशीवरून छत्रपती शिवाजी टर्मिनस आणि पनवेलकडे जाणाऱ्या लोकलचा खोळंबा झाला. हार्बरमार्गावरील वाहतूक सुमारे अर्धा तास उशिराने धावत असल्याचं सूत्रांनी सांगितलं. दरम्यान, सिग्नलमधील बिघाड दुरुस्त करण्याचं काम सुरू असल्याचं मध्य रेल्वेनं स्पष्ट केलं. दरम्यान, आठवड्याच्या सुरुवातीलाच लोकलचं रडगाणं सुरू झाल्याने चाकरमान्यांना मनस्ताप सहन करावा लागत आहे. हार्बर मार्गावरील अनेक स्थानकांवर प्रवाशांची प्रचंड गर्दी झाली आहे. प्रवाशांच्या सोयीसाठी बेस्टनेही जादा बसेस न सोडल्यानं प्रवासी संताप व्यक्त करत आहेत.