मुंबई मिरर वृत्त
तुम्हाला हाउसिंग सोसायटीचा पदाधिकारी होण्यासाठी सोसायटीची निवडणूक लढवायची असेल आणि तुम्हाला दोनपेक्षा अधिक मुलं असतील तर जरा सबूर! आता दोनपेक्षा अधिक मुलं असणाऱ्यांना सोसायटीची निवडणूक लढता येणार नाही. तसा नियमच महाराष्ट्र सहकारी संस्था अधिनियमात करण्यात आला आहे. त्यामुळे दोनपेक्षा अधिक मुलं असणाऱ्यांना यापुढं सोसायटीच्या कमिटीत सदस्य होता येणार नाही.
को-ऑपरेटिव्ह सोसायटीच्या सहाय्यक रजिस्ट्रारने नुकतंच सोसायटीतील दोन सदस्यांना दोनपेक्षा जास्त मुलं असल्यानं मुंबई सेंट्रल हाउसिंग सोसायटीची निवडणूक लढण्यास अपात्र ठरवलं होतं. याबाबत न्यू ग्रीन चेंबर्स हाउसिंग सोसायटीचे हसन अली मुकादम यांनी तक्रार केली होती. सोसायटीचे सहखजिनदार समीर शहा आणि सोसायटीचे सदस्य इमरान खान हे दोघेही सदस्यांना विचारात न घेता सोसायटीचा पुनर्विकास करत असल्याचा आरोप मुकादम यांनी केला होता. ई वॉर्डचे सहाय्यक रजिस्ट्रार कुमार चव्हाण यांच्याकडे ही तक्रार करण्यात आली होती. तेव्हा त्यांनी महाराष्ट्र को-ऑपरेटिव्ह सोसायटी अॅक्ट १९६० मध्ये दोनपेक्षा अधिक मुलं असणाऱ्यांना सोसायटीच्या कमिटीवर निवडून जाता येणार नाही किंवा त्यांना कमिटीत नामनिर्देशित करता येणार नसल्याची तरतूद करण्यात आल्याचं स्पष्ट करून दोन सदस्यांना सोसायटीच्या कमिटीतून बाद केलं.
दरम्यान, सोसायटीचे अध्यक्ष हमीद शेख यांनी रजिस्ट्रारच्या निर्णयाला न्यायालयात आव्हान देणार असल्याचं सांगितलं. कायद्यात तशी सुधारणा झाली असेल तर सदस्यांना त्याबाबत कळवायला हवं होतं. शिवाय निवडणुकीच्या अर्जात मुलांचा कॉलम असायला हवा होता. त्यामुळे कायद्यात सुधारणा झाल्याचं तरी कळलं असतं, असं शेख म्हणाले.
तुम्हाला हाउसिंग सोसायटीचा पदाधिकारी होण्यासाठी सोसायटीची निवडणूक लढवायची असेल आणि तुम्हाला दोनपेक्षा अधिक मुलं असतील तर जरा सबूर! आता दोनपेक्षा अधिक मुलं असणाऱ्यांना सोसायटीची निवडणूक लढता येणार नाही. तसा नियमच महाराष्ट्र सहकारी संस्था अधिनियमात करण्यात आला आहे. त्यामुळे दोनपेक्षा अधिक मुलं असणाऱ्यांना यापुढं सोसायटीच्या कमिटीत सदस्य होता येणार नाही.
को-ऑपरेटिव्ह सोसायटीच्या सहाय्यक रजिस्ट्रारने नुकतंच सोसायटीतील दोन सदस्यांना दोनपेक्षा जास्त मुलं असल्यानं मुंबई सेंट्रल हाउसिंग सोसायटीची निवडणूक लढण्यास अपात्र ठरवलं होतं. याबाबत न्यू ग्रीन चेंबर्स हाउसिंग सोसायटीचे हसन अली मुकादम यांनी तक्रार केली होती. सोसायटीचे सहखजिनदार समीर शहा आणि सोसायटीचे सदस्य इमरान खान हे दोघेही सदस्यांना विचारात न घेता सोसायटीचा पुनर्विकास करत असल्याचा आरोप मुकादम यांनी केला होता. ई वॉर्डचे सहाय्यक रजिस्ट्रार कुमार चव्हाण यांच्याकडे ही तक्रार करण्यात आली होती. तेव्हा त्यांनी महाराष्ट्र को-ऑपरेटिव्ह सोसायटी अॅक्ट १९६० मध्ये दोनपेक्षा अधिक मुलं असणाऱ्यांना सोसायटीच्या कमिटीवर निवडून जाता येणार नाही किंवा त्यांना कमिटीत नामनिर्देशित करता येणार नसल्याची तरतूद करण्यात आल्याचं स्पष्ट करून दोन सदस्यांना सोसायटीच्या कमिटीतून बाद केलं.
दरम्यान, सोसायटीचे अध्यक्ष हमीद शेख यांनी रजिस्ट्रारच्या निर्णयाला न्यायालयात आव्हान देणार असल्याचं सांगितलं. कायद्यात तशी सुधारणा झाली असेल तर सदस्यांना त्याबाबत कळवायला हवं होतं. शिवाय निवडणुकीच्या अर्जात मुलांचा कॉलम असायला हवा होता. त्यामुळे कायद्यात सुधारणा झाल्याचं तरी कळलं असतं, असं शेख म्हणाले.