‘बॉयफ्रेंड असणे हा अत्याचाराचा अधिकार नाही’

मुंबई: मुलीचे दोन बॉयफ्रेंड होते, म्हणून कोणाला तिच्यावर लैंगिक अत्याचार करण्याचा अधिकार मिळत नाही, असे नमूद करत मुंबई उच्च न्यायालयाने एका दोषी आरोपीचा जामीन अर्ज नुकताच फेटाळला.

नाशिकमधील या दोषी आरोपीने त्याच्या अल्पवयीन भाचीवर वारंवार लैंगिक अत्याचार केल्याने कनिष्ठ न्यायालयाने त्याला २०१६मध्ये ‘पोक्सो’ कायद्याखाली दोषी ठरवून दहा वर्षांची शिक्षा सुनावली आहे.

‘आपण असा काही गुन्हा केला नाही. मुलीचे दोन बॉयफ्रेंड होते, ज्यांच्याशी तिने शरीरसंबंध ठेवले होते’, असा युक्तिवाद अर्जदारातर्फे मांडण्यात आला. तो न्यायालयाने फेटाळून लावला.