म. टा. प्रतिनिधी, मुंबईआरोग्य विभागातील एकही जागा रिक्त राहणार नाही. नुकत्याच झालेल्या मंत्रिमंडळ बैठकीत आरोग्य, वैद्यकीय शिक्षण विभागातील रिक्त पदे भरण्यासाठी मान्यता मिळाली आहे. लॉकडाऊनच्या काळात तंत्रज्ञानाच्या मदतीने पदभरतीचे काम केले जाईल, असे आरोग्य मंत्री राजेश टोपे यांनी गुरुवारी फेसबुक लाइव्हद्वारे संवाद साधताना स्पष्ट केले आहे. मुंबईमध्ये संस्थात्मक विलगीकरणावर भर देण्यासाठी युद्धपातळीवर काम करणे आवश्यक असून, त्यासाठी मुंबई महापालिका आयुक्तांना सूचना देण्यात आल्या आहेत, असे तसेच मुंबईत महालक्ष्मी रेसकोर्स, वांद्रे कुर्ला संकुल आणि गोरेगाव येथे रुग्णालय उभारण्याचे काम सुरू असून त्याद्वारे सुमारे २००० नवीन खाटा उपलब्ध होणार आहेत, असे टोपे यांनी सांगितले. राज्यात सहा जिल्हे ग्रीन झोनमध्ये असून ते पुन्हा ऑरेंज झोनमध्ये जाणार नाहीत यासाठी कंटेनमेंट झोनमधील नियमांचे काटोकोरपणे पालन आवश्यक आहे असे त्यांनी नमूद केले.
'आरोग्य विभागातील पदे भरणार'
म टा प्रतिनिधी, मुंबईआरोग्य विभागातील एकही जागा रिक्त राहणार नाही...
महाराष्ट्र टाइम्स.कॉम 8 May 2020, 4:00 am