म. टा. प्रतिनिधी, मुंबई
मंगळवारी मुसळधार पावसाने झोडपल्यानंतर बुधवारी शहर आणि उपनगरात काही ठिकाणी मुसळधार पावसाने हजेरी लावली. आज गुरूवारीही पुन्हा एकदा सतर्क राहण्याचा इशारा मुंबईकरांना देण्यात आला आहे. मुंबईतील अनेक सखल भागांत पाणी तुंबण्याची शक्यता आहे. त्यामुळे हवामान विभागाचे उपसंचालक के. एस. होसाळीकर यांनी ट्विट करून, कारणाशिवाय घराबाहेर न पडण्याची सूचना केली आहे. तर पावसाचा हा जोर शुक्रवारी ओसरणार असल्याचे हवामान खात्याकडून स्पष्ट करण्यात आले आहे.
सांताक्रूझ येथे मंगळवारी सकाळी ८.३० ते सायं. ५.३० या वेळेत ८०.२ मिलीमीटर पावसाची नोंद झाली. तर कुलाबा येथे ३९.२ मिलीमीटर पावसाची नोंद झाली. मंगळवारी दिवसभरात अतिमुसळधार पावसाचा इशारा हवामान खात्यातर्फे वर्तवण्यात आला होता. शहर आणि उपनगरात काही ठिकाणी मुसळधार तर अन्यत्र मध्यम स्वरूपाच्या पावसाने हजेरी लावल्याचे पाहायला मिळाले. यावेळी दादर, वरळीसह विशेषतः वांद्रे, वर्सोवा, विलेपार्ले आणि सांताक्रूझ या पश्चिम उपनगरात मुसळधार पाऊस (६५ ते ११५ मिमी) झाला. तर दक्षिण मुंबई, ग्रॅट रोड, गोरेगाव, बोरिवली या इतर भागात साधारण १५ ते ६५ मिमी पाऊस नोंदविण्यात आला. पूर्व उपनगरात सायंकाळी ६ पर्यंत सरासरी ३६.९६ मिमी पाऊस नोंदविण्यात आला.
जोर शनिवारपर्यंत
गुरुवारी रायगड, मुंबई, पालघर आणि ठाणे जिल्ह्यांत काही ठिकाणी मुसळधार ते अतिमुसळधार पावसाची शक्यता वर्तवण्यात आली आहे. तर शुक्रवारी मुंबई, ठाणे आणि पालघर परिसरात तुरळक ते मध्यम सरी कोसळतील. तर पुन्हा शनिवारी पावसाचा जोर थोडा वाढू शकतो. यासंदर्भातील अद्ययावत माहिती हवामान विभागाकडून जारी करण्यात येईल, असे स्पष्ट करण्यात आले आहे
--------------
पावसाची नोंद
सांताक्रूझ - ८०.२ मिमी
कुलाबा - ३९.२ मिमी
--------------
पाणी साचले, झाडे पडली
मंगळवारी रात्रीपासून असलेला पाऊस व सकाळी समुद्रास आलेली भरती यामुळे हिंदमाता, दादर टीटी, सायन रोड नं. २४, माटुंग्यातील रुईया कॉलेज, वडाळ्यातील शेख मिस्त्री दर्गा, बीपीटी कॉलनी, दादरमधील टिळक ब्रिज तसेच पश्चिम उपनगरात अंधेरी सबवे येथे मोठ्या प्रमाणावर पाणी साचले होते. शहरात ३ तर पूर्व उपनगरांत १ अशा ४ ठिकाणी घर, भिंत पडण्याच्या घटना घडल्या. शहरात ४, पूर्व उपनगरांत ७ व पश्चिम उपनगरांत १३ अशा एकूण २४ ठिकाणी झाडे, फांद्या पडण्याच्या तक्रारी नागरिकांनी महापालिकेकडे नोंदवल्या आहेत.
मंगळवारी मुसळधार पावसाने झोडपल्यानंतर बुधवारी शहर आणि उपनगरात काही ठिकाणी मुसळधार पावसाने हजेरी लावली. आज गुरूवारीही पुन्हा एकदा सतर्क राहण्याचा इशारा मुंबईकरांना देण्यात आला आहे. मुंबईतील अनेक सखल भागांत पाणी तुंबण्याची शक्यता आहे. त्यामुळे हवामान विभागाचे उपसंचालक के. एस. होसाळीकर यांनी ट्विट करून, कारणाशिवाय घराबाहेर न पडण्याची सूचना केली आहे. तर पावसाचा हा जोर शुक्रवारी ओसरणार असल्याचे हवामान खात्याकडून स्पष्ट करण्यात आले आहे.
सांताक्रूझ येथे मंगळवारी सकाळी ८.३० ते सायं. ५.३० या वेळेत ८०.२ मिलीमीटर पावसाची नोंद झाली. तर कुलाबा येथे ३९.२ मिलीमीटर पावसाची नोंद झाली. मंगळवारी दिवसभरात अतिमुसळधार पावसाचा इशारा हवामान खात्यातर्फे वर्तवण्यात आला होता. शहर आणि उपनगरात काही ठिकाणी मुसळधार तर अन्यत्र मध्यम स्वरूपाच्या पावसाने हजेरी लावल्याचे पाहायला मिळाले. यावेळी दादर, वरळीसह विशेषतः वांद्रे, वर्सोवा, विलेपार्ले आणि सांताक्रूझ या पश्चिम उपनगरात मुसळधार पाऊस (६५ ते ११५ मिमी) झाला. तर दक्षिण मुंबई, ग्रॅट रोड, गोरेगाव, बोरिवली या इतर भागात साधारण १५ ते ६५ मिमी पाऊस नोंदविण्यात आला. पूर्व उपनगरात सायंकाळी ६ पर्यंत सरासरी ३६.९६ मिमी पाऊस नोंदविण्यात आला.
जोर शनिवारपर्यंत
गुरुवारी रायगड, मुंबई, पालघर आणि ठाणे जिल्ह्यांत काही ठिकाणी मुसळधार ते अतिमुसळधार पावसाची शक्यता वर्तवण्यात आली आहे. तर शुक्रवारी मुंबई, ठाणे आणि पालघर परिसरात तुरळक ते मध्यम सरी कोसळतील. तर पुन्हा शनिवारी पावसाचा जोर थोडा वाढू शकतो. यासंदर्भातील अद्ययावत माहिती हवामान विभागाकडून जारी करण्यात येईल, असे स्पष्ट करण्यात आले आहे
--------------
पावसाची नोंद
सांताक्रूझ - ८०.२ मिमी
कुलाबा - ३९.२ मिमी
--------------
पाणी साचले, झाडे पडली
मंगळवारी रात्रीपासून असलेला पाऊस व सकाळी समुद्रास आलेली भरती यामुळे हिंदमाता, दादर टीटी, सायन रोड नं. २४, माटुंग्यातील रुईया कॉलेज, वडाळ्यातील शेख मिस्त्री दर्गा, बीपीटी कॉलनी, दादरमधील टिळक ब्रिज तसेच पश्चिम उपनगरात अंधेरी सबवे येथे मोठ्या प्रमाणावर पाणी साचले होते. शहरात ३ तर पूर्व उपनगरांत १ अशा ४ ठिकाणी घर, भिंत पडण्याच्या घटना घडल्या. शहरात ४, पूर्व उपनगरांत ७ व पश्चिम उपनगरांत १३ अशा एकूण २४ ठिकाणी झाडे, फांद्या पडण्याच्या तक्रारी नागरिकांनी महापालिकेकडे नोंदवल्या आहेत.