मुंबईकरांसाठी पोलिसांचा महत्त्वाचा मेसेज; ५ ऑक्टोबर रोजी २४ तासासाठी होणार आहेत हे बदल

मुंबई: राज्यासह संपूर्ण देशात सध्या नवरात्र उत्सव मोठ्या उत्साहात साजरा होत आहे. येत्या ५ ऑक्टोबर रोजी दसरा आणि देवी विसर्जन मिरवणूक होणार आहे. या पार्श्वभूमीवर मुंबई पोलिसांनी वाहतुकीसंदर्भात एक महत्त्वाचे आदेश जारी केले आहेत.

मुंबईत दसरा आणि देवी विसर्जन मिरवणुकीत ५ ऑक्टोबर रोजी सकाळी ६ वाजल्यापासून २४ तास जड वाहनांच्या वाहतुकीस बंदी आहे. रुग्णवाहिका, जीवनावश्यक वस्तूंसाठीची वाहने, सरकारी आणि निमशासकीय वाहने आणि दसरा मेळाव्यासाठी लोकांना घेऊन जाणारी वाहने वगळण्यात आली आल्याचे डीसीपी मुंबई पोलिसांनी म्हटले म्हटले आहे.

वाचा- वर्ल्डकपच्या आधी पाकिस्तानला दणका, टी-२०मध्ये अशी धुलाई कोणाचीच झाली नाही


वाचा- दुसऱ्या टी-२० सामन्याआधी चाहत्यांना रोहित शर्माची भीती; कशामुळे वाढतय टेन्शन

दसरा सणानिमित्त देवी मूर्तींच्या विसर्जनाच्या वेळी वाहतूक सुरळीत व्हावी, यासाठी मुंबई पोलिसांनी जड वाहनांना शहरात प्रवेशबंदीचा आदेश जारी केला आहे. या आदेशातून आपत्कालीन सेवांमध्ये गुंतलेली वाहने आणि दसरा मेळाव्यासाठी लोकांना घेऊन जाणाऱ्या वाहनांना वगळण्यात आले आहे.

यातून अत्यावश्यक वाहने जसे की भाजीपाला वाहने, दूध, ब्रेड आणि बेकरी उत्पादनांची वाहतूक करणारी वाहने, पिण्याच्या पाण्याचे टँकर (इतर पाणीपुरवठा करणारे टँकर वगळता), पेट्रोल, डिझेल आणि रॉकेलचे टँकर, रुग्णवाहिका, सरकारी आणि निमशासकीय वाहने, शाळेच्या बसेस आणि दसरा मेळाव्यासाठी लोकांना घेऊन जाणारी वाहने/बस यांना निर्बंधातून सूट देण्यात आली आहे.