कर्करोगाशी झुंजणाऱ्या नितेशला मदतीचे आवाहन

मटा ऑनलाइन वृत्त । मुंबई

आयआयटी कानपूर आणि आयआयएम कोलकाताचा हुशार विद्यार्थी असलेला नितेश प्रजापत हा गेल्या वर्षभरापासून कर्करोगाशी झुंज देत आहे. तो कॅन्सरच्या तिसऱ्या टप्प्यावर आहे. त्याच्यावर केवळ अमेरिकेत एका विशिष्ट उपचारपद्धतीमुळे जगण्याची एक आशा असल्याचं डॉक्टरांचं म्हणणं आहे. कुटुंबातला तो एकमेव कमावता असल्यानं हा खर्च त्याला पेलवणारा नाही.

२०१६ मध्ये त्याच्या कर्करोगाचं निदान झालं. त्याच्या फुफ्फुस, ओटीपोटात १२ ट्युमर्स आहेत. जगण्याची उमेद नितेशने सोडलेली नाही. त्याचे मित्र, माजी आयआयटीअन्स त्याला मदत करण्यासाठी पुढे आले आहेत. त्याच्या उपचारासाठी ५ लाख अमेरिकन डॉलर्स इतका खर्च येणार आहे. कुटुंबात सर्वात मोठा नितेशच आहे. भावाच्या शिभणाचा भार त्याच्यावरच आहे. कर्करोग झाल्याच्या धक्क्यातून त्याचं कुटुंब आता कुठं सावरत आहे. आता त्यांनी या रोगाशी दोन हात करण्याचा निर्णय घेतला आहे. कर्करोगाशी झुंजत असतानाच नितेशने आयआयएम कोलकातामधून एमबीए पूर्ण केलं आहे.

नितेशला मदत करायची असल्यास पुढील लिंकवर क्लिक करा...

https://www.ketto.org/fundraiser/niteshstage4?utm_source=donor