मटा ऑनलाइन वृत्त । मुंबई
छोट्या पडद्यावरून घराघरांत पोहोचलेली आणि सध्या रंगभूमीवरील अजरामर ‘फुलराणी’ ताकदीनं साकारणारी अभिनेत्री हेमांगी कवी हिचं मुंबईतील घराचं स्वप्न अखेर साकार झालं आहे. आठव्या प्रयत्नात तिला म्हाडाची लॉटरी लागली असून आता तिचा नवा पत्ता मागाठणे–बोरीवली असा असेल.
हेमांगीसोबतच, अनेक मालिका आणि कॉमेडी शोमधून प्रेक्षकांना दिलखुलास हसवणाऱ्या अभिनेत्री सुहास परांजपे याच्या चेहऱ्यावरही म्हाडानं हसू फुलवलं आहे. मागाठणे-बोरीवली इथे त्यांनाही घर लागलं असून त्या ‘मुंबईकर’ झाल्या आहेत.
त्याशिवाय, 'सैराट'मध्ये परशा आणि आर्चीला हैदराबादमध्ये आश्रय देणाऱ्या सुमन अक्काचा, अर्थात अभिनेत्री छाया कदम यांचा मुंबईतील घराचा प्रश्न निकाला निघाला आहे. सायनच्या प्रतीक्षानगरमध्ये त्यांना घर लागलं आहे.
मध्यमवर्गीयांना मुंबईत हक्काचं छत देणाऱ्या म्हाडाच्या ९७२ घरांची सोडत आज काढण्यात येतेय. सकाळी ९ वाजल्यापासून रंगशारदा सभागृहात हा 'सोहळा' सुरू आहे. तब्बल १ लाख ३६ हजार ५७७ जणांनी या घरांसाठी अर्ज केला असल्याने त्यातले ९७२ भाग्यवान कोण, याबद्दल सगळ्यांनाच उत्सुकता आहे. मायानगरीत स्वतःचं घर असावं, हे स्वप्न उराशी बाळगून अनेक मराठी तारे-तारकाही आपलं नशीब अजमावत असून त्यात हेमांगी कवी आणि सुहास परांजपे यांचा 'गृहप्रवेश' निश्चित झाला आहे.
कमलेश चौहान, वर्षा माने, नीलेश सबरदांडे हे तिघेजण आजच्या सोडतीतील पहिल्या ड्रॉचे विजेते ठरले. गोरेगाव सिद्धार्थ नगरमध्ये त्यांना घर लागलं. स्वातंत्र्यसैनिक कुटुंबीय प्रवर्गात औरंगाबादचे विजय सीताराम पंतखारकर यांना पवईत घर मिळालं आहे.
कलाकारांची उत्सुकता शिगेला
दरम्यान, हेमांगी आणि सुहास परांजपे यांना 'लॉटरी' लागल्यानं इतर कलाकारांची उत्सुकता शिगेला पोहोचली आहे. ‘तारक मेहता का उल्टा चष्मा’फेम ‘मिस्टर अय्यर’ अर्थात अभिनेता तनुज महाशब्दे, ‘बँडीट क्वीन’ व ‘वॉटर’फेम अभिनेत्री सीमा बिस्वास, ‘राधा ही बावरी’फेम अभिनेत्री श्रुती मराठे यांच्यासह मेघना एरंडे, रसिका आगाशे, अनुपमा ताकमोघे, तेज सप्रू, शार्दुल सराफ शैला काणेकर आदींनी यंदाच्या सोडतीत अर्ज भरला आहे.
छोट्या पडद्यावरून घराघरांत पोहोचलेली आणि सध्या रंगभूमीवरील अजरामर ‘फुलराणी’ ताकदीनं साकारणारी अभिनेत्री हेमांगी कवी हिचं मुंबईतील घराचं स्वप्न अखेर साकार झालं आहे. आठव्या प्रयत्नात तिला म्हाडाची लॉटरी लागली असून आता तिचा नवा पत्ता मागाठणे–बोरीवली असा असेल.
हेमांगीसोबतच, अनेक मालिका आणि कॉमेडी शोमधून प्रेक्षकांना दिलखुलास हसवणाऱ्या अभिनेत्री सुहास परांजपे याच्या चेहऱ्यावरही म्हाडानं हसू फुलवलं आहे. मागाठणे-बोरीवली इथे त्यांनाही घर लागलं असून त्या ‘मुंबईकर’ झाल्या आहेत.
त्याशिवाय, 'सैराट'मध्ये परशा आणि आर्चीला हैदराबादमध्ये आश्रय देणाऱ्या सुमन अक्काचा, अर्थात अभिनेत्री छाया कदम यांचा मुंबईतील घराचा प्रश्न निकाला निघाला आहे. सायनच्या प्रतीक्षानगरमध्ये त्यांना घर लागलं आहे.
मध्यमवर्गीयांना मुंबईत हक्काचं छत देणाऱ्या म्हाडाच्या ९७२ घरांची सोडत आज काढण्यात येतेय. सकाळी ९ वाजल्यापासून रंगशारदा सभागृहात हा 'सोहळा' सुरू आहे. तब्बल १ लाख ३६ हजार ५७७ जणांनी या घरांसाठी अर्ज केला असल्याने त्यातले ९७२ भाग्यवान कोण, याबद्दल सगळ्यांनाच उत्सुकता आहे. मायानगरीत स्वतःचं घर असावं, हे स्वप्न उराशी बाळगून अनेक मराठी तारे-तारकाही आपलं नशीब अजमावत असून त्यात हेमांगी कवी आणि सुहास परांजपे यांचा 'गृहप्रवेश' निश्चित झाला आहे.
कमलेश चौहान, वर्षा माने, नीलेश सबरदांडे हे तिघेजण आजच्या सोडतीतील पहिल्या ड्रॉचे विजेते ठरले. गोरेगाव सिद्धार्थ नगरमध्ये त्यांना घर लागलं. स्वातंत्र्यसैनिक कुटुंबीय प्रवर्गात औरंगाबादचे विजय सीताराम पंतखारकर यांना पवईत घर मिळालं आहे.
कलाकारांची उत्सुकता शिगेला
दरम्यान, हेमांगी आणि सुहास परांजपे यांना 'लॉटरी' लागल्यानं इतर कलाकारांची उत्सुकता शिगेला पोहोचली आहे. ‘तारक मेहता का उल्टा चष्मा’फेम ‘मिस्टर अय्यर’ अर्थात अभिनेता तनुज महाशब्दे, ‘बँडीट क्वीन’ व ‘वॉटर’फेम अभिनेत्री सीमा बिस्वास, ‘राधा ही बावरी’फेम अभिनेत्री श्रुती मराठे यांच्यासह मेघना एरंडे, रसिका आगाशे, अनुपमा ताकमोघे, तेज सप्रू, शार्दुल सराफ शैला काणेकर आदींनी यंदाच्या सोडतीत अर्ज भरला आहे.